ഡോ.അബ്​ദുറഹ്​മാൻ അൽസുദൈസുമായി പുതിയ ഹറം സു​രക്ഷ​ സേന മേധാവി കൂടിക്കാഴ്​ച നടത്തി

മക്ക: ഹറം സു​രക്ഷ​ സേന മേധാവിയായി നിയോഗിച്ച ജനറൽ യഹ്​യാ അൽ ഉഖൈയ്​ൽ ഇരുഹറം കാര്യാലയ മേധാവി ഡോ. അബ്​ദുറഹ്​മാൻ അൽസുദൈസുമായി കൂടിക്കാഴ്​ച നടത്തി. ഉത്തരവാദിത്തം ഭംഗിയായി നിർവഹിക്കാൻ കഴിയ​െട്ടയെന്ന്​ ഇരുഹറം കാര്യാലയ മേധാവി ആശംസിച്ചു. ഇരുഹറം കാര്യാലയത്തിനും ഹറം സുരക്ഷ സേനക്കുമിടയിൽ സഹകരണം ശക്​തിപ്പെടുത്തി തീർഥാടകർക്ക്​ നൽകുന്ന സേവനങ്ങൾ മികച്ചതാക്കുന്ന കാര്യങ്ങൾ ഇരുവരും ചർച്ച ചെയ്​തു. ഹറം സുരക്ഷ സേന ഉപമേധാവി കേണൽ മുശബിബ്​ ആലു റുമാനും സന്നിഹിതനായിരുന്നു.