ആഭ്യന്തര വിമാന സർവിസ്​ ഞായറാഴ്​ച മുതൽ; കർശന നിബന്ധനകൾ

ജിദ്ദ: രാജ്യത്ത്​ ഞായറാഴ്​ച മുതൽ ആഭ്യന്തര വിമാന സർവീസ്​ പുനരാരംഭിക്കാനിരിക്കെ യാത്രക്കാർക്കുള്ള മാർഗ നിർദേശങ്ങൾ സിവിൽ ഏവിയേഷൻ അതോറിറ്റി  പുറത്തിറക്കി. വിട്ടിൽ നിന്ന്​ പുറപ്പെട്ട്​ ലക്ഷ്യസ്​ഥാനത്തെത്തുന്നതു വരെ പാലിക്കേണ്ട ആരോഗ്യ മുൻകരുതൽ നടപടികൾ ഉൾക്കൊള്ളുന്നതാണ്​ മാർഗ നിർദേശങ്ങൾ. യാത്ര  സുരക്ഷിതമാകാനും രോഗപകർച്ച തടയാനും വിമാനത്താവളത്തിലും വിമാനത്തിനകത്തും സിവിൽ ഏവിയേഷൻ അതോറിറ്റിയും ആരോഗ്യ വകുപ്പും നിശ്ചയിച്ച  മുൻകരുതൽ നടപടികൾ മുഴുവൻ യാത്രക്കാരും പാലിക്കണം. 

യാത്രക്കാർ വിമാനം പുറപ്പെടുന്നതിന്​ രണ്ട്​ മണിക്കൂർ മുമ്പ്​ ഹാജരാകണം, വിമാനത്താവളത്തിൽ വെച്ച്​  ശരീരോഷ്​മാവ്​ പരിശോധനയ്​ക്ക്​ വിധേയരാകണം, ഹാളിലേക്ക്​ പ്രവേശിക്കും മുമ്പ്​ കൈകൾ സ്​റ്റെറിലൈസർ ഉപയോഗിച്ച്​ അണുമുക്തമാക്കണം, മാസ്​ക്​ ധരിച്ചിരിക്കണം  തുടങ്ങിയവ നിർദേശങ്ങളിലുൾപ്പെടും. മാസ്​ക്​ ധരിക്കാത്തവരെ യാത്രയിൽ നിന്ന്​ തടയും​. 

യാത്രയിലുടനീളം മാസ്​കും കൈയ്യുറയും ധരിച്ചിരിക്കണം., കോവിഡ്​  ലക്ഷണങ്ങളു​ണ്ടെങ്കിൽ ബുക്കിങ്​ സമയത്ത്​ തുറന്നു പറയണം, വിമാനത്തിനകത്ത്​ ഒരു ലഗേജ്​ മാത്രമേ അനുവദിക്കൂ, ബോർഡിങ്​ സമയത്തും വിമാനത്തിന്​ അടുത്തേക്കും  തിരിച്ചും ബസിൽ യാത്ര ചെയ്യു​േമ്പാഴും വിമാനത്തി​ന്​ അകത്തേക്കും​ പുറത്തേക്കും എയർ ബ്രിഡ്​ജിലൂടെ നടക്കു​േമ്പാഴും യാത്രയുടെ മറ്റെല്ലാ ഘട്ടങ്ങളിലും സമൂഹ അകലം  പാലിച്ചിരിക്കണമെന്നും നിബന്ധനയുണ്ട്​. 

മുഴുവൻ വിമാനത്താവളങ്ങളിലും അണുമുക്തമാക്കുന്നതിനാവശ്യമായ വസ്​തുക്കൾ ഒരുക്കിയിരിക്കണം, വിമാനത്താവളത്തിലെും  വിമാനത്തിലെയും ജീവനക്കാർ മെഡിക്കൽ പരിശോധനക്ക്​ വിധേയമാകണം, കൈകൾ നിർബന്ധമായും കഴുകണം, മാസ്​കും കൈയ്യുറകളും ധരിക്കണം,  വിമാനത്താവളങ്ങൾ മൂന്ന്​ മണിക്കൂർ ഇടവിട്ട്​ ശുചീകരിക്കണം, യാത്ര തുടങ്ങു​േമ്പാഴും അവസാനിക്കു​േമ്പാഴും വിമാനങ്ങൾ പൂർണമായും ശുചീകരിക്കണം, ഒരോ  യാത്രക്കിടയിലും മൂന്ന്​ മണിക്കൂറിൽ കുറയാത്ത സമയം ശുചീകരണ, അണുമുക്​തമാക്കൽ ജോലിക്കായി ഉണ്ടാവണം, വിമാനത്താവളത്തിലെ ടിക്കറ്റ്​ വിൽപന കൗണ്ടറുകൾ  തുറക്കരുത്​, പകരം ടിക്കറ്റ്​ വിൽപന ഇലക്​ട്രോണിക്​ സംവിധാനത്തിലുടെയായിരിക്കണം. യാത്രക്കാരെ മാത്രമേ വിമാനത്താവളത്തിനകത്തേക്ക്​ കടത്തിവിടാൻ പാടുള്ളു.  

ലഗേജുകൾക്കായുള്ള ഉന്തുവണ്ടികൾ ഇടക്കിടെ അണുമുക്തമാക്കിയിക്കണം, രോഗബാധയു​ണ്ടെന്ന്​ സംശയിക്കുന്നവരെ താമസിപ്പിക്കാൻ പ്രത്യേക റൂം സംവിധാനങ്ങൾ  വേണം, ലഗേജുകൾ ഏറ്റുവാങ്ങുന്ന സ്​ഥലങ്ങളിൽ സമൂഹ അകലം പാലിക്കണം, നിർദേശങ്ങൾ യാത്രക്കാർക്ക്​ കാണത്തക്കവിധം എഴുതിവെച്ചിരിക്കണം തുടങ്ങിയ  നിർദേശങ്ങളും ട്രാവൽ ഗൈഡിലുണ്ട്​​.