ഹാഇൽ അബീർ ആശുപത്രിയിലെ ഡോക്ടർ ഗോപിനാഥ് നിര്യാതനായി

ഹാഇൽ: ഹാഇലിലെ മലയാളി സമൂഹത്തിനിടയിൽ ഏറെ പരിചിതനായ തൃശൂർ കൊടുങ്ങല്ലൂർ സ്വദേശി ഡോ. ഗോപിനാഥ്​ (64) നാട്ടിൽ ഹൃദയാഘാതം മൂലം മരിച്ചു. അസുഖബാധിതനായി ഒരു മാസം മുമ്പാണ്​ നാട്ടിലേക്ക് പോയത്​. ശവസംസ്കാരം കൊടുങ്ങല്ലൂരിലെ വസതിയിൽ ബുധനാഴ്​ച നടക്കും.

ഹാഇലിലെ അൽ അബീർ ആശുപത്രിയിൽ 10 വർഷത്തിലേറെയായി സേവനം അനുഷ്​ടിക്കുകയായിരുന്നു​. സൗമ്യമായ സ്വഭാവക്കാരനായിരുന്ന ഡോക്ടർ സാമുഹിക, സാന്ത്വന മേഖലകളിൽ വലിയ സഹായിയായിരുന്നു. ഭാര്യ: വിനോദിനി, മക്കൾ: മനോജ്, പ്രശാന്ത്.