ആഭരണങ്ങളിൽ ഖുർആൻ വാക്യങ്ങൾ എഴുതരുത്​

ജിദ്ദ: ആഭരണങ്ങളിലും കരകൗശല വസ്തുക്കളിലും ഖുർആൻ വാക്യങ്ങൾ എഴുതരുതെന്ന്​ സൗദി വാണിജ്യമന്ത്രാലയം.​ സ്വർണമുൾപ്പെടെ ഏതു​തരം ആഭരണങ്ങളിലും കരകൗശലവസ്​തുക്കളിലും ഖുർആൻ ലിഖിതങ്ങൾ ചേർക്കാതിരിക്കാൻ ശ്രദ്ധിക്കണമെന്ന്​ സൗദി ഗ്രാൻഡ് മുഫ്​തിയുടെ പ്രസംഗം ഉദ്ധരിച്ചാണ്​​ മന്ത്രാലയം മുന്നറിയിപ്പ്​ നൽകിയത്​. ഖുർആനിക വാക്യങ്ങൾ​ അനാദരിക്കപ്പെടാതിരിക്കാനും അവതരണ ലക്ഷ്യത്തിനല്ലാതെ മറ്റാവശ്യങ്ങൾക്ക് ദുരുപയോഗിക്കാതിരിക്കാനുമാണ്​ ​ഇത്തരം നിർദേശം. ഇതുസംബന്ധിച്ച് സൗദി ചേംബർ ഓഫ്​ കോമേഴ്​സ്​ ആൻഡ്​ ഇൻഡസ്​ട്രി​ സർക്കുലർ പുറത്തിറക്കി.