Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightSaudi Arabiachevron_rightകെട്ടിടങ്ങൾക്കുമുന്നിൽ...

കെട്ടിടങ്ങൾക്കുമുന്നിൽ സ്വകാര്യ പാർക്കിങ് ബോർഡ് വെക്കരുത്

text_fields
bookmark_border
കെട്ടിടങ്ങൾക്കുമുന്നിൽ സ്വകാര്യ പാർക്കിങ് ബോർഡ് വെക്കരുത്
cancel

ജിദ്ദ: താമസ കെട്ടിടങ്ങൾക്ക് മുന്നിൽ പൊതുനിരത്തുകളിൽ പാർക്കിങ് ബോർഡുകളോ കോണുകളോ മറ്റു തടസ്സങ്ങളോ സ്ഥാപിക്കുന്നവർക്ക് 3,000 റിയാൽ പിഴ ചുമത്തുമെന്ന് ജിദ്ദ നഗരസഭ അറിയിച്ചു.

മറ്റുള്ളവർ വാഹനങ്ങൾ പാർക്ക് ചെയ്യുന്നത് തടയുന്നതിനായി കെട്ടിടത്തോട് ചേർന്നുള്ള സ്ഥലം അടച്ചിടാനോ റിസർവ് ചെയ്യാനോ കെട്ടിട ഉടമകൾക്ക് അവകാശമില്ലെന്ന് നഗരസഭ വക്താവ് മുഹമ്മദ് അൽ-ബഖാമി പറഞ്ഞു. തെരുവ് ഉപയോഗിക്കുന്നത് പൊതു അവകാശമാണെന്നും അതിന്റെ ഉടമസ്ഥാവകാശം ആരുടെയും പരിധിക്കുള്ളിലല്ലെന്നും അദ്ദേഹം പറഞ്ഞു. ഇത്തരം നിയമലംഘനങ്ങൾക്കെതിരെ മുനിസിപ്പൽ ലംഘനങ്ങളുടെയും പിഴകളുടെയും പട്ടികയുടെ ആർട്ടിക്കിൾ 3/39 വെച്ച് നടപടി സ്വീകരിക്കുമെന്നും അൽ-ബഖാമി പറഞ്ഞു.

പിഴ അടക്കുന്നതിനുപുറമെ, ഈ സ്ഥലങ്ങളിൽ സ്ഥാപിച്ചിട്ടുള്ള തടസ്സങ്ങൾ നീക്കി നിയമലംഘനം പരിഹരിക്കേണ്ടതുണ്ടെന്നും അദ്ദേഹം കൂട്ടിച്ചേർത്തു. എന്നാൽ, ഇത്തരം സ്ഥലങ്ങൾ തങ്ങൾക്ക് ഉപയോഗിക്കാൻ മാത്രമായി രേഖാമൂലം നിജപ്പെടുത്തിയിട്ടുണ്ടെങ്കിൽ അത് കെട്ടിട ഉടമകൾക്ക് ഉപയോഗിക്കാം. അങ്ങനെയെങ്കിൽ അത് കെട്ടിട ഉടമയുടെ സ്വത്തായിരിക്കും, പൊതു തെരുവിന്റെ ഭാഗമായിരിക്കില്ല.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:saudi newssaudiprivate parking sign
News Summary - Do not place private parking signs in front of buildings
Next Story