Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightSaudi Arabiachevron_rightസൗദിയിലേക്ക്​...

സൗദിയിലേക്ക്​ നേരിട്ട്​ വരാം: വിശദാംശങ്ങളറിയാൻ ആകാംക്ഷയിൽ പ്രവാസികൾ​

text_fields
bookmark_border
സൗദിയിലേക്ക്​ നേരിട്ട്​ വരാം: വിശദാംശങ്ങളറിയാൻ ആകാംക്ഷയിൽ പ്രവാസികൾ​
cancel

ദമ്മാം: 18​ മാസത്തിലധികം പിന്നിടുന്ന കാത്തിരിപ്പുകൾക്കൊടുവിൽ ഇന്ത്യൻ പ്രവാസികളുടെ മനസിലെ ആധിയെ തണുപ്പിക്കുന്ന വാർത്തയാണ്​ പുറത്തുവന്നിരിക്കുന്നത്​. സൗദിയിൽ നിന്ന്​ രണ്ട്​ ഡോസ്​ വാക്​സിൻ സ്വീകരിച്ച് നിലവിൽ യാത്രാവിലക്കുള്ള​ സ്വദേശങ്ങളിലേക്ക്​ പോയവർക്ക്​ നേരിട്ട്​ തിരിച്ചെത്താമെന്ന സൗദി വിദേശകാര്യ മന്ത്രാലയത്തി​െൻറ​ വിജ്ഞാപനം പ്രവാസികളിൽ വലിയ പ്രതികരണമാണ്​ ഉണ്ടാക്കിയത്​.

ചൊവ്വാഴ്​ച ഉച്ചയോടെ പുറത്തുവന്ന വിവരം ഉടൻ മലയാളമടക്കം മുഴുവൻ മാധ്യമങ്ങളിലും പ്രത്യക്ഷപ്പെട്ടു. അതോടെ വാർത്തയുടെ വിശ്വാസ്യത ബോധ്യപ്പെടാതെ മാധ്യമസ്ഥാപനങ്ങളിലേക്ക്​ ഫോൺ വിളികളു​െട പ്രവാഹമായിരുന്നു. അൽപ സമയത്തിനകം ഇന്ത്യൻ എംബസിയുടെ ഔദ്യോഗിക ഫെയ്​സ്​ ബുക്​ പേജിലും ട്വിറ്ററിലും സ്ഥിരീകരണം വന്നതോടെ എല്ലാവർക്കും ആശ്വാസമായി.

കോവിഡി​െൻറ തുടക്കകാലം മുതൽക്കെ ചിട്ടയായ, ദീർഘവീക്ഷണത്തോടെയുള്ള കരുതൽ പ്രവർത്തനങ്ങളിലൂടെ സൗദി അറേബ്യ തീർത്ത പ്രതിരോധ സംവിധാനം തന്നെയാണ്​ ഏറെ ആശ്വാസകരമായ വാർത്ത പ്രവാസികൾക്ക്​ ലഭിക്കാൻ സഹായകമായത്​. വാക്​സിനേഷൻ പ്രക്രിയ ഏറെ കൃത്യതയോടെ നടപ്പാക്കിയ സൗദിക്ക്​ 12 വയസുള്ള കുട്ടികൾ മുതൽ മുകളിലേക്കുള്ള മുഴുവൻ വിഭാഗം ആളുകൾക്കും പ്രതിരോധ കുത്തിവെപ്പ്​ നൽകാനായി​​. രോഗ വ്യാപനം തടയാനുള്ള സംവിധാനങ്ങളും പഴുത്​ നൽകാതെ പ്രവർത്തിച്ചതോടെ പ്രതിദിന കോവിഡ്​ വ്യാപന കണക്കിലും കുറവ്​ വന്നു. ഏറ്റവും ഒടുവിൽ പുതിയ രോഗികളുടെ എണ്ണം 353 ആയി കുറഞ്ഞു. ഖത്തറും ഒമാനും വാക്​സിൻ സ്വീകരിച്ചവർക്ക്​ തിരികെയെത്താൻ വാതിൽ തുറന്നപ്പോഴും 10 ദിവസത്തിലധികം അവിടെ ഹോട്ടൽ ക്വാറൻറീൻ വേണ്ടി വരുന്നതും ഭീമമായ ചെലവും തിരിച്ചു വരാനുള്ള ശ്രമത്തിൽ നിന്ന്​ സാധാരണ പ്രവാസികളെ പിന്തിരിപ്പിച്ചിരുന്നു.

സൗദിയുടെ പുതിയ പ്രഖ്യാപനം ആഹ്ലാദാതിരേകത്തോടെയാണ്​ പ്രവാസി സമൂഹം ഏറ്റെടുത്തിരിക്കുന്നത്​. തിരിച്ചു വരാനുള്ള വഴിയില്ലാത്തതിനാൽ നാട്ടിൽ പോകാൻ കഴിയാതെ ബുദ്ധിമുട്ടുന്ന, നിലവിൽ സൗദിയിലുള്ള പ്രവാസികൾക്കും ഇനി ആശ്വസിക്കാം. അച്​ഛനും അമ്മയും മരിച്ചതറിഞ്ഞ്​ അവരുടെ സംസ്​കാര ചടങ്ങിൽ പ​െങ്കടുക്കാൻ പോകാനൊരുങ്ങൂന്ന പന്തളം സ്വദേശി സൈമൺ ഏറെ ധൈര്യത്തോടെയാണ്​ വ്യാഴാഴ്​ച നാട്ടിലേക്ക്​ വിമാനം കയറുന്നത്​. സൗദിയിൽ നിന്ന്​ രണ്ട്​ ഡോസ്​ വാക്​സിനുമെടുത്തിരിക്കുന്നതിനാൽ ചടങ്ങുകളെല്ലാം കഴിഞ്ഞ്​ നേരിട്ട്​ തിരിച്ചുവരാമല്ലോ എന്ന ധൈര്യത്തിലാണ്​, പുതിയ വാർത്തയുടെ വെളിച്ചത്തിൽ അദ്ദേഹം. കഴിഞ്ഞ ദിവസമാണ്​​ നാട്ടിൽ അച്​ഛനും അമ്മയും മരിച്ചത്​​. ഇരുവരുടെയും വിയോഗമറിഞ്ഞ്​ നെഞ്ചകം വിങ്ങി​പ്പൊട്ടു​േമ്പാഴും നാട്ടിൽ പോയി വരാൻ എന്താ വഴി എന്ന ആലോചനയിലായിരുന്നു സൈമൺ. അപ്പോഴാണ്​ പുതിയ വാർത്ത അറിയുന്നത്​. ഉടൻ 'ഗൾഫ്​ മാധ്യമം' ഓഫിസിൽ വിളിച്ച്​​ വാർത്ത സ്​ഥിരീകരിച്ചതിന്​ ശേഷം​ ​നാട്ടിൽ പോകാൻ തീരുമാനമെടുത്തു​.

സൗദിയിൽ നിന്ന്​ രണ്ട്​ ഡോസ്​ വാക്​സിൻ സ്വീകരിച്ചവർക്ക്​ നാട്ടിൽ പോയി നേരിട്ട്​ മടങ്ങാം എന്ന്​ അറിയു​േമ്പാഴും അത്​ എന്ന്​ മുതൽ പ്രാബല്യത്തിലാകും എന്നറിയാത്തതിനാൽ അവ്യക്തത തുടരുകയാണ്​. വിശദാംശങ്ങൾ അറിയാനുള്ള ആകാംക്ഷയിലാണ്​ പ്രവാസികൾ. സൗദിയിൽ നിന്ന്​ രണ്ട്​ വാക്​സിൻ എടുത്ത ആയിരക്കണക്കിന്​ ആളുകൾ ഇപ്പോൾ നാട്ടിലുണ്ട്​. അവർക്ക്​ ഈ വാർത്ത ആശ്വാസം പകരും.

അതേ സമയം സ്വദേശങ്ങളിൽ നിന്ന്​ രണ്ട്​ ഡോസ്​ വാക്​സിൻ എടുത്തവരുടെ കാര്യത്തിൽ എന്താവും തീരുമാനം എന്ന്​ വ്യക്തമല്ല. സൗദിയിൽ നിന്ന്​ ഒരു ഡോസ്​ മാത്രം സ്വീകരിച്ച്​ നാട്ടിൽ പോയവരും ഏറെയുണ്ട്​ അവരുടെ കാര്യത്തിലും എന്താണ്​ തീരുമാനം എന്ന്​ വ്യക്തമല്ല. വരും ദിവസങ്ങളിൽ കൂടുതൽ അനുകൂല പ്രഖ്യാപനങ്ങൾ ഉണ്ടാകുമെന്ന്​ തന്നെയാണ്​ പ്രതീക്ഷിക്കപ്പെടുന്നത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:saudi flightsTravel RestrictionsSaudi Arabiatravel ban
News Summary - Direct access to Saudi Arabia from travel-restricted countries
Next Story