പൊലീസിനെ ഡിജിറ്റിൽ ഇഖാമ കാണിച്ചാൽ മതിയാകുമെന്ന്​ സൗദി ജവാസത്ത്​

ജിദ്ദ: പൊലീസോ മറ്റ്​ സുരക്ഷാ വകുപ്പുകളോ തിരിച്ചറിയൽ രേഖ ആവശ്യപ്പെടു​േമ്പാൾ മൊബൈൽ ഫോണിലുള്ള ഡിജിറ്റൽ ഇഖാമ കാണിച്ചാൽ മതിയെന്ന്​ സൗദി പാസ്​ പോർട്ട്​ (ജവാസത്ത്​) ഡയറക്​ടറേറ്റ്​ അറിയിച്ചു. അബ്​ഷിർ ഇൻഡിവിഡ്വൽ ആപ്​ ഇൻസ്​റ്റാൾ ചെയ്​ത്​ ഡിജിറ്റൽ ഇഖാമ ​മൊബൈൽ ഫോണിൽ സൂക്ഷിക്കുന്നവർ യഥാർഥ ഇഖാമയ്​ക്ക്​ പകരം ഇൗ ഡിജിറ്റൽ രൂപം കാണിച്ചാൽ മതിയാകുമെന്ന്​ ജവാസത്​​ വക്താവ്​ കേണൽ നാസിർ ബിൻ മുസലത്ത്​ അൽഉതൈബി വ്യക്തമാക്കി.

അബ്​ഷിർ ആപ്പിൽ ദേശീയ ഇൻഫർമേഷൻ കേന്ദ്രവുമായി സഹകരിച്ച്​ പാസ്​പോർട്ട്​ വകുപ്പ്​ ഡിജിറ്റൽ ഇഖാമ പതിപ്പ്​​ ഒരുക്കിയിട്ടുണ്ട്​​. ഉയർന്ന സുരക്ഷ സവിശേഷതകളോട്​ കൂടിയ രേഖയാണിത്​​. ആപ്പിൽ ​പ്രവേശിച്ചാൽ സ്​മാർട്ട്​ ഫോണുകളിലേക്ക് ഇഖാമ ഡൗൺലോ​ഡ്​ ചെയ്യാൻ സാധിക്കും. പരിശോധന വേളയിലും മറ്റും ഒറിജിനൽ ഇഖാമ ​ൈകയ്യി​ ലില്ലെങ്കിൽ ​​ഡിജിറ്റൽ ഇഖാമ സഹായകമാകും. മാത്രമല്ല ഡിജിറ്റൽ ഇഖാമയിലെ ക്യൂ.ആർ കോഡ്​ റീഡ്​ ചെയ്​താൽ ആളെ സംബന്ധിച്ച മുഴുവൻ ഒൗദ്യോഗിക വിവരങ്ങളും കാണാൻ സാധിക്കുമെന്നും വക്താവ്​ പറഞ്ഞു.

ആഭ്യന്തര മന്ത്രാലയത്തി​െൻറ ഒാൺലൈൻ പോർട്ടലായ 'അബ്​ഷിർ' പുതുതായി ഇറക്കിയതാണ്​ ഇൻഡിവിഡ്വൽ ആപ്​. ഭാവിയിൽ നിരവധി സവിശേഷതകൾ ഡിജിറ്റൽ ഇഖാമയിൽ ഉൾക്കൊള്ളിക്കും. ഇത്​ സുരക്ഷ ഉദ്യോഗസ്ഥരെ​ വേഗത്തിൽ ജോലി നിർവഹിക്കാൻ സഹായിക്കുന്നതാണ്​. രാജ്യത്തെ വിദേശികൾക്ക്​ തിരിച്ചറിയൽ രേഖ കൈയ്യിൽ സൂക്ഷിക്കാൻ എളുപ്പമാവുകയും ചെയ്യും.