മസ്ജിദുന്നബവി ലൈബ്രറിയിൽ ഡിജിറ്റൽ ബാഗ്

മദീന: മസ്ജിദുന്നബവി ലൈബ്രറിയുടെ ഡിജിറ്റൽ ബാഗ് ഇരുഹറം കാര്യാലയ മേധാവി ഡോ. അബ്ദുറഹ്മാൻ അൽസുദൈസ് ഉദ്ഘാടനം ചെയ്തു. ഹറമിലെത്തുന്ന സന്ദർശകർക്ക് ഉപഹാരമായി നൽകിയിരുന്ന പുസ്തകങ്ങൾ ഓൺലൈനിലാക്കി മാറ്റിയതാണ് ഡിജിറ്റൽ ബാഗ്.

സന്ദർശകർക്കും ഗവേഷകർക്കും വിദ്യാർഥികൾക്കും വിതരണം ചെയ്യുന്നതിനാണിത്. ‘വിഷൻ 2030’-ന്റെ പ്രധാന സ്തംഭങ്ങളിലൊന്നായ ഡിജിറ്റൽ സേവനങ്ങൾ മെച്ചപ്പെടുത്തുന്നതിന് ഫലപ്രദമായ രീതിയിൽ ഡിജിറ്റൽ പരിവർത്തനം കൈവരിക്കണമെന്ന് ഇരുഹറം കാര്യാലയ മേധാവി പറഞ്ഞു.