ഉംറ  നിർവഹിക്കുന്നതിനിടെ തൊടുപുഴ സ്വദേശി   കുഴഞ്ഞു വീണുമരിച്ചു

റിയാദ്​: റിയാദിൽ നിന്ന്​ ഉംറ നിർവഹിക്കാൻ പോയ തൊടുപൂഴ സ്വദേശി കഅബ പ്രദക്ഷിണത്തിനിടെ കുഴഞ്ഞു വീണുമരിച്ചു. തൊടുപുഴ ഇൗസ്​റ്റ്​  കാരിക്കോട്​ അയപ്പുരക്കൽ വീട്ടിൽ  മുഹമ്മദ്​ സഹീർ (54 ) ആണ് വ്യാഴാഴ്​ച ഉച്ചക്ക്​  2.30 ഒാടെ മരിച്ചത്​. റിയാദിലെ അൽ ശിഫയിൽ പത്ത്​ വർഷത്തിലേറെയായി  ബൂഫിയയിൽ ജോലി ചെയ്യുകയായിരുന്നു. എക്​സിറ്റിൽ നാട്ടിൽ പോകാൻ തീരുമാനിച്ചതായിരുന്നു. റസിയ സജീർ ആണ്​ ഭാര്യ. രണ്ട്​ മകളുണ്ട്​. മൃതദേഹം മക്കയിൽ ഖബറടക്കും.