പ്രമേഹം: സൗദിയിൽ ഒരുവർഷം അവയവങ്ങൾ നഷ്​ടപ്പെടുന്നത്​ 5,000 പേർക്ക്​

ജിദ്ദ: സൗദിയിൽ ഒാരോ വർഷവും പ്രമേഹം മൂർഛിച്ച്​ അവയവങ്ങൾ മുറിച്ചുകളയേണ്ടിവരുന്നവരുടെ എണ്ണം 5,000 ലേറെയാണെന്ന്​ പഠനങ്ങൾ. സൗദി സൊസൈറ്റി ഫോർ ഡയബറ്റീസ്​ ആൻഡ്​ എൻഡോക്​ട്രിനോളജിയുടെ കണക്കുകൾ ഇൻറർനാഷനൽ ഡയബറ്റീസ്​ ഫെഡറേഷ​നാണ്​ പുറത്തുവിട്ടത്​. 
ഉയർന്ന രക്​തസമ്മർദത്തി​​െൻറ ബുദ്ധിമുട്ടുകൾ അനുഭവിക്കുന്ന 30 ലക്ഷം  പൗരൻമാരുണ്ടെന്ന്​ സൗദി ആരോഗ്യ വിദ്യാഭ്യാസ സമിതി അധ്യക്ഷൻ ഡോ. ബാസ്സിം ഫൂത പറഞ്ഞു. അടുത്തിടെ ശക്​തിപ്പെടുത്തിയ ബോധവത്​കരണ, പ്രചാരണ പരിപാടികളുടെ ഫലമായി ഇൗ വിഷയത്തിൽ നല്ല പുരോഗതി ഉണ്ടായിട്ടുണ്ട്​. അവയവം മുറിച്ചുമാറ്റുന്ന തോത്​ ഒാരോ വർഷവും 30 ശതമാനം കണ്ട്​ കുറച്ചുവരാൻ കഴിയുന്നുണ്ടെന്നും അദ്ദേഹം കൂട്ടിച്ചേർത്തു. 

6,000 പേരെ ഉൾക്കൊള്ളിച്ച്​ സൗദി സൊസൈറ്റി ഫോർ ഡയബറ്റീസ്​ ആൻഡ്​ എൻഡോക്​ട്രിനോളജി കാമ്പയിൻ നടത്തിയിരുന്നു. ഇതിൽ 70 ശതമാനം പുരുഷൻമാരും 30 ശതമാനം വനിതകളുമാണ്​​. ആദ്യഘട്ട പരിശോധനകളിൽ തന്നെ 35 ശതമാനത്തിനും പൊണ്ണത്തടി ഉള്ളതായി കണ്ടെത്തി. 13 ശതമാനത്തിന്​ ഉയർന്ന രക്​ത സമ്മർദം. 600 പേർക്ക്​ ഉയർന്ന പ്രമേഹനിലയും. ബഹുഭൂരിപക്ഷം പേരും കൃത്യമായി വ്യായാമം ചെയ്യുന്നില്ല. 2015 ലെ പഠനങ്ങളിൽ സൗദിയിൽ പ്രമേഹ രോഗികളുടെ എണ്ണം 38 ലക്ഷമായിരുന്നു. 23,420 പേരാണ്​ ഇൗ കാരണം കൊണ്ട്​ ഒാരോവർഷവും മരിച്ചിരുന്നത്​. ഉയർന്ന പ്രമേഹനിലയുള്ള ഒരാളുടെ ചികിത്സക്കായി 1,145 ഡോളറും പ്രതിവർഷം ചെലവായിരുന്നു.