ദാക്കർ റാലി: ചാമ്പ്യൻ പട്ടമണിഞ്ഞ് കാർലോസ് സൈൻസ്
text_fieldsറിയാദ്: ജിദ്ദയില്നിന്ന് മരുഭൂമിയിലെ ദുർഘട പാതകളിലൂടെ 7,000 കിലോമീറ്റര് താണ്ടിയ െത്തിയ ദാക്കർ റാലി റിയാദിൽ സമാപിച്ചു. സ്പാനിഷ് കാറോട്ടക്കാരൻ കാർലോസ് സൈൻസ് ഒന്നാ മതായി ഫിനിഷ് ചെയ്തു. ഇത് മൂന്നാം തവണയാണ് ദാക്കർ റാലിയിൽ കാർലോസിെൻറ ജയം. റാലിയു ടെ 12ാമത്തെയും അവസാനത്തെയും ഘട്ടമായ വെള്ളിയാഴ്ചയിലെ മത്സരത്തിൽ ആറ് മിനിറ്റ് 21 സെ ക്കൻഡിെൻറ വ്യത്യാസത്തിൽ 57കാരൻ നിലവിലെ ചാമ്പ്യൻ ഖത്തറിെൻറ നാസർ അൽ അത്തിയയെ മറിക ടന്ന് ഫിനിഷ് ചെയ്തു. ചൊവ്വാഴ്ച തൊട്ടുമുമ്പത്തെ ഘട്ടത്തിൽ നാസർ അൽ അത്തിയ 24 സെക്കൻഡ് കാർലോസിനെ പിറകിലാക്കി മുന്നേറിയിരുന്നു.
റിയാദിന് സമീപം നിർമിക്കുന്ന ഖിദ്ദിയ വിനോദ നഗരത്തിലായിരുന്നു ഫിനിഷിങ് പോയൻറ്. തനിക്ക് വളരെ സന്തോഷം തോന്നുന്നുവെന്നും ഇൗ വിജയം കടുത്ത വെല്ലുവിളികളെ നേരിട്ട് കിട്ടിയതാണെന്നും വിജയത്തിനുശേഷം കാർലോസ് പ്രതികരിച്ചു. കടുത്ത പരിശ്രമംതന്നെ വേണ്ടിവന്നു. നല്ല പരിശീലനവും നേടിയിരുന്നു. തുടക്കം മുതലേ ആവേശം ജനിപ്പിച്ച റാലിയായിരുന്നു ഇത്. മുതിർന്ന കാറോട്ട താരമായ കാർലോസ് പ്രമുഖ ഫോർമുല വൺ താരം കാർലോസ് സൈൻസ് ജൂനിയറിെൻറ പിതാവാണ്.
മൂന്നാം തവണ സൗദിയിൽ എക്സ് റൈഡ് മിനി ഒാടിച്ചാണ് വിജയത്തിലേക്ക് കുതിച്ചത്. 2010ൽ വോക്സ്വാഗണും 2018ൽ പീജിയോട്ടുമായിരുന്നു താരത്തിെൻറ വിജയ വാഹനങ്ങൾ. നിലവിലെ ചാമ്പ്യൻ നാസർ അൽ അത്തിയ ആറ് മിനിറ്റ് 24 സെക്കൻഡിൽ രണ്ടാം സ്ഥാനത്തേക്ക് പിന്തള്ളപ്പെട്ടപ്പോൾ ഒമ്പത് മിനിറ്റ് 58 സെക്കൻഡ് അകലെ മാത്രം എത്തിച്ചേർന്ന ഫ്രഞ്ച് താരം സ്റ്റീഫൻ പീറ്റർഹാൻസൽ മൂന്നാം സ്ഥാനത്തായി. മോേട്ടാർ ബൈക്ക് വിഭാഗത്തിൽ ഹോണ്ട മോേട്ടാഴ്സിെൻറ അമേരിക്കൻ റൈഡർ റിക്കി ബാർബക് വിജയിച്ചു.
മധ്യപൂർവേഷ്യയിൽ ആദ്യമായെത്തിയ ദാക്കർ റാലി ഇൗ മാസം അഞ്ചിനാണ് ജിദ്ദയിൽനിന്ന് ആരംഭിച്ചത്. മരുഭൂമിയിലൂടെയും മലഞ്ചരിവുകളിലൂടെയും 7,000 കിലോമീറ്റര് ദൂരത്തിൽ പ്രത്യേകം ഒരുക്കിയ ട്രാക്കിലൂടെയായിരുന്നു മത്സരം. 12 ഘട്ടങ്ങളായാണ് മത്സരം നടന്നത്. ഇതിൽ ഏഴാം ഘട്ടത്തിൽ കഴിഞ്ഞ ഞായറാഴ്ച റിയാദിന് സമീപം വാദി ദവാസിറിലുണ്ടായ അപകടത്തിൽ പോർചുഗീസ് ബൈക്ക് റൈഡർ മരിച്ചിരുന്നു.
അതിെൻറ ദുഃഖം ഘനീഭവിച്ചുനിന്ന അന്തരീക്ഷത്തിലാണ് റാലി വെള്ളിയാഴ്ച റിയാദിൽ സമാപിച്ചത്. ബൈക്കിന് പുറമെ ട്രക്ക്, കാര്, ജീപ്പ് എന്നീ ഇനങ്ങളിലും ഒരേ ട്രാക്കിൽ തന്നെയായിരുന്നു മത്സരം നടന്നത്. മരുഭൂമിയിലെ 7,000 കിലോമീറ്ററും ദുര്ഘടമായ ട്രാക്കായിരുന്നു. അതുകൊണ്ട് തന്നെ ദാക്കര് റാലിയുടെ ചരിത്രത്തിലെ ഏറ്റവും വെല്ലുവിളി നിറഞ്ഞ മത്സരത്തെയാണ് വാഹനയോട്ട താരങ്ങൾ അഭിമുഖീകരിച്ചത്. ഫ്രഞ്ച് മാധ്യമ ഗ്രൂപ്പായ അമൗരി സ്പോര്ട്ട് ഓര്ഗനൈസേഷന് 1992ല് ആരംഭിച്ച വാര്ഷിക മോട്ടോര് റാലിയാണ് ദാക്കര്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.