കഅ്​ബയുടെ വാതിൽ രൂപകൽപന ചെയ്​ത എൻജിനീയർ നിര്യാതനായി

ജിദ്ദ: കഅ്​ബയുടെ നിലവിലെ വാതിൽ രൂപകൽപന ചെയ്​ത എൻജിനീയർ മുനീർ അൽജുന്ദി നിര്യാതനായി. സിറിയയിലെ ഹിംസിൽ ജനിച്ച മുനീർ അൽജുന്ദി ജർമനിയിലാണ്​ മരിച്ചത്​. ഖാലിദ്​ രാജാവി​െൻറ ഭരണകാലത്താണ് മുനീർ അൽജുന്ദി കഅ്​ബയുടെ വാതിൽ രൂപകൽപന ചെയ്​തത്​. 1977ൽ ഹറമിലെത്തിയപ്പോഴാണ്​​ ഖാലിദ്​ രാജാവ്​ ശുദ്ധ സ്വർണം ഉപയോഗിച്ച്​​ കഅ്​ബക്ക്​ വാതിൽ പണിയാൻ നിർദേശം നൽകിയത്​.

അത്​ രൂപകൽപന ചെയ്യാൻ മുനീർ അൽജുന്ദിയെയും തെരഞ്ഞെടുത്തു. മക്കയിലെ ശൈഖ്​ മഹ്​മൂദ്​ ബദ്​റി​െൻറ ഫാക്​ടറിയിലാണ്​​ വാതിൽ നിർമിച്ചത്​. നിർമാണത്തിന്​ 280 കിലോ സ്വർണം ഉപയോഗിച്ചുവെന്നാണ്​ കണക്ക്​. അബ്​ദുൽ അസീസ്​ രാജാവും കഅ്​ബക്ക്​ കവാടം നിർമിക്കാൻ അൽബദർ കുടുംബത്തെയാണ്​ നേരത്തേ ചുമതലപ്പെടുത്തിയിരുന്നത്​.