ഹറമിനടുത്ത  ഡങ്കിപ്പനി പ്രതിരോധപ്രവർത്തനം ശക്​തമാക്കും

മക്ക: റമദാനിൽ ഹറമിനടുത്ത സ്​ഥലങ്ങളിൽ ഡങ്കിപ്പനി പ്രതിരോധ പ്രവർത്തനങ്ങൾ ഉൗർജിതമാക്കുമെന്ന്​ നിർമാർജ്ജന കമ്മിറ്റി തീരുമാനിച്ചു. 18 ഫീൽഡ് സൂപർവൈസർമാർ, 49 നിരീക്ഷകർ, 229 ടെക്നീഷ്യന്മാർ എന്നിവരുടെ പങ്കാളിത്തത്തോടെയായിരിക്കും ഇത്. വീടുകൾ കേന്ദ്രീകരിച്ച്​ പ്രവർത്തനങ്ങൾക്ക് 49 വാഹനങ്ങളും  മരുന്നടിക്കാൻ 47 വാഹനങ്ങളുമുണ്ടാകും. 

ഹറം മേഖലയിലുള്ളവർക്കും  തീർഥാടകർക്കും സുരക്ഷിതമായ ആരോഗ്യാവസ്​ഥ ഒരുക്കുകയാണ് ഇതിലൂടെ ലക്ഷ്യമിടുന്നത്. നിലവിൽ ഡങ്കിപ്പനി നിർമാർജ്ജന രംഗത്ത് ചെയ്തു കൊണ്ടിരിക്കുന്ന പ്രവർത്തനങ്ങൾ കമ്മറ്റി വിലയിരുത്തി.