ജിദ്ദ മേഖലയിൽ വാഹനാപകടം 24 ശതമാനം കുറഞ്ഞു

ജിദ്ദ: കഴിഞ്ഞ വർഷം ജിദ്ദ മേഖലയിൽ വാഹനാപകടം കുറഞ്ഞതായി  ഒൗദ്യോഗിക റിപ്പോർട്ട്​. മുൻവർഷത്തേക്കാൾ അപകടങ്ങളുടെ എണ്ണം 24 ശതമാനവും മരിച്ചവരുടെ എണ്ണത്തിൽ 33 ശതമാനവും കുറവു വന്നതായാണ്​ കണക്ക്​. മക്ക മേഖല ഡെപ്യൂട്ടി ഗവർണർ അമീർ അബ്​ദുല്ല ബിൻ ബന്ദറിന്​​ സമർപ്പിച്ച റിപ്പോർട്ടിലാണ്​ പുതിയ കണക്ക്​​. ജിദ്ദ ഗവർണറേറ്റ്​ ആസ്​ഥാനത്ത്​ സൗദി ട്രാഫിക്​ മേധാവി ജനറൽ മുഹമ്മദ്​ അൽബസാമിയെ ജിദ്ദ ട്രാഫിക്​ മേധാവി ജനറൽ സുലൈമാൻ സക്കിയുടെ സാന്നിധ്യത്തിൽ സ്വീകരിച്ച വേളയിലാണ്​ ഗവർണർക്ക് ട്രാഫിക്​​​ റിപ്പോർട്ട്​ കൈമാറിയത്​. 
അപകട നിരക്ക്​ കൂടുതലുണ്ടാകുന്ന റോഡുകൾ നിർണയിച്ച്​ ജിദ്ദയിൽ  അപകടം​ കുറക്കുന്നതിന്​ നടപ്പിലാക്കിയ   പദ്ധതികൾ റിപ്പോർട്ടിലുണ്ട്​. 843 ഒാളം  ടയർ  കടകളിൽ പരിശോധന നടത്തി, നിയമ ലംഘനം നടത്തിയ  282 ടയർ വിൽപന കടകൾക്കെതിരെ ശിക്ഷാനടപടി  സ്വീകരിച്ചു,  ​മക്ക ഗവർണർ അമീർ ഖാലിദ്​ അൽ ഫൈസലി​​െൻറ നിർദേശത്തെ തുടർന്ന്​ േറ​ാഡിൽ ഉപേക്ഷിച്ച 11482 കാറുകളും 2616 ടാക്​സികളും നീക്കം ചെയ്​തു, ഗൾഫ്​ ട്രാഫിക്​ വാരാഘോഷ​േത്താടനുബന്ധിച്ച്​ വിവിധ പരിപാടികളും സംഘടിപ്പിച്ചു തുടങ്ങിയ കാര്യങ്ങൾ റിപ്പോർട്ടിൽ വിശദീകരിച്ചു.