മലയാളികൾ ഉൾപ്പെടെ അഞ്ച്​ ഇന്ത്യക്കാരെ ജീവനോടെ കുഴിച്ചുമൂടിയവരുടെ വധശിക്ഷ നടപ്പാക്കി

death sentences

ദമ്മാം: ഏഴുവർഷം മുമ്പ്​ മൂന്നുമലയാളികൾ ഉൾപ്പെടെ അഞ്ച്​ ഇന്ത്യക്കാരെ ജീവനോടെ കുഴിച്ചുമൂടിയ കേസിലെ പ്രതികളുടെ വധശിക്ഷ നടപ്പാക്കി. മുഖ്യ പ്രതികളായ യൂസുഫ്​ ജാസിം ഹസൻ മുതവ്വ, അമ്മാർ യുസ്​റാ അലി അൽ ദഹീം, മുൻതദാ ബിൻ ഹാഷിം ബിൻ മുഹമ്മദ്​ മൂസ എന്നിവരുടെ വധശിക്ഷ കിഴക്കൻ പ്രവിശ്യയിലെ ഖത്തീഫ്​ ജയിൽ പരിസരത്ത്​ തിങ്കൾ രാവിലെയാണ്​​ നടപ്പാക്കിയത്​.

കൊല്ലം ശാസ്​താംകോട്ട അരികിലിയത്ത്​ വിളത്തറ വീട്ടിൽ ഷാജഹാൻ അബൂബക്കർ, തിരുവനന്തപുരം, കിളിമാനൂർ സ്വദേശി അബ്​ദുൽ ഖാദർ സലീം, കൊല്ലം കണ്ണനല്ലൂർ സ്വശേി ശൈഖ്​ ദാവുദ്​, തമിഴ്​നാട്​ കന്യാകുമാരി സ്വദേശി അസ്​ഹർ ഹുസൈൻ, വില്ലുക്കുറി കൽക്കുളം ഫാത്തിമ സ്ട്രീറ്റ്​ ലാസർ എന്നിവരാണ്​ ജീവനോടെ കുഴിച്ചുമൂടപ്പെട്ടത്​. 2011 ലാണ്​ സംഭവം. അഞ്ചുപേരെ കാണാതായി നാലു വർഷങ്ങൾക്ക്​ ശേഷമാണ്​ കേസിലേക്ക്​ നയിച്ച തെളിവുകൾ കിട്ടിയത്​. ഏറെ നാൾ ഉപയോഗ്യ ശൂന്യമായിക്കിടന്ന ഒരു കൃഷിയിടം സ്വദേശി പാട്ടത്തിനെടുക്കുകയും വെള്ളമെത്തിക്കാൻ ജെ.സി.ബി ഉപയോഗിച്ച്​ കുഴിക്കുകയും ചെയ്യുന്നതിനിടെ മൃതദേഹത്തി​​​െൻറ അവശിഷ്​ടങ്ങൾ കണ്ടെത്തുകയായിരുന്നു. തുടർന്ന്​ നടന്ന അന്വേഷണത്തിലാണ്​ മുമ്പ്​ കാണാതായ ഇന്ത്യക്കാരുടെ മൃതദേഹങ്ങളാണ്​ ഇതെന്ന്​ തിരിച്ചറിയുന്നത്​. 

വധിക്കപ്പെട്ട പ്രതികളുമായി ചേർന്ന്​ ഇന്ത്യക്കാർ മദ്യ നിർമാണവും, വിൽപനയും നടത്തിയിരുന്നു. ഇതിനിടയിലുണ്ടായ കശപിശയും, പ്രതികളിലൊരാളുടെ മകളെ ഇന്ത്യക്കാരിലൊരാൾ പീഡിപ്പിക്കാൻ ശ്രമിച്ചു എന്നുമുള്ള സംശയവുമാണ്​ കൊലപാതകത്തിലേക്ക്​ നയിച്ചതെന്ന്​ പ്രതികൾ സമ്മതിച്ചിരുന്നു. തട്ടികൊണ്ടുപോയി കൈയ്യും കാലും വരിഞ്ഞുകെട്ടി തൂക്കിയിട്ട നിലയിൽ രണ്ട്​ ദിവസത്തോളം പീഢിപ്പിച്ചതിനുശേഷമാണ്​ ജീവനോടെ കുഴിച്ചുമൂടുന്നത്​. മയക്കുമരുന്ന്​ ലഹരിയിലാണ്​ പ്രതികൾ കൃത്യം നിർവഹിച്ചത്​. 

പലരുമായി സാമ്പത്തിക ഇടപാടുകൾ ഉണ്ടായിരുന്ന ഇന്ത്യക്കാർ അതിൽ നിന്ന്​ രക്ഷപ്പെടാൻ നാടുവിട്ടതായിരിക്കും എന്നതാണ്​ അടുത്ത സുഹൃത്തുക്കൾ പോലും ആദ്യഘട്ടത്തിൽ വിശ്വസിച്ചിരുന്നത്​.  ഇവരെ കണ്ടെത്താനുള്ള ശ്രമങ്ങൾ എല്ലാം പരാജയപ്പെടുകയായിരുന്നു. അന്വേഷണം ഏതാണ്ട്​ നിലച്ച ഘട്ടത്തിലാണ്​ മൃതദേഹാവശിഷ്​ടങ്ങൾ കിട്ടിയത്​. 

ഇതിൽ  സലീമി​​​െൻറ കൈയിലുണ്ടായിരുന്ന മോതിരത്തിൽ കൊത്തിയിരുന്ന ഭാര്യയുടെ പേരും, നശിക്കാതെ ലഭിച്ച ഇഖാമകളുമാണ്​ കൊല്ലപ്പെട്ടത്​ ഇന്ത്യക്കാരാണന്ന്​ തെളിയിക്കാൻ സഹായിച്ചത്​​. പിന്നീട്​ ഡി.എൻ.എ പരിശോധനയിലൂ​െട മരിച്ചത്​ ഇവർ തന്നെയാണന്ന്​ സ്​ഥിരീകരിച്ചു. മലയാളികൾ ഉൾപെടെ നിരവധി പേരെ ചോദ്യം ചെയ്​തതിന്​ ശേഷമാണ്​ പോലീസ്​ പ്രതികളെ വലയിലാക്കിയത്​.   
 

Loading...
COMMENTS