ദ​മ്മാ​മി​ൽ ദ​മ്പ​തി​ക​ളു​ടെ മ​ര​ണം; അ​ഞ്ചു​വ​യ​സ്സു​കാ​രി ആ​രാ​ധ്യ​യെ അ​ടു​ത്ത​യാ​ഴ്ച നാ​ട്ടി​ലെ​ത്തി​ക്കും

ദ​മ്മാം: അ​ച്ഛ​നും അ​മ്മ​യും മ​രി​ച്ച​തി​നെ തു​ട​ർ​ന്ന് ത​നി​ച്ചാ​യ കൊ​ല്ലം തൃ​ക്ക​രി​വ കാ​ഞ്ഞാ​വെ​ളി മം​ഗ​ല​ത്ത്​ വീ​ട്ടി​ൽ ആ​രാ​ധ്യ അ​നൂ​പി​നെ അ​ടു​ത്ത​യാ​ഴ്ച നാ​ട്ടി​ൽ ബ​ന്ധു​ക്ക​ളു​ടെ പ​ക്ക​​ലെ​ത്തി​ക്കു​മെ​ന്ന് നി​ല​വി​ലെ കു​ട്ടി​യെ സം​ര​ക്ഷി​ക്കു​ന്ന ലോ​ക​കേ​ര​ള സ​ഭാം​ഗം നാ​സ് വ​ക്കം അ​റി​യി​ച്ചു.

താ​ൻ ത​നി​ച്ചാ​യെ​ന്ന്​ പൂ​ർ​ണ​മാ​യും മ​ന​സ്സി​ലാ​യി​ട്ടി​ല്ലാ​ത്ത ഈ ​അ​ഞ്ചു​വ​യ​സ്സു​കാ​രി ത​ന്നെ കാ​ണാ​ൻ വ​രു​ന്ന​വ​​രോ​ടെ​ല്ലാം വി​ശേ​ഷ​ങ്ങ​ൾ പ​ങ്കു​വെ​ക്കു​ന്ന കാ​ഴ്ച ഇ​വി​ടു​ത്തെ പ്ര​വാ​സി​ക​ളു​ടെ വേ​ദ​ന​യാ​വു​ക​യാ​ണ്.

നാ​ട്ടി​ൽ​നി​ന്ന് ഫോ​ണി​ൽ വി​ളി​ക്കു​ന്ന ബ​ന്ധു​ക്ക​ളോ​ടെ​ല്ലാം കു​ട്ടി സം​സാ​രി​ക്കു​ന്നു​ണ്ട്. ആ​രാ​ധ്യ ന​ൽ​കി​യ വി​വ​ര​ങ്ങ​ളാ​ണ് അ​നൂ​പ്​ മോ​ഹ​​ന്റെ​യും ഭാ​ര്യ ര​മ്യ​മോ​ൾ വ​സ​ന്ത​കു​മാ​രി​യു​ടെ​യും മ​ര​ണ​ത്തെ​ക്കു​റി​ച്ച് പൊ​ലീ​സി​​ന്റെ പ​ക്ക​ലു​ള്ള​ത്. പോ​സ്​​റ്റു​മോ​ർ​ട്ടം റി​പ്പോ​ർ​ട്ട് ല​ഭ്യ​മാ​യാ​ലേ വി​വ​ര​ങ്ങ​ൾ​ക്ക് കൃ​ത്യ​ത ഉ​ണ്ടാ​വു​ക​യു​ള്ളൂ.

വ്യാ​ഴാ​ഴ്ച രേ​ഖ​ക​ൾ ശ​രി​യാ​യെ​ങ്കി​ലും ദ​മ്മാം മെ​ഡി​ക്ക​ൽ കോം​പ്ല​ക്സ് മോ​ർ​ച്ച​റി​യി​ൽ​നി​ന്ന്​ സ്ഥ​ല​പ​രി​മി​തി കാ​ര​ണം മൃ​ത​ദേ​ഹ​ങ്ങ​ൾ ഖ​ത്വീ​ഫ് ആ​ശു​പ​ത്രി മോ​ർ​ച്ച​റി​യി​ലേ​ക്ക് മാ​റ്റി​യ​തി​നാ​ൽ പോ​സ്​​​റ്റു​മോ​ർ​ട്ടം ന​ട​ത്താ​നാ​യി​ട്ടി​ല്ല. വ​രും ദി​വ​സ​ങ്ങ​ളി​ലേ ഇ​നി പോ​സ്​​റ്റു​മോ​ർ​ട്ടം ന​ട​ക്കു​ക​യു​ള്ളൂ.

12 വ​ർ​ഷ​ത്തി​ല​ധി​ക​മാ​യി തു​ഖ്ബ​യി​ൽ വ​ർ​ക്ക്​​​ഷോ​പ്​ ന​ട​ത്തു​ന്ന അ​നൂ​പ് മാ​സ​ങ്ങ​ൾ​ക്ക് മു​മ്പാ​ണ് കു​ടും​ബ​ത്തെ സ​ന്ദ​ർ​ശ​ന വി​സ​യി​ൽ കൊ​ണ്ടു​വ​ന്ന​ത്. ഇ​വ​ർ​ക്കി​ട​യി​ൽ ഉ​ണ്ടാ​യ കു​ടും​ബ​വ​ഴ​ക്കാ​യി​രി​ക്കാം ഇ​രു​വ​രു​ടെ​യും മ​ര​ണ​ത്തി​ൽ ക​ലാ​ശി​ച്ച​തെ​ന്നാ​ണ് ബ​ന്ധു​ക്ക​ൾ ക​രു​തു​ന്ന​ത്.

പൊ​ലീ​സ് അ​റി​യി​ച്ച​തി​നെ തു​ട​ർ​ന്ന് സ്ഥ​ല​ത്തെ​ത്തി​യ സാ​മൂ​ഹി​ക​പ്ര​വ​ർ​ത്ത​ക​ൻ നാ​സ് വ​ക്ക​വും സു​ഹൃ​ത്തു​ക്ക​ളും ഏ​റെ ശ്ര​മം ന​ട​ത്തി​യാ​ണ്​ നാ​ട്ടി​ലു​ള്ള ഇ​വ​രു​ടെ കു​ടും​ബ​ങ്ങ​ളെ ബ​ന്ധ​പ്പെ​ടാ​നാ​യ​ത്. ഗൂ​ഗ്ളി​ൽ തി​ര​ഞ്ഞ​പ്പോ​ൾ ല​ഭി​ച്ച തൃ​ക്ക​രി​വ ക്ഷേ​ത്രം ആ​രാ​ധ്യ തി​രി​ച്ച​റി​ഞ്ഞ​തി​നെ​ത്തു​ട​ർ​ന്ന് പ​രി​സ​ര​വാ​സി​യെ ക​ണ്ടെ​ത്തു​ക​യും അ​ദ്ദേ​ഹ​ത്തി​ന് അ​നൂ​പി​ന്റെ ചി​ത്രം അ​യ​ച്ചു​കൊ​ടു​ത്ത് കു​ടും​ബ​ത്തെ തി​രി​ച്ച​റി​യു​ക​യു​മാ​യി​രു​ന്നു.

അ​നൂ​പി​​ന്റെ​യും ര​മ്യ​മോ​ളു​ടെ​യും കു​ടും​ബ​ങ്ങ​ൾ​ക്ക് ഈ ​വാ​ർ​ത്ത അ​വി​ശ്വ​സ​നീ​യ​മാ​യി​രു​ന്നു. സ​ന്തോ​ഷ​മാ​യി​ക്ക​ഴി​ഞ്ഞി​രു​ന്ന ഇ​വ​ർ​ക്കി​ട​യി​ൽ എ​ന്തി​​ന്റെ പേ​രി​ലാ​യി​രി​ക്കും ത​ർ​ക്ക​മു​ണ്ടാ​യ​തെ​ന്ന​റി​യാ​തെ കു​ഴ​ങ്ങു​ക​യാ​ണ് ബ​ന്ധു​ക്ക​ൾ.

അ​ടു​ത്ത ദി​വ​സം ആ​രാ​ധ്യ​യെ പൊ​ലീ​സി​ൽ ഹാ​ജ​രാ​ക്കു​ക​യും ശേ​ഷം പൊ​ലീ​സ് നി​ർ​ദേ​ശാ​നു​സ​ര​ണം ഇ​ന്ത്യ​ൻ എം​ബ​സി​യു​ടെ സ​ഹാ​യ​ത്തോ​ടെ ബ​ന്ധു​ക്ക​ളു​ടെ പ​ക്ക​ൽ ഈ ​കു​ട്ടി​യെ ഏ​ൽ​പി​ക്കു​ക​യു​മാ​ണ് ത​ന്റെ ദൗ​ത്യ​മെ​ന്ന് നാ​സ് വി​ശ​ദീ​ക​രി​ച്ചു. പോ​സ്​​റ്റു​മോ​ർ​ട്ട​ത്തി​നു ശേ​ഷം ഇ​രു​വ​രു​ടേ​യും മൃ​ത​ദേ​ഹ​ങ്ങ​ൾ നാ​ട്ടി​ലെ​ത്തി​ക്കു​മെ​ന്നും നാ​സ് കൂ​ട്ടി​ച്ചേ​ർ​ത്തു.