ആദ്യ കൺമണിയെയും ഭാര്യയെയും മരണം കവർന്ന​​ു: ആശുപത്രിക്കെതിരെ നിയമപോരാട്ടവുമായി പ്രവാസി യുവാവ്​

ദമ്മാം: ഒരു രാത്രി മുഴുവൻ ഉറങ്ങാതെ സ്വപ്​നങ്ങൾ നെയ്ത്​്​​ പ്രാർഥനയോടെ സുധീർ കാത്തിരുന്നത്​ വിഫലമായി. ഏഴു വർഷങ്ങളുടെ കാത്തിരിപ്പിനൊടുവിൽ ജീവിതത്തിൽ വസന്തങ്ങൾ തീർക്കാൻ എത്തുമെന്ന്​ കരുതിയ ആദ്യ കൺമണിയുടെ മരണവാർത്തയാണ്​ നാട്ടിൽനിന്ന്​ പുലർച്ച ഇൗ പ്രവാസിയെ തേടിയെത്തിയത്​. അതി െൻറ ആഘാതത്തിൽനിന്ന്​ മോചിതനാകും മുമ്പ്​ പ്രിയതമയും തന്നെ തനിച്ചാക്കി പോയ വാർത്ത കേട്ട്​ തളർന്നിരിക്കുകയാണ്​ ദമ്മാമിലെ ഒരു സ്​കൂളിൽ ഒാഫിസ്​ ബോയിയായ സുധീർ.

കൊല്ലം ശാസ്​താംകോട്ട വടക്കൻ ​ൈമനാഗപ്പള്ളി സ്വദേശി ആനൂർ കാവിൽ സുധീറിനാണ്​​ ആദ്യത്തെ കൺമണിയെയും ജീവിതപങ്കാളിയെയും ആശുപത്രിയുടെ അനാസ്ഥയിൽ നഷ്​ടപ്പെട്ടത്​. കോവിഡ്​ പ്രതിസന്ധിയിൽ മാസങ്ങളായി ജോലിയും ശമ്പളവുമില്ലാതെ നാട്ടിലേക്ക്​ പോകാൻപോലും കഴിയാത്ത ദുരിതകാലത്തിനിടയിലേക്കാണ്​ ഇൗ സങ്കടവും എത്തുന്നത്​. ആരോഗ്യ മേഖലയെ കച്ചവടമാക്കുന്നവരു​െട അനാസ്ഥയാണ്​ ത​െൻറ പ്രിയതമയുടെയും കുഞ്ഞിൻെറയും ജീവൻ കവർന്നതെന്ന്​ പറയുന്ന സുധീർ നീതി തേടി നിയമപോരാട്ടത്തിന്​ ഒരുങ്ങുകയാണ്​. നീതി കിട്ടണമെന്നും കുറ്റക്കാരെ ശിക്ഷിക്കണമെന്നും ആവശ്യപ്പെട്ട്​ ആരോഗ്യമന്ത്രിയടക്കം അധികാരികൾക്ക്​​ പരാതി നൽകി കാത്തിരിക്കുകയാണ്. ഏഴുവർഷം​ മുമ്പാണ്​ കരുനാഗപ്പള്ളി സ്വദേശിനി നജ്​മ സുധീറി​െൻറ ജീവിതപങ്കാളിയാകുന്നത്​. വർഷങ്ങളു​െട കാത്തിരിപ്പിനുശേഷം എട്ടുമാസം​ മുമ്പാണ്​​ നജ്​മ ഗർഭിണിയായത്​.​

അന്ന്​ മുതൽ ആദ്യ കൺമണിക്കായി നാളുകളെണ്ണി കാത്തിരിക്കുകയായിരുന്നു ഇരുവരും. ഇൗ മാസം ഏഴിനാണ്​ ഡോക്​ടർ പ്രസവ തീയതിയായി കണക്കാക്കിയിരുന്നത്​. എന്നാൽ, ജൂ​ൈല 29ന്​ വേദന തുടങ്ങിയതിനെ തുടർന്ന്​ നജ്​മയെ കരുനാഗപ്പള്ളിയിലെ സ്വകാര്യ ആശുപത്രിയിൽ എത്തിച്ചു. ഏറെ നേരം വേദന സഹിച്ചിട്ടും പ്രസവം നടക്കാത്തതിനാൽ ഒാപറേഷൻ ചെയ്​​െതങ്കിലും കുട്ടിയെ പുറത്തെടുക്കണമെന്ന്​ നജ്​മയും ബന്ധുക്കളും ആവ​ശ്യപ്പെട്ടിട്ടും ആശുപത്രി അധികൃതർ കൂട്ടാക്കിയില്ലെന്ന്​ പറയുന്നു. മാത്രവുമല്ല. ഡോക്​ടറെ വിളിക്കുകയോ മറ്റ്​ ചികിത്സ നൽകുകയോ ചെയ്യാതെ ലേബർ റൂമിന്​ പുറത്താക്കിയത്രേ. എന്നാൽ, പുലർച്ചയോടെ നജ്​മയുടെ നില ഗുരുതരമായതോടെ എത്രയും പെ​െട്ടന്ന്​ മറ്റൊരാശുപത്രിയിൽ കൊണ്ടുപോകാൻ നിർദേശിച്ചു.

വീട്ടിൽനിന്ന്​ പണം എത്തിച്ച്​ ബില്ലുകൾ അടച്ചതിനുശേഷം മാത്രമേ ഗുരുതരാവസ്ഥയിലുള്ള രോഗിയെ പോകാൻ പോലും അനുവദിച്ചുള്ളൂ. ഒടുവിൽ തിരുവനന്തപുരത്തെ എസ്.എ.ടി ആശുപത്രിയിൽ എത്തിച്ച നജ്​മ പ്രസവി​െച്ചങ്കിലും കുഞ്ഞു മരിച്ചു. 'കോമ' സ്​റ്റേജിലായ നജ്​മയുടെ ആന്തരികാവയവങ്ങളെല്ലാം തകരാറിലായി. ഒമ്പതു​ ദിവസം തീവ്രപരിചരണ വിഭാഗത്തിൽ കഴിഞ്ഞ നജ്​മ കഴിഞ്ഞ ഞായറാഴ്​ചയാണ്​ മരിച്ചത്​. മരുന്ന്​ മാറി നൽകിയതോ ചികിത്സപ്പിഴവോ ആണ്​ ഭാര്യയെയും കുഞ്ഞിനെയും നഷ്​ട​െപ്പടുത്തിയതെന്ന്​ ഉറച്ചു വിശ്വസിക്കുകയാണ് സുധീർ. കരുനാഗപ്പള്ളി എ.സി.പിക്ക്​ നൽകിയ പരാതിക്ക്​ ഒരു പ്രതികരണവും ഇല്ലാതെവന്നതോടെ ആരോഗ്യ മന്ത്രിയെ നേരിട്ട്​ വിളിക്കുകയും അവർ നൽകിയ ഇ–മെയിൽ വിലാസത്തിൽ പരാതി അയക്കുകയും ചെയ്​തു. ഒപ്പം മനുഷ്യാവകാശ കമീഷനും വനിത കമീഷനും ഇന്ത്യൻ എംബസിക്കുമൊക്കെ പരാതി നൽകിയിരിക്കുകയാണ്​. പൊലീസ്​ അന്വേഷണത്തി​െൻറ പു​േരാഗതി ദമ്മാമിൽ ഇരുന്ന്​ നാട്ടിൽ വിളിച്ച്​ നിരന്തരം അന്വേഷിച്ചുവരുകയാണ്​ സുധീർ.