പൊന്നാനി സ്വദേശി സൗദിയിൽ പനി ബാധിച്ചു മരിച്ചു

അബ്​ഹ: പൊന്നാനി ആറയിൽ കൊല്ലംപടി സ്വദേശി മെയ്തീൻകോയ (52) സൗദി അറേബ്യയിലെ ഖമീസ്​ മുശൈത്തിൽ പനിയെ തുടർന്ന്​ മരിച്ച ു. ഖമീസ്​ ശറഫിയയിൽ സീനത്ത് കടയിലെ ജോലിക്കാരനായിരുന്നു. അൽ അഹലി ആശുപത്രിയിൽ ചികിത്സയിലായിരുന്നു.

12 വർഷമായി ഖമീസിൽ. അവസാനമായി നാട്ടിൽ പോയത് മൂന്ന് വർഷം മുമ്പാണ്​. മകൻ മുഹമ്മദ് ഷാൻ ഖമീസിൽ ജോലി ചെയ്യുന്നുണ്ട്​. ഭാര്യ ഫാത്തിമ. റുബൈഷ, ഷമീല, ഷഹല എന്നിവരാണ്​ മറ്റു മക്കൾ.

മൃതദേഹം നടപടിക്രമങ്ങൾ പൂർത്തിയാക്കി നാട്ടിൽ കൊണ്ടു പോകുമെന്ന് മകൻ അറിയിച്ചു. സഹായത്തിന്​ അസീർ പ്രവാസി സംഘം പ്രവർത്തകരായ അബ്​ദുൽ വഹാബ്, ഷൗക്കത്തലി എന്നിവരുണ്ട്.