ഹൃദയസ്​തംഭനം: പെരിന്തൽമണ്ണ സ്വദേശി റിയാദിൽ മരിച്ചു

റിയാദ്​: ഹൃദയസ്​തംഭനം മൂലം മലയാളി ടാക്​സി ഡ്രൈവർ റിയാദിൽ മരിച്ചു. പെരിന്തൽമണ്ണ ആലിപ്പറമ്പ്​ കാ​മ്പ്രം പള്ളിക്ക്​ സമീപം പാലുള്ള മുഹമ്മദ്​ കുട്ടിയുടെ രണ്ടാമത്തെ മകൻ മുഹമ്മദ്​ ഷഫീലാണ്​ (25) ഞായറാഴ്​ച രാത്രി 9.30ന്​ റിയാദിലെ താമസസ്​ഥലത്ത്​ മരിച്ചത്​. നാലുവർഷമായി റിയാദിലുണ്ട്​. ഏഴ് മാസം മുമ്പാണ് നാട്ടിൽ പോയി തിരിച്ചുവന്നത്. കടമ്പഴിപ്പുറം സ്വദേശി ഖദീജയാണ്​ മാതാവ്​. സഹോദരങ്ങൾ: മുഹമ്മദ്​ ശാദുലി, ശംസീന. മൃതദേഹം നാട്ടിൽ കൊണ്ടുപോകും.