ഹൃദയാഘാതം; മലപ്പുറം തിരൂർ സ്വദേശി ജിദ്ദയിൽ മരിച്ചു

ജിദ്ദ: ഹൃദയാഘാതത്തെത്തുടർന്ന് മലപ്പുറം തിരൂർ സ്വദേശി ജിദ്ദയിൽ മരിച്ചു. ശാറാ തൗബയിൽ ഇസ്‌കാൻ ബിൽഡിങ്ങിൽ താമസിക്കുന്ന തിരൂർ ബി.പി അങ്ങാടി കണ്ണംകുളം സ്വദേശി പള്ളിപറമ്പിൽ മുഹമ്മദ് ആഷിർ (49) ആണ് താമസസ്ഥലത്ത് വെച്ച് മരിച്ചത്.

ഭാര്യ: നസീറ, മക്കൾ: നഈം, ആയിഷ, സഹോദരങ്ങൾ: മുഹമ്മദ് ഷാഹി, അഫ്‌സർ, നസീറ, ഷഹീറ, അൻസാറ, ജൗഷിയ.

മൃതദേഹം കിങ് അബ്ദുൽ അസീസ് ആശുപത്രി മോർച്ചറിയിൽ സൂക്ഷിച്ചിരിക്കുന്നു. മരണാന്തര നടപടികൾ പൂർത്തിയാക്കാൻ കെ.എം.സി.സി ജിദ്ദ വെൽഫയർ വിങ് പ്രവർത്തകർ രംഗത്തുണ്ട്.