കുതിരകളെ കുറിച്ച്​ പറയാൻ  ഡാനക്ക്​ ആയിരം നാവ്​

ദമ്മാം: കുതിരകളെ കുറിച്ച്​ പറയാൻ ഡാന അൽ ഗൊസൈബി എന്ന സൗദി വനിതക്ക്​ ആയിരം നാവാണ്​. വിവരമില്ലാത്തവരെ ‘കുതിരെ’ എന്നൊന്നും വിളിക്കുന്നത്​ അവർക്ക്​ സഹിക്കാനാവില്ല. കുതിരക്ക്​ കൊമ്പ്​ കൊടുക്കാത്തത്​ അഹങ്കാരം ‘ഭയ’ന്നാവുമെന്നും ഡാന വിശ്വസിക്കില്ല.  കുഞ്ഞുങ്ങളേ പോലെ സ്​നേഹിച്ചും പരിലാളിച്ചും വളർത്തി വലുതാക്കേണ്ട  മൃഗമാണിതെന്നാണ്​ അവരുടെ പക്ഷം. നമ്മൾ കേട്ടറിഞ്ഞ പോലെ മുതിരയല്ല കുതിരയുടെ ഭക്ഷണം. കാരക്കയും ആപ്പിളും കാരറ്റുമൊക്കെയാണ്. 

കാരക്കയുടെ കുരു കുതിരക്കിഷ്​ടമാണത്രെ​​. പഞ്ചസാരയും കരിമ്പുമൊന്നും കൊടുത്തേക്കരുത്​. ഷുഗർ കുതിരയെ വേഗം രോഗിയാക്കും. 
അതി​​​​െൻറ മനമറിഞ്ഞ്​ പരിശീലിപ്പിക്കണം. ഇഷ്​ട ഭക്ഷണം ഏതെന്നറിയണം. കുതിര​േയാട്ടം വെറുമൊരു വിനോദമല്ലെന്ന്​ ഡാന പറയും. മനുഷ്യന്​ ക്ഷമ, സഹനം, ധീരത, വീരശൂരത്വം, നിസ്വാർഥത തുടങ്ങിയ ഗുണങ്ങൾ നേടിയെടുക്കാൻ കുതിരകളുമായുള്ള സഹവാസവും കുതിരയഭ്യാസവും കൊണ്ട്​ കഴിയുമെന്ന്​ ഇൗ മുപ്പത്തഞ്ചുകാരി അറബ്​ മാധ്യമത്തിന്​ നൽകിയ അഭിമുഖത്തിൽ പറഞ്ഞു.

സൗദി അറേബ്യയിലെ ആദ്യത്തെ വനിതാ ‘ഹോഴ്​സ്​  ട്രെയിനർ’ പദവിയുള്ള ഡാന കുതിരയുടെ മനഃശാസ്​ത്രവും ശരീര ശാസ്​ത്രവും പഠിക്കാൻ തുടങ്ങിയത്​ ഇന്നും ഇന്നലെയുമൊന്നുമല്ല. നാലാം വയസിൽ പിതാവാണ് ഇൗ സൗഹൃദത്തിന്​ വഴിയൊരുക്കിയത്​. കുഞ്ഞു ഡാനയെ പിതാവ്​ കുതിരയോട്ടം പരിശീലിപ്പിച്ചു. 
അന്നു മുതൽ അവൾ മനസ്സിലാക്കി, ഒാരോ കുതിരയോടും എങ്ങനെ സഹവസിക്കണം, പരിശീലിപ്പിക്കണം, പെരുമാറണം എന്നൊ​ക്കെ. ദമ്മാമിലും ബഹ്​റൈനിലുമൊക്കെയായിരുന്നു പരിശീലനം. പുരുഷൻമാർക്ക്​ മാത്രം ആധിപത്യമുണ്ടായിരുന്ന കുതിരയോട്ടത്തിൽ അങ്ങനെ ഡാനയും കൈവെച്ചു. സൗദി അറേബ്യയിലെ വനിതകൾക്ക്​ കുതിരയോട്ടം നന്നായി വഴങ്ങുമെന്ന്​ ഡാന അഭിപ്രായപ്പെട്ടു. എല്ലാ കുതിരകളെയും ഒരു​േപാലെ മെരുക്കിയെടുക്കാനാവില്ല. പലതിനും പല പ്രകൃതമാണ്​. ചിലത്​ ഇണങ്ങാൻ വലിയ പാടായിരിക്കും. ഒരാഴ്​ച കൊണ്ട്​ മെരുങ്ങുന്നവയുമുണ്ട്​. ചിലത്​ മാസത്തിലധികമെടുക്കും. ശ്രദ്ധിച്ചില്ലെങ്കിൽ കടിയും തൊഴിയുമേൽക്കും. 

ചിലത്​ മെരുങ്ങാൻ ക്ഷമയും പ്രത്യേക പരിചരണവും വേണ്ടി വരും. ഒാരോ കുതിരയെയും നമുക്ക്​ എളുപ്പത്തിൽ മെരുക്കിയെടുക്കാം, അതി​​​​െൻറ ചരിത്രം പഠിച്ചാൽ. ചിലത്​ ബുദ്ധിയും സാമർഥ്യവുമുള്ളവയായിരിക്കും ചിലതിന്​ ഇതൊന്നുമുണ്ടായെന്നു വരില്ല. ഏത്​ ഗണത്തിൽ പെട്ടതാണെന്ന്​ ആദ്യം പഠിക്കണം. നിരവധി കുതിരയോട്ട മത്സരങ്ങളിൽ പ​െങ്കടുത്തിട്ടുണ്ട്​ ഡാന. അമേരിക്കൻ, അറബ്​, ജർമൻ കുതരകളാണ്​ മികച്ചത്​. രണ്ട്​ കുതിരകളുണ്ട്​ സ്വന്തമായി​.  കുതിരകൾക്കും വീടുകളൊരുക്കണമെന്നാണ്​ ഡാനക്ക്​ അധികൃതരോട്​ ആവശ്യ​പ്പെടാനുള്ളത്​. അനാരോഗ്യകരമായ മത്സരം, പീഡനം എന്നിവ കുതിരകൾക്ക്​ നേരെ അരുത്​. വിജയത്തിന്​ വേണ്ടി എത്ര ക്രുരമായും കുതിരകളെ പീഡിപ്പിക്കുന്ന മനഃസ്​ഥിതി അരുതെന്നും ഡാന പറയുന്നു.