ചെയ്​ത തെറ്റ്​​ എന്തെന്നറിയില്ല;​ സ്​പോൺസറുടെ നടപടിയിൽ ജിബിയുടെ രണ്ടാം ഗൾഫ്​ സ്വപ്​നവും പൊലിയുന്നു

ദമ്മാം: ജയിൽ വാസം അനുഭവിച്ചതും ഇപ്പോൾ ഹുറൂബി​​െൻറ കെണിയിൽ കുടുങ്ങിയതും എന്തിനാ​െണന്ന്​ ജിബിക്ക്​ മനസ്സിലാ കുന്നില്ല. പാലക്കാട്​, മംഗലം ഡാമിന്​ സമീപം താമസിക്കുന്ന മംഗലത്ത്​ ജിബി (42) ഒമ്പത് മാസം മുമ്പാണ്​ ഹൗസ്​ ​ൈ​ഡ്രവർ വിസയിൽ ദമ്മാമിലെ ഒരു സ്വദേശിയു​െട വീട്ടിലെത്തിയത്. മാസങ്ങൾക്ക്​ മുമ്പ്​ രാവും പകലും ഇടതടവില്ലാത്ത ജോലിക്ക ിടയിൽ തനിക്ക്​ ആഹാരം ഉണ്ടാക്കി കഴിക്കാനുള്ള സൗകര്യങ്ങൾ റൂമിന്​ സമീപം ഉണ്ടാക്കിത്തരണമെന്ന്​ സ്​പോൺസറു​െട ഭാര്യയോട്​ അഭ്യർഥിച്ചതാണ്​ തനിക്ക്​ വിനയായതെന്ന്​ ജിബി വിശദീകരിക്കുന്നു. അവർ പറഞ്ഞ ചില കാര്യങ്ങൾക്ക്​ സ്വാഭാവികമായും മറുപടി പറഞ്ഞതല്ലാതെ മറ്റൊരു തെറ്റും ചെയ്​തിട്ടില്ലെന്ന്​ ഇയാൾ ആണയിടുന്നു.

പിറ്റേദിവസം ജോലിക്ക്​ ശേഷം മുറിയിൽ എത്തി അൽപം കഴിഞ്ഞപ്പോൾ വാതിലിൽ തട്ടി വിളിക്കുന്നതുകേട്ട്​ തുറന്നപ്പോൾ പൊലീസുകാർ വന്ന്​ സ്​റ്റേഷനിലേക്ക്​ കൂട്ടിക്കൊണ്ടുപായി എന്ന്​ ജിബി പറയുന്നു. അറിയാവുന്ന അറബിയിൽ ചോദിച്ചപ്പോൾ മദ്യം കഴിച്ചതിനാ​െണന്ന്​ പറഞ്ഞു. എന്നാൽ താൻ മദ്യം കഴിച്ചിട്ടില്ലെന്ന്​​ കേണു പറഞ്ഞത്​ കേൾക്കാനോ, ൈവദ്യ പരിശോധന നടത്താനോ തയാറാകാതെ 24 ദിവസത്തെ ജയിൽ വാസത്തിനുശേഷം പൊലീസ്​ പറഞ്ഞു വിടുകയും ചെയ്​തത്രെ. തിരികെ സ്​പോൺസറുടെ വീട്ടിലെത്തിയെങ്കിലും അവർ ജിബിയെ കണ്ടതായി പോലും ഭാവിച്ചില്ല. എങ്ങനെയും നാട്ടിലെത്താനുള്ള ആഗ്രഹവുമായി പലരുടേയും സഹായത്തോടെ സ്​പോൺസറെ ബന്ധപ്പെ​െട്ടങ്കിലും ഫോണെടുക്കാൻ യാറായില്ല. പിന്നീട്​ മാസങ്ങളോളം കിടക്കാൻ പോലും ഇടമില്ലാതെ ജിബി പലയിടങ്ങളിലായി അലയുകയായിരുന്നു.

ദിവസങ്ങൾക്ക്​ മുമ്പ് എക്​സിറ്റടിച്ചു നൽകാം, ഇഖാമ നമ്പർ അയച്ചുകൊടുക്കൂ എന്ന ആവ​ശ്യവുമായി സ്​പോൺസറുടെ സഹായിയുടെ ഫോൺ വന്നപ്പോൾ ത​​െൻറ പ്രശ്​നങ്ങൾ അവസാനിച്ചു എന്നു കരുതി. എന്നാൽ ജിബിയെ ഹുറൂബാക്കി വീണ്ടും കുരുക്കുകയാണ്​ ചെയ്​തത്​. ഭക്ഷണത്തിന്​ പോലും വകയില്ലാതലഞ്ഞ ജിബിയെ കണ്ണൂർ സ്വദേശി അഷറഫ്​ കണ്ടെത്തി ആവശ്യമായ സഹായങ്ങൾ ചെയ്​തു നൽകുകയായിരുന്നു. എന്താണ്​ സ്​പോൺസർ ഇങ്ങനെ ക്രൂരത കാട്ടുന്നതന്ന്​ ജിബിക്ക്​ മനസ്സിലാകുന്നില്ല. ഖത്തറിൽ വർഷങ്ങൾ നീണ്ട പ്രവാസ ജീവിതം പച്ച പിടിക്കാതെ വന്നതോടെ ഏറെ പ്രതീക്ഷയോടെ സൗദിയിൽ ജോലിക്കെത്തിയതാണ്​ ജിബി. ഇതും ദുരിതത്തിൽ മറയു​േമ്പാൾ വിധിയുടെ മുന്നിൽ എന്ത്​ ചെയ്യണമെന്നറിയാതെ പകച്ചു നിൽക്കുകയാണ്​ ഇൗ ചെറുപ്പക്കാരൻ. നാട്ടിൽ ഭാര്യ ബിന്ദുവും മകനും ജിബിയുടെ മടങ്ങിവരവും കാത്ത്​ പ്രാർഥനയോടെ നാളുകളെണ്ണിക്കഴിയുകയാണ്​.