'ദ​മ്മാം ഫെ​സ്റ്റ് 2022 ഹ​രി​താ​ര​വം' വെ​ള്ളി​യാ​ഴ്ച​

ദ​മ്മാം: കെ.​എം.​സി.​സി ദ​മ്മാം സെ​ൻ​ട്ര​ൽ ക​മ്മി​റ്റി​യു​ടെ 40ാം വാ​ർ​ഷി​ക​ത്തി​ന്റെ ഭാ​ഗ​മാ​യി ന​ട​ത്തു​ന്ന 'ദ​മ്മാം ഫെ​സ്റ്റ് 2022 ഹ​രി​താ​ര​വം' മെ​ഗാ ഇ​വ​ൻ​റ് ഈ​മാ​സം 25ന് ​ദ​മ്മാ​മി​ലെ ടൊ​യോ​ട്ട​യി​ലു​ള്ള ക്രി​സ്റ്റ​ൽ ഹാ​ളി​ൽ ന​ട​ക്കും.

ഉ​ച്ച​ക്ക് 12.30ന് ​ര​ജി​സ്ട്രേ​ഷ​നോ​ടു​കൂ​ടി ആ​രം​ഭി​ക്കു​ന്ന പ​രി​പാ​ടി രാ​ത്രി 10 വ​രെ നീ​ണ്ടു​നി​ൽ​ക്കും. വൈ​കീ​ട്ട് ഏ​ഴി​ന് ന​ട​ക്കു​ന്ന പൊ​തു​സ​മ്മേ​ള​ന​ത്തി​ൽ സം​സ്ഥാ​ന മു​സ്‍ലിം ലീ​ഗ് സെ​ക്ര​ട്ട​റി കെ.​എം. ഷാ​ജി, ഗോ​പി​നാ​ഥ് മു​തു​കാ​ട് തു​ട​ങ്ങി​യ​വ​ർ മു​ഖ്യാ​തി​ഥി​ക​ളാ​യി​രി​ക്കും.

ദ​മ്മാം കെ.​എം.​സി.​സി ഏ​ർ​പ്പെ​ടു​ത്തി​യ ഹൈ​ദ​ര​ലി ശി​ഹാ​ബ് ത​ങ്ങ​ളു​ടെ പേ​രി​ലു​ള്ള പ്ര​ഥ​മ മാ​ന​വ സേ​വാ പു​ര​സ്‌​കാ​രം ഗോ​പി​നാ​ഥ്‌ മു​തു​കാ​ടി​ന് ച​ട​ങ്ങി​ൽ സ​മ്മാ​നി​ക്കും. ഒ​രു​ല​ക്ഷം രൂ​പ​യും പ്ര​ശ​സ്തി പ​ത്ര​വു​മാ​ണ് പു​ര​സ്‌​കാ​രം. ജീ​വ​കാ​രു​ണ്യ രം​ഗ​ത്തെ സ​മ​ഗ്ര സം​ഭാ​വ​ന​ക്കാ​ണ് പു​ര​സ്‌​കാ​രം.

അ​ബ്ദു​ൽ ഖാ​ദ​ർ ചെ​ങ്ക​ള, മ​ൻ​സൂ​ർ പ​ള്ളൂ​ർ, സാ​ജി​ദ് ആ​റാ​ട്ടു​പു​ഴ എ​ന്നി​വ​ർ അ​ട​ങ്ങി​യ ജൂ​റി​യാ​ണ് പു​ര​സ്‌​കാ​ര ജേ​താ​വി​നെ തെ​ര​ഞ്ഞെ​ടു​ത്ത​ത്. ബി​സി​ന​സ് രം​ഗ​ത്തെ മി​ക​ച്ച മു​ന്നേ​റ്റ​ത്തി​ന് എ​ന​ർ​ജി​യ സി.​ഇ.​ഒ ഷാ​ഹി​ദ് ഹ​സ​ന് ബി​സി​ന​സ് എ​ക്സ​ല​ൻ​സി അ​വാ​ർ​ഡും പ്ര​വാ​സ ലോ​ക​ത്തെ ജീ​വ​കാ​രു​ണ്യ പ്ര​വ​ർ​ത്ത​ന​ത്തി​ന് കാ​സ​ർ​കോ​ട് ജി​ല്ല കെ.​എം.​സി.​സി ട്ര​ഷ​റ​ർ ന​വാ​സ് അ​ബൂ​ബ​ക്ക​ർ അ​ണ​ങ്കൂ​റി​ന് യൂ​ത്ത് വെ​ൽ​ഫെ​യ​ർ അ​വാ​ർ​ഡും സ​മ്മാ​നി​ക്കും.

കി​ഴ​ക്ക​ൻ പ്ര​വി​ശ്യ​യി​ലു​ള്ള ഭി​ന്ന​ശേ​ഷി​ക്കാ​രാ​യ കു​ട്ടി​ക​ൾ​ക്കാ​യു​ള്ള 'മാ​ലാ​ഖ​മാ​ർ​ക്കൊ​പ്പം മു​തു​കാ​ട്' എ​ന്ന സെ​ഷ​നും അ​തി​നോ​ട​നു​ബ​ന്ധി​ച്ചു ന​ട​ക്കും. കു​ട്ടി​ക​ൾ​ക്കും കു​ടും​ബി​നി​ക​ൾ​ക്കു​മാ​യി കി​ഡ്‌​സ് ഫെ​സ്റ്റ്, കേ​ക്ക് ഫെ​സ്റ്റ്, ഫു​ഡ് ഫെ​സ്റ്റ് തു​ട​ങ്ങി​യ വി​വി​ധ​യി​നം ക​ലാ​പ​രി​പാ​ടി​ക​ളാ​ണ് സം​ഘാ​ട​ക​ർ ഒ​രു​ക്കി​യി​രി​ക്കു​ന്ന​ത്.

അ​തോ​ടൊ​പ്പം ദ​മ്മാം കെ.​എം.​സി.​സി​യു​ടെ 40 വ​ർ​ഷ​ത്തെ ച​രി​ത്രം പ​റ​യു​ന്ന ഡോ​ക്യു​മെ​ന്റ​റി പ്ര​ദ​ർ​ശ​ന​വും എ​ക്സി​ബി​ഷ​നും ഉ​ണ്ടാ​യി​രി​ക്കും. ഫെ​സ്റ്റി​ന്റെ വി​ജ​യ​ത്തി​ന് 101 പ്ര​വ​ർ​ത്ത​ക​ര​ട​ങ്ങു​ന്ന സ്വാ​ഗ​ത സം​ഘം രൂ​പ​വ​ത്ക​രി​ച്ച​താ​യും ഭാ​ര​വാ​ഹി​ക​ളാ​യ ഹ​മീ​ദ് വ​ട​ക​ര, മു​ജീ​ബ് കൊ​ള​ത്തൂ​ർ, മാ​ലി​ക് മ​ഖ്‌​ബൂ​ൽ, റ​ഹ്‌​മാ​ൻ കാ​ര​യാ​ട്, അ​സ്‌​ലം കൊ​ള​ക്കോ​ട​ൻ, മ​ഹ​മൂ​ദ് പൂ​ക്കാ​ട്, ഖാ​ദ​ർ അ​ണ​ങ്കൂ​ർ എ​ന്നി​വ​ർ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു.