ദമ്മാമിൽ അനധികൃത മണൽകടത്ത് പിടികൂടി 

ദമ്മാം: ദമ്മാം നഗരസഭ അനധികൃത മണൽകടത്ത് പിടികൂടി. മതിയായ രേഖകളില്ലാതെ മണലെടുത്ത വാഹനങ്ങൾ അധികൃതർ പിടിച്ചെടുക്കുകയും നിയമ നടപടികൾ സ്വീകരിക്കുകയും ചെയ്​തു. നഗരസഭയുടെ കീഴിലുള്ള പരിസ്​ഥിതി വികസന മന്ത്രാലയമാണ്​ നടപടിയെടുത്തത്​. രണ്ട്​ മണ്ണുമാന്തിയന്ത്രങ്ങളും നാല്​ ലോറികളും സംഭവസ്​ഥലത്ത്​ നിന്ന്​ പിടികൂടി. കുറ്റക്കാർക്കെതിരെ പിഴയടക്കമുള്ള കർശന നടപടി സ്വീകരിക്കുമെന്ന്​ നഗരസഭ വകുപ്പ്​ മേധാവി ഫൈസൽ ഇബ്​ൻ അബ്​ദുൽ ഹാദി അൽഖഹ്​താനി അറിയിച്ചു.