ദമ്മാമിൽ കോവിഡ് ബാധിച്ച് മലയാളി മരിച്ചു 

ദമ്മാം: കോവിഡ്​ ബാധിച്ച്​ മലയാളി വീണ്ടും ദമ്മാമിൽ മരിച്ചു. കാസർകോട്​ കുമ്പള സ്വദേശി മൊയ്തീന്‍ കുട്ടി അരിക്കാടിയാണ് (59) മരിച്ചത്. ദമ്മാംഅല്‍ഖോബാറിലായിരുന്നു ജോലി. കോവിഡ് ലക്ഷണങ്ങളെ തുടര്‍ന്ന് ആശുപത്രിയില്‍ പ്രവേശിപ്പിച്ച് തീവ്രപരിചരണ വിഭാഗത്തില്‍ കഴിഞ്ഞ് വരുന്നതിനിടെയാണ് മരണം.

25  വര്‍ഷമായി സൗദിയിലുളള മൊയ്തീന്‍ കുട്ടി റസ്​റ്റോറൻറ്​ ജീവനക്കാരനാണ്. മൃതദേഹം കോവിഡ് നടപടികള്‍ക്ക് വിധേയമായി മറവ് ചെയ്യും. ഇതോടെ സൗദിയില്‍ കോവിഡ്  ബാധിച്ച് മരിച്ച മലയാളികളുടെ എണ്ണം 15 ആയി.