പ്രവാസി വ്യവസായികൾക്ക്​ ഡി^ലിറ്റ്

റിയാദ്: വ്യവസായ, സാമൂഹിക, വിദ്യാഭ്യാസ രംഗങ്ങളിലെ പ്രവർത്തന മികവ്​ വിലയിരുത്തി സൗദിയിലുള്ള നാല്​ മലയാളികൾക്ക്​ അമേരിക്കയിലെ കിങ്​സ്​​ യൂനിവേഴ്സിറ്റിയുടെ ഒാണററി ഡി–ലിറ്റ്. 
അൽഹുദ ഗ്രൂപ്​ ഓഫ് സ്​കൂൾസ്​ മാനേജിങ്​ ഡയറക്ടർ ടി.പി മുഹമ്മദ്, റിയാദ് വില്ലാസ്​ മാനേജിങ്​ ഡയറക്ടറും കേരള ബിസിനസ്​ ഫോറം ചെയർമാനുമായ സൂരജ് പാണയിൽ, അദ്​വ അൽഷുഖ കമ്പനി ജനറൽ മാനേജർ ഷിബു മാത്യൂ, അൽഅഹ്ദാബ് ഗ്രൂപ്​ ഓഫ് സ്​കൂൾസ്​ മാനേജിങ്​ ഡയറക്ടർ കെ.പി സുലൈമാൻ എന്നിവർക്കാണ് തമിഴ്​നാട്ടിലെ മധുര പോപ്പീസ്​ ഹോട്ടലിൽ നടന്ന ചടങ്ങിൽ പുരസ്​കാരം ലഭിച്ചത്​. 
സർവകലാശാല െപ്രാ വൈസ്​ ചാൻസലർ ഡോ. സെൽവിൻ കുമാറും ദോഹ ബാങ്ക് ഗ്രൂപ്​ സി.ഇ.ഒ ഡോ. സീതാരാമനും വിതരണം ചെയ്തു. 
മറ്റ്​ ഗൾഫ്​ രാജ്യങ്ങളിൽ നിന്നുള്ളവരടക്കം നിരവധിയാളുകൾ ഒാണററി ഡി^ലിറ്റിന്​ അർഹരായിരുന്നു. യൂനിവേഴ്സിറ്റി മിഡിൽ ഈസ്​റ്റ്​ കോ ഓഡിനേറ്റർ അമാനുല്ല വടക്കാങ്ങര, ചീഫ് കോഓഡിനേറ്റർ തങ്കച്ചൻ ശെൽവൻ, അന്താരാഷ്​ട്ര മനുഷ്യാവകാശ കമീഷൻ ജനറൽ സെക്രട്ടറി ഡോ. എസ്​.വി പെരുമാൾജി, കെ. മുഹമ്മദ് ഈസ്സ ദോഹ, ഡോ. ഷീല ഫിലിപ്പോസ്​ ദോഹ എന്നിവർ ആശംസ നേർന്നു.