യൂറോപ്പ്​​ സൈക്ലിംഗ്​ ടൂർ: സൗദി യുവാക്കള്‍ക്ക്‌​ ഒന്നാം സ്​ഥാനം

റിയാദ്​: ഒരാഴ്​ച കൊണ്ട്​ 700 കിലോമീറ്റർ സൈക്കിൾ ചവിട്ടി വിവിധ രാജ്യങ്ങൾ കറങ്ങിയ മത്​സരത്തിൽ 30 അംഗ സൗദി ടീം ഒന്നാംസ്​ഥാനം നേടി. യൂറോപ്യൻ സൈക്ലിംഗ്​ ടൂർ എന്ന പേരിൽ  ‘ഗ്ലോബൽ ബൈകിങ്​ ഇനിഷ്യേറ്റീവ്​  2018’ എന്ന പരിപാടിയിലാണ്​ സൗദി തിളക്കം. 30 രാജ്യങ്ങളിൽ നിന്ന്​ 600 സൈക്ലിസ്​റ്റുകളാണ് പരിപാടിയിൽ പ​െങ്കടുത്തത്​. സ്വീഡിഷ്​ നഗരമായ ഗുട്ടൻ ബർഗിൽ നിന്ന്​ തുടങ്ങി ജർമനിയിലെ ഹംബർഗ്​ വരെയാണ്​ ഒരാഴ്​ചകൊണ്ട്​ സൈക്കിൾ യാത്ര നടത്തിയത്​.  ജീവകാരുണ്യ^സന്നദ്ധ പ്രവർത്തന പദ്ധതിക്ക്​ ഫണ്ട്​ സ്വരൂപിക്കാനാണ്​ പരിപാടി സംഘടിപ്പിച്ചത്​. സൗദി വിഷൻ 2030​ ​​െൻറ ഭാഗമായ ജീവകാരുണ്യപ്രവർത്തനങ്ങളുടെ പ്രചാരണാർഥമാണ്​ സൗദി ടീം പരിപാടിയിൽ പ​െങ്കടുത്തത്​. കാൻസർ ബാധിച്ച കുട്ടികളുടെ ക്ഷേമ പദ്ധതിയാണ്​ സൗദി സംഘം അവതരിപ്പിച്ചത്​ എന്ന്​ ടീം ലീഡർ മുഹമ്മദ്​ അൽ അലിയാൻ പറഞ്ഞു. കാൻസർ ബോധവത്​കരണവും പദ്ധതിയുടെ ഭാഗമാണ്​.