ക്രിസ്റ്റ്യാനോ ആദ്യമായി ദമ്മാമിൽ; ആവേശത്തിരയിലലിഞ്ഞ്​ ആരാധകർ

ദ​മ്മാം: സൗ​ദി​യി​ലെ അ​ൽ ന​സ​റി​ന്‍റെ സൂ​പ്പ​ർ താ​രം ക്രി​സ്റ്റ്യാ​നോ റൊ​ണാ​ൾ​ഡോ ആ​ദ്യ​മാ​യി ദ​മ്മാ​മി​ൽ. ക​ഴി​ഞ്ഞ ദി​വ​സം ദ​മ്മാം സ്​​റ്റേ​ഡി​യ​ത്തി​ൽ ന​ട​ന്ന അ​ൽ ന​സ​റ-​അ​ൽ ഇ​ത്തി​ഫാ​ഖ്​ പോ​രി​നാ​ണ് സി.​ആ​ർ7 ദ​മ്മാ​മി​ലെ​ത്തി​യ​ത്. കാ​ൽ​പ​ന്തു​ക​ളി​യു​ടെ രാ​ജ​കു​മാ​ര​നെ കാ​ണാ​ൻ കി​ഴ​ക്ക​ൻ പ്ര​വി​ശ്യ ഇ​തു​വ​രെ ദ​ർ​ശി​ച്ചി​ട്ടി​ല്ലാ​ത്ത ആ​വേ​ശ​ത്തോ​ടെ​യാ​ണ്​ ആ​രാ​ധ​ക​ർ ഒ​ഴു​കി​യെ​ത്തി​യ​ത്.

കേ​വ​ലം മ​ണി​ക്കൂ​റു​ക​ൾ മാ​ത്രം നീ​ണ്ടു​നി​ന്ന ടി​ക്ക​റ്റ്​ വി​ൽ​പ​ന​ക്ക്​ ഇ​തി​നു​മു​മ്പൊ​രി​ക്ക​ലും ഇ​ത്ര​യേ​റെ ആ​വ​ശ്യ​ക്കാ​രു​ണ്ടാ​യി​ട്ടി​ല്ല. ഒ​രു സീ​റ്റു​പോ​ലും ബാ​ക്കി​യി​ല്ലാ​ത്ത​വി​ധം നൂ​റു​ക​ണ​ക്കി​ന്​ മ​ല​യാ​ളി​ക​ള​ട​ക്ക​മു​ള്ള ആ​രാ​ധ​ക​ർ നേ​ര​ത്തെ ത​ന്നെ ടി​ക്ക​റ്റു​ക​ൾ സ്വ​ന്ത​മാ​ക്കി​യി​രു​ന്നു.

റോ​ഷ​ൻ സൗ​ദി ലീ​ഗ് മ​ത്സ​ര​ങ്ങ​ളു​ടെ ഭാ​ഗ​മാ​യാ​ണ് പ്രി​ൻ​സ് മു​ഹ​മ്മ​ദ് ബി​ൻ ഫ​ഹ​ദ് സ്റ്റേ​ഡി​യ​ത്തി​ൽ മ​ത്സ​രം സം​ഘ​ടി​പ്പി​ച്ച​ത്. ഗാ​ല​റി നി​റ​ഞ്ഞു​ക​വി​ഞ്ഞ​തോ​ടെ അ​നേ​കം പേ​ർ​ക്ക്​ ടി​ക്ക​റ്റ് ല​ഭി​ക്കാ​തെ മ​ട​ങ്ങേ​ണ്ടി​യും വ​ന്നു. സ്റ്റേ​ഡി​യ​ത്തി​ൽ പ്ര​വേ​ശ​നം ല​ഭി​ക്കു​മെ​ന്ന പ്ര​തീ​ക്ഷ​യി​ൽ രാ​ത്രി വൈ​കി​യും ഫു​ട്‍ബാ​ൾ പ്രേ​മി​ക​ൾ കാ​ത്തി​രു​ന്നു​വെ​ങ്കി​ലും നി​രാ​ശ​യാ​യി​രു​ന്നു ഫ​ലം. ശ​നി​യാ​ഴ്ച രാ​ത്രി എ​ട്ടോ​ടെ സ്റ്റേ​ഡി​യ​ത്തി​ൽ ക്രി​സ്റ്റ്യാ​നോ റൊ​ണാ​ൾ​ഡോ പ​രി​ശീ​ല​ന​ത്തി​നി​റ​ങ്ങി​യ​തോ​ടെ ആ​ര​വ​ങ്ങ​ൾ വാ​നോ​ള​മു​യ​ർ​ന്നു.

പ്രി​യ ആ​രാ​ധ​ക​രെ അ​ഭി​വാ​ദ്യം ചെ​യ്താ​ണ് സ്റ്റേ​ഡി​യ​ത്തി​ൽ റൊ​ണാ​ൾ​ഡോ ന​ട​ന്നു​നീ​ങ്ങി​യ​ത്. ഇ​രു ടീ​മു​ക​ളു​ടെ​യും ആ​രാ​ധ​ക​രാ​ൽ ശ്ര​ദ്ധേ​യ​മാ​യ വീ​റും വാ​ശി​യും പ്ര​ക​ട​മാ​ക്കി​യ മ​ത്സ​ര​ത്തി​ൽ അ​ൽ ന​സ​റും അ​ൽ ഇ​ത്തി​ഫാ​ഖും ഓ​രോ ഗോ​ൾ വീ​തം നേ​ടി സ​മ​നി​ല പാ​ലി​ച്ചു. ഓ​രോ നി​മി​ഷ​വും ആ​കാം​ക്ഷ മു​റ്റി​യ നി​മി​ഷ​ങ്ങ​ൾ സ​മ്മാ​നി​ച്ച ക​ളി​യി​ൽ സ്വ​ദേ​ശി​ക​ൾ​ക്കൊ​പ്പം ആ​ര​വ​ങ്ങ​ൾ തീ​ർ​ത്ത്​ മ​ല​യാ​ളി കാ​ൽ​പ​ന്തു​പ്രേ​മി​ക​ളും സ്​​റ്റേ​ഡി​യ​ത്തെ സ​ജീ​വ​മാ​ക്കി.

സൗ​ദി​യി​​ലെ അ​ൽ ന​സ​റി​ന്‍റെ ക​ളി​ക്കാ​ര​നാ​യി ക്രി​സ്റ്റാ​നോ റൊ​ണാ​ൾ​ഡോ എ​ത്തി​യ​തി​ന്​ ശേ​ഷം ആ​ദ്യ​മാ​യി ദ​മ്മാ​മി​ലെ​ത്തി​യ താ​ര​ത്തി​ന്​ സ്​​നേ​ഹ​മ​സൃ​ണ​മാ​യ സ്വീ​ക​ര​ണ​മാ​ണ് ആ​രാ​ധ​ക​ർ ന​ൽ​കി​യ​ത്. ഇ​തി​നു മു​മ്പും ഈ ​ക്ല​ബു​ക​ൾ ത​മ്മി​ൽ മ​ത്സ​ര​ങ്ങ​ൾ ന​ട​ന്നി​ട്ടു​ണ്ടെ​ങ്കി​ലും ഇ​ത്ര​​യേ​റെ കാ​ണി​ക​ൾ ഉ​ണ്ടാ​യി​ട്ടി​ല്ല. ക്രി​സ്​​റ്റ്യാ​നോ റെ​ണോ​ൾ​ഡോ എ​ന്ന ഒ​റ്റ ക​ളി​ക്കാ​ര​ന്‍റെ പേ​രി​ലാ​ണ്​ സ്​​റ്റേ​ഡി​യം നി​റ​ഞ്ഞു​ ക​വി​ഞ്ഞ​തെ​ന്ന്​ ഫു​ട്ബാ​ൾ സം​ഘാ​ട​ക​ൻ റ​ഫീ​ഖ്​ കൂ​ട്ടി​ല​ങ്ങാ​ടി പ​റ​ഞ്ഞു.

ആ​ദ്യ പ​കു​തി​യി​ൽ​ത​ന്നെ ഇ​ത്തി​ഹാ​ദ്​ ആ​ദ്യ ഗോ​ൾ നേ​ടി. ക​ളി തീ​രാ​ൻ 20 മി​നി​റ്റ്​ ബാ​ക്കി നി​ൽ​ക്കെ അ​ൽ ന​സ​ർ ഗോ​ൾ മ​ട​ക്കി സ​മ​നി​ല നേ​ടി. ക്രി​സ്റ്റാ​നോ ഗോ​ൾ അ​ടി​ച്ചി​ല്ലെ​ങ്കി​ലും താ​ര​ത്തി​ന്‍റെ കാ​ലി​ൽ പ​ന്തെ​ത്തി​യ​പ്പോ​​ഴെ​ല്ലാം ആ​രാ​ധ​ക​ർ ആ​ര​വം മു​ഴ​ക്കി പ്രോ​ത്സാ​ഹി​പ്പി​ച്ചു. ക്രി​സ്റ്റ്യാ​നോ റൊ​ണാ​ർ​ഡോ​യെ പ്ര​തി​രോ​ധി​ക്കാ​നാ​ണ്​ ഇ​ത്തി​ഹാ​ദ്​ ആ​ദ്യാ​വ​സാ​നം ശ്ര​മി​ച്ച​ത്. നാ​ലു​ പേ​രാ​ണ്​ താ​ര​ത്തെ സ​ദാ​സ​മ​യ​വും വ​ല​യം ചെ​യ്ത​ത്.

അ​ൽ ന​സ​റി​ന്‍റെ മ​ഞ്ഞ ജ​ഴ്​​സി​യ​ണി​ഞ്ഞാ​ണ്​ അ​ധി​കം ആ​രാ​ധ​ക​രും സ്​​റ്റേ​ഡി​യ​ത്തി​ൽ എ​ത്തി​യ​ത്. പാ​ട്ടു​പാ​ടി​യും പൂ​ത്തി​രി​ക​ത്തി​ച്ചും മു​ദ്ര്യാ​വാ​ക്യ​ങ്ങ​ൾ മു​ഴ​ക്കി​യും അ​ഭി​വാ​ദ്യ​ങ്ങ​ൾ നേ​ർ​ന്നും ആ​രാ​ധ​ക​ർ ടീ​മി​നൊ​പ്പം നി​ന്നു.

ലോ​ക ഫു​ട്‌​ബാ​ളി​ലെ മി​ന്നും താ​ര​ങ്ങ​ളി​ലൊ​ന്നാ​യ ക്രി​സ്റ്റ്യാ​നോ റൊ​ണാ​ൾ​ഡോ സൗ​ദി ഫു​ട്‌​ബാ​ൾ ലീ​ഗി​ലെ പ്ര​മു​ഖ ക്ല​ബാ​യ അ​ൽ ന​സ്‌​റി​ൽ എ​ത്തി​യ​തോ​ടെ ലോ​ക ശ്ര​ദ്ധ​യാ​ക​ർ​ഷി​ക്കു​ക എ​ന്ന​തി​ന് പു​റ​മെ വ​രും​കാ​ല സൗ​ദി ഫു​ട്‌​ബാ​ളി​നെ മി​നു​ക്കി​പ്പ​ണി​യു​ക എ​ന്ന ല​ക്ഷ്യം​കൂ​ടി​യാ​ണ് സാ​ക്ഷാ​ത്ക​രി​ക്ക​പ്പെ​ടു​ന്ന​തെ​ന്ന്​ ഡി​ഫ പ്ര​സി​ഡ​ന്‍റ്​ മു​ജീ​ബ്​ ക​ള​ത്തി​ൽ പ​റ​ഞ്ഞു.

ഇ​ക്ക​ഴി​ഞ്ഞ ലോ​ക​ക​പ്പ് ഫു​ട്‌​ബാ​ളി​ൽ ക​രു​ത്ത​രാ​യ അ​ർ​ജ​ന്റീ​ന​യെ തോ​ൽ​പി​ച്ച സൗ​ദി​ക്ക് പി​ന്നീ​ട് മു​ന്നോ​ട്ടു കു​തി​ക്കാ​നാ​യി​ല്ലെ​ങ്കി​ലും 2026 ലോ​ക​ക​പ്പി​ൽ വ​ൻ തി​രി​ച്ചു​വ​ര​വും 2030 ലോ​ക​ക​പ്പി​ന്റെ ആ​തി​ഥേ​യ​ത്വ​വു​മാ​ണ് സൗ​ദി ല​ക്ഷ്യം വെ​ക്കു​ന്ന​ത്.

2030 ലോ​ക​ക​പ്പി​ൽ മ​റ്റു രാ​ജ്യ​ങ്ങ​ൾ​ക്കൊ​പ്പം സൗ​ദി​ക്ക് ആ​തി​ഥ്യം വ​ഹി​ക്കാ​നാ​കു​മെ​ന്നാ​ണ് ഫു​ട്‌​ബാ​ൾ ഫെ​ഡ​റേ​ഷ​ൻ ക​ണ​ക്കാ​ക്കു​ന്ന​ത്. സൗ​ദി അ​റേ​ബ്യ​യു​ടെ സ്വ​പ്‌​ന​പ​ദ്ധ​തി​യാ​യ 2030ന്റെ ​ഭാ​ഗ​മാ​യി ലോ​ക​ക​പ്പ് ഫു​ട്‌​ബാ​ളി​നു​കൂ​ടി ആ​തി​ഥേ​യ​ത്വം വ​ഹി​ക്ക​ണ​മെ​ന്ന് സൗ​ദി അ​റേ​ബ്യ ല​ക്ഷ്യം​വെ​ക്കു​ന്നു.