700 ആടുകളെ മോഷ്​ടിച്ച  13 വിദേശികൾ അറസ്​റ്റിൽ

റിയാദ്​: റിയാദിലെ വിവിധ ഫാമുകളിൽ നിന്നായി 700 ആടുകളെ മോഷ്​ടിച്ച കേസിൽ പതിമൂന്ന്​ പ്രതികളെ പൊലിസ് അറസ്​റ്റ്​ ചെയ്​തു. ഇവരിൽ നിന്ന്​ തോക്കുകൾ ഉൾപെടെ ആയുധങ്ങളും പിടിച്ചെടുത്തു. ഫാമുകളിൽ നിന്ന്​ ആടുകൾ മോഷ്​ടിക്കപ്പെടുന്നതായി നിരവധി പരാതികൾ പൊലീസിന്​ ലഭിച്ചിരുന്നു. വിദേശികളാണ്​ മോഷ്​ടാക്കളെന്ന്​ ഫാം ഉടമകൾ പൊലീസിന്​ പരാതി നൽകിയിരുന്നു. ഇതേ തുടർന്ന്​  അന്വേഷണം ശക്​തമാക്കി. 10 എത്യോപ്യക്കാരും മൂന്ന്​ സുഡാനികളുമാണ്​ അറസ്​റ്റിലായത്​. 18^30 വയസിന്​ ഇടയിലുള്ളവരാണ്​ പ്രതികളെന്ന്​ പൊലീസ്​ അറിയിച്ചു. ഇവരെല്ലാവരും അനധികൃത താമസക്കാരാണെന്ന്​ പൊലീസ്​ കണ്ടെത്തി. യാതൊരു താമസ രേഖകളോ തിരിച്ചറിയൽ രേഖയോ ഇവർക്കില്ല.