പഴകിയ മാംസം വിൽപനക്ക്​; കമ്പനി അടച്ചുപൂട്ടി

ദമ്മാം: ദമ്മാമിൽ പഴകിയ മാംസം വിൽപനക്ക്​ വെച്ച സ്വകാര്യ ഭക്ഷണ കമ്പനി അധികൃതർ അടച്ചുപൂട്ടി. കിഴക്കൻ പ്രവിശ്യ നഗരസഭ അധികൃതർ ആരോഗ്യ വകുപ്പുമായി സഹകരിച്ച്​   ഗോഡൗണുകളിലും സൂക്ഷിപ്പു കേന്ദ്രങ്ങളിലും നടത്തിയ മിന്നൽ പരിശോധനയിലാണ്​ 133 ടൺ പഴകിയ മാംസം പിടികൂടിയത്​. കേടായ മാംസം വീണ്ടും പുതിയ തിയതി പതിച്ച്​ വിൽപന നടത്തുകയായിരുന്ന ഇൗ സ്​ഥാപനത്തി​​െൻറ രീതി. സ്വകാര്യ ഭക്ഷണ വിതരണ കമ്പനിയിലാണ്​ പഴകിയ ഭക്ഷണം വ്യാജ തിയതി പതിച്ച്​ പുതിയ പാക്കിലാക്കി വിതരണത്തിനായി തയാറാക്കിവെച്ച നിലയിൽ കണ്ടെത്തിയത്​. റെയ്​ഡിനിടെ സംഭവ സ്​ഥലത്തു നിന്ന്​ ചില ജീവനക്കാർ ഒാടി രക്ഷപ്പെടാൻ ശ്രമിച്ചു. 

വൃത്തിഹീനമായ പരിസരം, മതിയായ രേഖകളില്ലാതെ പ്രവർത്തിക്കൽ, നിയമപരമായ സുരക്ഷാ മുൻകരുതലുകളുടെ അഭാവം തുടങ്ങി വിവിധ തരത്തിലുള്ള നിയമവിരുദ്ധ പ്രവർത്തനങ്ങൾ നടത്തിയ സ്ഥാപനങ്ങൾക്കെതിരെയാണ്​ നടപടി സ്വീകരിച്ചതെന്ന്​​ കിഴക്കൻ പ്രവിശ്യ നഗരസഭാ മേധാവി ഹാതിം അൽഗാമിദി അറിയിച്ചു. 

ദമ്മാം നഗരത്തി​​​െൻറ വിവിധ ഭാഗങ്ങളിൽ നടന്ന പരിശോധന മണിക്കൂറുകൾ നീണ്ടു. 
നിയമവിരുദ്ധ പ്രവർത്തനങ്ങളിൽ ഏ​ർപ്പെടുന്ന സ്​ഥാപനങ്ങൾക്കെതിര പിഴയടക്കമുള്ള കർശന നടപടികളാണ്​ അധിക​ൃതർ സ്വീകരിക്കുന്നത്​. ഇത്തരത്തിലുള്ള കുറ്റകൃത്യങ്ങൾ ​​ശ്രദ്ധയിൽ പെട്ടാൽ 940 ഹോട്ട​്​ലൈൻ നമ്പറിൽ വിവരമറിയിക്കണമെന്ന്​ അധികൃതർ അറിയിച്ചു.