ലഗേജ്​ തട്ടിപ്പ്​; മലയാളിയുടെ യാത്ര നീളുന്നു

ജിദ്ദ: വിമാനത്താവളത്തിലെ ‘സഹായി’യുടെ വാക്ക്​ കേട്ട്​ അപരിചിത​​​​െൻറ ലഗേജ്​ സ്വീകരിച്ച് കുടുങ്ങിയ മലയാളി കുടുംബത്തിലെ ഭാര്യയും കുട്ടിയും ഇന്നലെ നാട്ടിലെത്തി. നിയമകുരുക്ക്​ പരിഹരിച്ചാൽ മാത്രമേ കുടുംബനാഥന്​ പോകാനാകുള്ളു. 26 ന്​ ഇവർ പോകാനിരുന്ന വിമാനത്തിൽ കയറിപ്പോയ 100 കിലോ ലഗേജിന്​ എന്തുസംഭവിച്ചുവെന്നും അറിയില്ല. എവിടെയാണ്​ ഇതുള്ളതെന്നും വ്യക്​തമായിട്ടില്ല. അറിഞ്ഞാൽ തന്നെ വിട്ടുകിട്ടാൻ ഏറെ പ്രയാസപ്പെടേണ്ടിയുംവരും. വിലപിടിപ്പുള്ള വീട്ടുപകരണവും വസ്​ത്രവുമൊക്കെ ലഗേജിൽ ഉണ്ട്. 

ലഗേജ് കൂടുതലായതിനെ തുടർന്ന്​ ‘സഹായ’ത്തിന്​ സമീപിച്ചയാളാണ്​ ഇവരെ വെട്ടിലാക്കിയത്​. ലഗേജിൽ എട്ട് സ്വർണ ബിസ്കറ്റുകൾ വെച്ച് ഇവരെ കബളിപ്പിക്കുകയായിരുന്നു. സ്​പ്രേ കുപ്പിയിൽ കൂടെ ബാറ്ററിയും ഒരു തരം പേപ്പറും വെച്ച് പൊതിയുന്നത് മൂലം സ്കാനിങ്ങിൽ കണ്ടെത്താൻ ബുദ്ധിമുട്ടാണത്രെ. ഇങ്ങനെ നാട്ടിലെത്തുന്ന സാധനങ്ങൾ എയർപോർട്ടിന് പുറത്ത് ഇവരുടെ നാട്ടിലെ കൂട്ടാളികൾ വന്ന്​ വാങ്ങിപ്പോകലാണ്​ പതിവ്​. ഇതിനകക്ക്​ എന്താണ്​ ഉള്ളതെന്ന്​ യാത്രക്കാർ അറിയാറില്ല. നാട്ടിൽ പിടിക്കപ്പെട്ടാൽ വർഷങ്ങളോളം ജയിൽ ശിക്ഷ‍യും മറ്റും അനുഭവിക്കേണ്ട കുറ്റമാണ്. ലഗേജ് കൂടുതലുള്ള മലയാളികളാണ്​ പലപ്പോഴും ഇവരുടെ വലയിൽ പെടുന്നത്​. 

കഴിഞ്ഞ ദിവസം കുടുങ്ങിയ കുടുബം നാഥന് വലിയ സംഖ്യ തന്നെ ഇതി​​​െൻറ പേരിൽ നഷ്്ടമായിട്ടുണ്ട്. 20,000 റിയാലിനടുത്ത് വിവിധകാര്യങ്ങൾക്കായി ചെലവാക്കി കഴിഞ്ഞു. തന്നെ വഞ്ചിച്ചവർക്കെതിരെ സ്പോൺസറുടെ നേതൃത്വത്തിൽ നിയമ നടപടിക്ക് ഒരുങ്ങുകയാണ് അദ്ദേഹം. ഭാര്യയുടെ ബി.എഡ് പ്രവേശനവുമായി ബന്ധപ്പെട്ട് അവർക്ക്​ ഇന്ന് നാട്ടിലെത്തൽ നിർബന്ധമായിരുന്നു. ഇന്ന് തന്നെ നാട്ടിലെത്താൻ സാധിച്ചത് കൊണ്ട് കോളജിൽ അഡ്്മിഷന് കിട്ടി. അല്ലെങ്കിൽ അഡ്മിഷനുമായി ബന്ധപ്പെട്ട് കൊടുത്ത ഫീസും ഡൊണേഷനും അടങ്ങിയ വലിയ ഒരു സംഖ്യയും നഷ്​ടമാകുമായിരുന്നുവെന്നും അദ്ദേഹം പറഞ്ഞു.