തുറമുഖത്തെ ക്രെയിനിൽ തൊഴിലാളികൾ കുടുങ്ങി

ജിദ്ദ: ജിദ്ദ  ഇസ്​ലാമിക്​ പോർട്ടിലെ ക്രെയിനിൽ കുടുങ്ങിയ രണ്ട്​ തൊഴിലാളികളെ സിവിൽ ഡിഫൻസ്​ രക്ഷപ്പെടുത്തി. ഇന്നലെ രാവിലെയാണ് തൊഴിലാളികൾ പോർട്ട്​ ടവറിന്​ പുറത്ത്​ ക്രെയിനിൽ കുടുങ്ങിയത്​. 18, 19 നിലകൾക്കിടയിൽ ക്രെയിൻ താ​ഴോട്ടും മുക​ളിലേക്കും ചലിക്കാതെ നിൽക്കുകയായിരുന്നു. 
വിവരമറിഞ്ഞെത്തിയ സിവിൽ ഡിഫൻസിന്​ കീഴിലെ രക്ഷാപ്രവർത്തക സംഘം സാഹസികമായാണ്​ ഇവരെ രക്ഷ​പ്പെടുത്തിയത്​. സിവിൽ ഡിഫൻസി​​​െൻറ ലാഡർ സംവിധാനമുള്ള വാഹനമുപയോഗിച്ചാണ്​ രക്ഷ​ാപ്രവർത്തനം നടത്തിയതെന്ന്​  മക്ക മേഖല സിവിൽ ഡിഫൻസ്​ വക്​താവ്​ കേണൽ സഇൗദ്​ സർഹാൻ പറഞ്ഞു.