കോവിഡ് വാക്സിൻ സംശയ നിവാരണ ചർച്ച നാളെ

ജിദ്ദ: കോവിഡ് വാക്സിനെ കുറിച്ച ജനങ്ങളുടെ ആകുലതകൾ പങ്കുവെക്കാനും സംശയ നിവാരണത്തിനുമായി സൗദിയിലെ പ്രഫഷനൽ ഫാർമസിസ്​റ്റുകളുടെ കൂട്ടായ്മ സൗദി കേരള ഫാർമസിസ്​റ്റ് ഫോറം (എസ്​.കെ.പി.എഫ്​) സൂം വഴി ഓൺലൈൻ ക്ലാസ് സംഘടിപ്പിക്കുന്നു.

മാർച്ച്‌ 26ന്​ വൈകീട്ട് ഏഴിനാണ്​ പരിപാടി. ഡോ. അബൂബക്കർ സിദ്ദിഖ് മോഡറേറ്ററാകും. ചർച്ചയിൽ ദമ്മാം യൂനിവേഴ്സിറ്റി അധ്യാപിക ഡോ. ജിഷ ലൂക്ക വിഷയം അവതരിപ്പിക്കും. ഡോ. സുഹാജ്, ഡോ. ജൂനി സെബാസ്​റ്റ്യൻ (വാക്സിൻ സ്പെഷലിസ്​റ്റ്​, ജെ.എസ്​.എസ്​ മെഡിക്കൽ കോളജ് മൈസൂർ), ഫാർമസിസ്​റ്റുകളായ ഹനീഫ പാറക്കല്ലിൽ, യൂനുസ് മണ്ണിശ്ശേരി, ആബിദ് പാറക്കൽ എന്നിവരടങ്ങുന്ന പാനൽ സംശയങ്ങൾക്ക് മറുപടി നൽകും. (സൂം മീറ്റിങ്​ ഐഡി 7398119308. പാസ്​വേഡ്: SKPF).