സൗദിയിൽ ഇന്ന്​ ഏഴ്​ വിദേശികളും രണ്ട്​ സ്വദേശികളും മരിച്ചു; പുതിയ രോഗികൾ 1197

റിയാദ്​: സൗദി അറേബ്യയിൽ കോവിഡ്​ ബാധിച്ച്​ ഇന്ന്​ ഏഴ്​ വിദേശികളും രണ്ട്​ സ്വദേശികളും കൂടി മരിച്ചു. അതോടെ ആകെ മരണസംഖ്യ 137 ആയി. മക്കയിലും ജിദ്ദയിലുമായാണ്​ മരണങ്ങൾ സംഭവിച്ചത്​. 33നും 77നും ഇടയിൽ പ്രായമുള്ളവരാണ്​ മരിച്ചത്​. ഇ വരെല്ലാം സ്ഥിരമായി വിവിധ രോഗങ്ങളാൽ ബുദ്ധിമുട്ടുന്നവരായിരുന്നു.

അഞ്ചുപേർ മക്കയിലും നാല്​ പേർ ജിദ്ദയിലു മായാണ്​ മരിച്ചത്​. പുതുതായി 1197 പേരിൽ രോഗം സ്ഥിരീകരിച്ചതോടെ ആകെ ​വൈറസ്​ ബാധിതരുടെ എണ്ണം 16229 ആയി. പുതുതായി രോഗം സ്ഥിരീകരിച്ചവിൽ 24 ശതമാനം സൗദി പൗരന്മാരും 76 ശതമാനം വിദേശികളുമാണ്​.

ആരോഗ്യവകുപ്പി​​​​െൻറ ഒമ്പതാം ദിവസ​ത്തെ ഫീൽഡ്​ സർവേയിലൂടെയാണ്​ ഇൗ രോഗികളെ കണ്ടെത്തിയത്​. കൂടുതൽ രോഗികളെയും കണ്ടെത്തുന്നത്​ ആരോഗ്യവകുപ്പ്​ താമസകേന്ദ്രങ്ങളിലും ഗല്ലികളിലും മറ്റും നേരിട്ട്​ ചെന്ന്​ നടത്തുന്ന ആരോഗ്യ പരിശോധനയിലൂടെയാണെന്ന്​ ആരോഗ്യമന്ത്രാലയ വക്താവ്​ ഡോ. മുഹമ്മദ്​ അബ്​ദു അൽഅലി വാർത്താസമ്മേളനത്തിൽ പറഞ്ഞു.

രോഗമുക്തി നേടിയവരുടെ ആകെ എണ്ണം 2215 ആയി. 166 പേർക്കാണ്​ ഇന്ന്​ സുഖം പ്രാപിച്ചത്​. 13948 പേർ​ രാജ്യത്തെ വിവിധ ആശുപത്രികളിൽ ചികിത്സയിലാണ്​​​. ഇവരിൽ 115 പേർ​ ഗുരുതരാവസ്ഥയിലും​​. തീവ്രപരിചരണ വിഭാഗത്തിലാണ് ഇവർ​​. ആരോഗ്യ വകുപ്പി​​​​െൻറ 150ലേറെ മെഡിക്കൽ സംഘങ്ങളാണ്​ രാജ്യത്തെ വിവിധ ഭാഗങ്ങളിലായി ഫീൽഡ്​ സർവേ നടത്തുന്നത്​. അഞ്ചുപേർ കൂടി മരിച്ചതോടെ മക്ക മേഖലയിലെ കോവിഡ്​ ബാധിച്ചുള്ള മരണസംഖ്യ 58 ആയി​. ജിദ്ദയിൽ 28മായി.

പുതിയ രോഗികൾ:
മക്ക 364, ജിദ്ദ 271, റിയാദ്​ 170, മദീന 120, ഖോബാർ 45, ദമ്മാം 43, ഹുഫൂഫ്​ 34, ത്വാഇഫ്​ 27, ജുബൈൽ 26, ബേഷ്​ 20, ബുറൈദ 17, യാംബു 13, മിദ്​നബ്​ 12, അൽബാഹ 6, സാജർ 6, അറാർ 5, മുസാഹ്​മിയ 5, അബഹ 2, മഖ്​വ 2, തബൂക്ക്​ 2, ഖമീസ്​ മുശൈത്ത്​ 1, ഉനൈസ 1, ബിൻ മാലിക്​ 1, തുറുബാൻ 1, ഖുൻഫുദ 1, അൽഖർജ്​ 1, സുൽഫി 1.

മരണസംഖ്യ:
മക്ക 58, മദീന 32, ജിദ്ദ 28, റിയാദ്​ 6, ഹുഫൂഫ്​ 3, ജീസാൻ 1, ഖത്വീഫ് 1​, ദമ്മാം 1, അൽഖോബാർ 1, ഖമീസ്​ മുശൈത്ത് 1​, ബുറൈദ 1, ജുബൈൽ 1, അൽബദാഇ 1, തബൂക്ക്​ 1.