Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightSaudi Arabiachevron_rightസൗദിയിൽ രോഗികളുടെ...

സൗദിയിൽ രോഗികളുടെ എണ്ണം ആയിരം കടന്നു; മരണം മൂന്നായി

text_fields
bookmark_border
സൗദിയിൽ രോഗികളുടെ എണ്ണം ആയിരം കടന്നു; മരണം മൂന്നായി
cancel

റിയാദ്​: സൗദി അറേബ്യയിൽ കോവിഡ്​ രോഗികളുടെ എണ്ണം ആയിരം കടന്നു. വ്യാഴാഴ്​ച പുതുതായി 112 പേർക്ക്​ കൂടി വൈറസ്​ ബാ ധ സ്ഥിരീകരിച്ചെന്നും ഇതോടെ ആകെ രോഗികളുടെ എണ്ണം 1012 ആയെന്നും സൗദി ആരോഗ്യമന്ത്രാലയ വക്താവ്​ ഡോ. മുഹമ്മദ്​ അബ് ​ദുൽ അലി വാർത്താസമ്മേളനത്തിൽ അറിയിച്ചു.

വ്യാഴാഴ്​ച ഒരാളുടെ കൂടി മരണം സ്ഥിരീകരിച്ചതോടെ ആകെ മരിച്ചവരുടെ എണ്ണം മൂന്നായി. മദീനയിൽ ഒരു വിദേശിയുടെ മരണമാണ്​ രജിസ്​റ്റർ ചെയ്​തത്​. ഇതുവരെ മരിച്ച മൂന്നുപേരും വിദേശികളാണ്​.

ആദ്യ മരണം രജിസ്​റ്റർ ചെയ്​തതും മദീനയിലായിരുന്നു. അഫ്​ഗാൻ പൗരനായിരുന്നു അത്​. ശേഷം മക്കയിലും ഒരു മരണം റിപ്പോർട്ട്​ ചെയ്​തു. രണ്ടും മൂന്നും മരണങ്ങൾ ഏത്​ രാജ്യക്കാരുടേതെന്ന്​ അധികൃതർ വെളിപ്പെടുത്തിയിട്ടില്ല.

വ്യാഴാഴ്​ച പുതുതായി നാലുപേർ കൂടി സുഖം പ്രാപിച്ചു. രാജ്യത്തെ മൊത്തം രോഗമുക്തരുടെ എണ്ണം 33 ആയി. വ്യാഴാഴ്​ചയിലെ പുതിയ കേസുകളിൽ കൂടുതലും രജിസ്​റ്റർ ചെയ്​തിരിക്കുന്നത്​ റിയാദിലാണ് ​-34. മക്കയിൽ 26, താഇഫിൽ 18, ജിദ്ദയിൽ 13, ദമ്മാമിൽ ആറ്​, ഖത്വീഫിൽ അഞ്ച്​, മദീനയിൽ മൂന്ന്​, അൽഖോബാറിലും ഹൊഫൂഫിലും രണ്ടു​വീതവും ദഹ്​റാൻ, ബുറൈദ, ഖഫ്​ജി എന്നിവിടങ്ങളിൽ ഒാരോന്ന്​ വീതവും രോഗികൾ രജിസ്​റ്റർ ചെയ്​തു.

ഇവരിൽ 12 പേർ കോവിഡ്​ ബാധിത രാജ്യങ്ങളിൽ നിന്ന്​ സൗദിയിൽ തിരിച്ചെത്തിയവരാണ്​. ബാക്കി 100 പേർക്ക്​ രാജ്യത്ത്​ നേരത്തെ രോഗം സ്ഥിരീകരിച്ചവരിൽ നിന്ന്​ പകർന്നതാണ്​.

Show Full Article
TAGS:covid 19 gulf news 
Next Story