സൗദിയിൽ ആയിരം കടന്ന്​ രോഗമുക്തർ; പുതിയ രോഗികൾ 762

റിയാദ്​: രോഗമുക്തി നേടിയവരുടെ എണ്ണം സൗദി അറേബ്യയ്​ക്ക്​ ആശ്വാസം പകരുന്നു. വെള്ളിയാഴ്​ചയോടെ രോഗമുക്തി നേട ിയവരുടെ എണ്ണം ആയിരം കടന്നു. രോഗം ബാധിച്ച 7142 പേരിൽ 1049 പേരാണ് സുഖം പ്രാപിച്ചത്. 59 പേർക്കാണ്​ പുതുതായി രോഗമുക്തിയു ണ്ടായത്​.

കോവിഡ്​ ബാധിച്ചുള്ള മരണസംഖ്യ ഉയരുക തന്നെയാണ്​. സ്വദേശികളും വിദേശികളുമായി നാലുപേരാണ്​ വെള്ളിയ ാഴ്​ചയും മരണത്തിന്​ കീഴടങ്ങിയത്​. ഇതോടെ മരണസംഖ്യ 87 ആയി. പ്രതിദിനം രേഖപ്പെടുത്തുന്ന പുതിയ കേസുകളുടെ എണ്ണവും ഇ ന്ന്​ വളരെ ഉയർന്നു. 762 പേർക്കാണ്​ പുതുതായി രോഗം സ്ഥിരീകരിച്ചത്​.

​മക്കയിലാണ്​ ഇന്ന്​ ഏറ്റവും കൂടുതൽ പുതി യ കേസുകൾ രജിസ്​റ്റർ ചെയ്​തത്​, 325. ആകെ വൈറസ്​ ബാധിതരുടെ എണ്ണം ഇതോടെ 7142 ആയി. ജിദ്ദയിൽ രണ്ടും മക്കയിലും തബൂക്കിലും ഒാരോരുത്തരുമാണ്​ മരിച്ചത്​. 113​ രോഗികളുള്ള തബൂക്കിൽ ആദ്യമായാണ്​ മരണം. 6006 പേരാണ്​ ചികിത്സയിൽ കഴിയുന്നത്​. അതിൽ 74 പേർ ഗുരുതരാവസ്ഥയിൽ തീവ്രപരിചരണ വിഭാഗത്തിലാണ്​.
രോഗബാധിതരിൽ നല്ലൊരു പങ്ക്​ ഗാർഹിക ജോലിക്കാരാണെന്നും അവരിൽ ചിലർ ജനം തിങ്ങിക്കൂടുന്ന സ്ഥലങ്ങളിൽ പോവുകയും സാമൂഹിക സമ്പർക്കത്തിലൂടെ വൈറസ്​ വാഹകരായി മാറുകയും ചെയ്​തതാണെന്ന്​ ആരോഗ്യ മന്ത്രാലയ വക്താവ്​ ഡോ. മുഹമ്മദ്​ അബ്​ദുൽ അൽഅലി വാർത്താസമ്മേളനത്തിൽ പറഞ്ഞു​.

പുതിയ രോഗികൾ (​പ്രദേശം തിരിച്ചുള്ള കണക്ക്​): മക്ക (325), മദീന (197), ജിദ്ദ (142), റിയാദ്​ (24), ഹുഫൂഫ്​ (35), ദമ്മാം (18), ജുബൈൽ (നാല്​), ത്വാഇഫ്​ (മൂന്ന്​), അൽമുവഇയ (രണ്ട്​), ബീഷ (രണ്ട്​), അൽഖോബാർ (രണ്ട്​), മൈസാൻ, യാംബു, ജിസാൻ, റാസ്​ തനൂറ, അൽമുസൈലിഫ്​, ഖമീസ്​ മുശൈത്ത്​, നജറാൻ, ഖുൻഫുദ (എല്ലായിടങ്ങളിലും ഒാരോന്ന്​ വീതം).

മരിച്ചവരുടെ പ്രദേശം തിരിച്ച കണക്ക്:
മക്ക (25), മദീന (32), ജിദ്ദ (15), റിയാദ്​ (4), ഹുഫൂഫ്​ (3), ഖത്വീഫ്​, ദമ്മാം, അൽഖോബാർ, ഖമീസ്​ മുശൈത്ത്​, ബുറൈദ, ജുബൈൽ, അൽബദാഇ, തബൂക്ക്​ (എല്ലായിടത്തും ഒാരോന്ന്​ വീതം).

റിയാദിൽ കോവിഡ്​ ബാധിച്ചവരുടെ ആകെ എണ്ണം 1700 ആയി. മക്കയിൽ 1584ഉം മദീനയിൽ 1226ഉം ജിദ്ദയിൽ 1132ഉം ദമ്മാമിൽ 399ഉം ഹുഫൂ-ഫിൽ 203ഉം ഖത്വീഫിൽ 198ഉം തബൂക്കിൽ 113ഉം ത്വാഇഫിൽ 87ഉം ദഹ്​റാനിൽ 51ഉം അൽഖോബാറിൽ 47ഉം ഖമീസ്​ മുശൈത്തിൽ 45ഉം ബുറൈദയിൽ 41ഉം യാംബുവിൽ 29ഉം നജ്​റാനിൽ 27ഉം അബഹയിൽ 25ഉം ജീസാനിൽ 21ഉം അൽബാഹയിൽ 18ഉം ബീഷയിലും ജുബൈലിലും 19ഉം അൽബാഹയിൽ 18ഉം അറാറിലും ഖുലൈസിലും 16 വീതവും ഖഫ്​ജിയിൽ 15ഉം എന്നിങ്ങനെയാണ്​​ ആകെ​ രോബാധിതരുടെ പ്രദേശം തിരിച്ച കണക്ക്​.