സൗദിയിൽ സുഖം പ്രാപിച്ചവർ 3000 കവിഞ്ഞു; ചികിത്സയിൽ 19,428 പേർ

റിയാദ്​: കോവിഡിൽനിന്ന്​ മുക്തി നേടിയവരുടെ എണ്ണം സൗദി അറേബ്യയിൽ 3000 കവിഞ്ഞു. വ്യാഴാഴ്​ച 210 രോഗികൾ കൂടി സുഖംപ്ര ാപിച്ചതോടെ ആകെ രോഗമുക്തരുടെ എണ്ണം 3163 ആയി. 24 മണിക്കൂറിനിടെ അഞ്ചുപേരാണ് മരിച്ചത്. രണ്ട്​ സ്വദേശികളും മൂന്ന്​ വി ദേശികളുമാണ്​ മരിച്ചത്​. ജിദ്ദയിൽ നാലുപേരും റിയാദിൽ ഒരാളും മരിച്ചു. ഇതോടെ മരണസംഖ്യ 162 ആയി.

പുതുതായി 1351 പേർക ്ക്​ രോഗം സ്ഥിരീകരിച്ചതോടെ വൈറസ്​ ബാധ റിപ്പോർട്ട്​ ചെയ്​ത ആകെ കേസുകളുടെ എണ്ണം 22,753 ആയെന്ന്​ ആരോഗ്യമന്ത്രാലയ വക്താവ്​ ഡോ. മുഹമ്മദ്​ അബ്​ദു അൽഅലി വാർത്താസമ്മേളനത്തിൽ പറഞ്ഞു. പുതിയ രോഗികളിൽ 17 ശതമാനം സൗദി പൗരന്മാരും 83 ശതമാനം വിദേശികളുമാണ്​. ചികിത്സയിലുള്ള 19,428 പേരിൽ 123 ആളുകൾ ഗുരുതരാവസ്ഥയിൽ തീവ്രപരിചരണ വിഭാഗത്തിലാണ്​.

രോഗികളെ കണ്ടെത്താൻ ആരോഗ്യ വകുപ്പ്​ രാജ്യവ്യാപകമായി ആരംഭിച്ച ഫീൽഡ്​ സർവേ രണ്ടാഴ്​ച പിന്നിട്ടു. 15ാം ദിവസവും വീടുകളിലും മറ്റ്​ താമസകേന്ദ്രങ്ങളിലും ചെന്നുള്ള മെഡിക്കൽ ടീമി​​​െൻറ പരിശോധന തുടരുകയാണ്​. നാലുപേർ കൂടി മരിച്ചതോടെ ജിദ്ദയിൽ മരണസംഖ്യ 37 ആയി.

പുതിയ രോഗികൾ:
റിയാദ്​ 440, മക്ക 392, ജിദ്ദ 120, മദീന 119, ദമ്മാം 110, ജുബൈൽ 35, ഹുഫൂഫ്​ 29, ഖത്വീഫ്​ 23, ത്വാഇഫ്​ 17, സുൽഫി 13, ബുറൈദ 11, ഖുലൈസ്​ 8, ഖോബാർ 7, തബൂക്ക്​ 4, റാസതനൂറ 3, മുസാഹ്​മിയ 3, അൽ-ജഫർ 2, ഹാഇൽ 2, ഖമീസ്​ മുശൈത്ത്​ 1, ദഹ്​റാൻ 1, നാരിയ 1, മിദ്​നബ്​ 1, അൽബാഹ 1, അൽവജ്​ഹ്​ 1, ഉംലുജ്​ 1, ഹഫർ അൽബാത്വിൻ 1, ഖുൻഫുദ 1, അൽഖുറയാത്ത്​ 1, റഫ്​ഹ 1, വാദി ദവാസിർ 1, സാജർ 1.

മരണസംഖ്യ:
മക്ക 69, ജിദ്ദ 37, മദീന 32, റിയാദ്​ 7, ഹുഫൂഫ്​ 4, ദമ്മാം 3, ജുബൈൽ 2, അൽഖോബാർ 2, ജീസാൻ 1, ഖത്വീഫ് 1​, ഖമീസ്​ മുശൈത്ത് 1​, ബുറൈദ 1, അൽബദാഇ 1, തബൂക്ക്​ 1.