സൗദിയിൽ രോഗബാധിതരുടെ എണ്ണം 5000ത്തിലേക്ക്
text_fieldsറിയാദ്: സൗദി അറേബ്യയിൽ കോവിഡ് ബാധിച്ച് ആറുപേർ കൂടി മരിച്ചു. മരണസംഖ്യ 65 ആയി. രാജ്യ ത്ത് ഇതുവരെ വൈറസ് ബാധയേറ്റവരുടെ എണ്ണം 4,934 ആയി. മദീനയിൽ മൂന്നും മക്ക, ജിദ്ദ, ഖത്വീഫ് എ ന്നിവിടങ്ങളിൽ ഒാരോരുത്തരുമാണ് മരിച്ചത്. രാജ്യത്ത് ആദ്യമായി രോഗം സ്ഥിരീകരിച് ച ഖത്വീഫിൽ ആദ്യമായി ഒരു മരണം സംഭവിക്കുന്നത് 43 ദിവസത്തിന് ശേഷമാണ്.
എന്നാൽ, മദീനയിൽ മരണനിരക്ക് കുത്തനെ ഉയരുകയാണ്. തിങ്കളാഴ്ച മൂന്നുമരണങ്ങളാണ് സംഭവിച്ചത്. മരണ സംഖ്യ അവിടെ 25 ആയി. മക്കയിൽ 15ഉം ജിദ്ദയിൽ 11ഉം റിയാദിൽ നാലും ഹുഫൂഫിൽ മൂന്നും ദമ്മാം, അൽഖോബാർ, ഖമീസ് മുശൈത്ത്, ബുറൈദ, ജുബൈൽ, അൽബദാഇ എന്നിവിടങ്ങളിൽ ഒാരോന്നുമാണ് ഇതുവരെ രജിസ്റ്റർ ചെയ്യപ്പെട്ട മരണങ്ങൾ. തിങ്കളാഴ്ച പുതുതായി 472 പേരിലാണ് രോഗം സ്ഥിരീകരിച്ചത്. രോഗബാധിതരിൽ 3,642 പേർ ചികിത്സയിലാണെന്നും ഇതിൽ 65 പേർ ഗുരുതരാവസ്ഥയിൽ തീവ്രപരിചരണ വിഭാഗത്തിലാണെന്നും ആരോഗ്യ മന്ത്രാലയ വക്താവ് ഡോ. മുഹമ്മദ് അബ്ദുൽ അൽഅലി വാർത്തസമ്മേളനത്തിൽ അറിയിച്ചു.
44 പേർ പുതുതായി സുഖം പ്രാപിച്ചു. രോഗമുക്തരുടെ എണ്ണം 805 ആയി. ഞായറാഴ്ചയിലെ പോലെതന്നെ പുതിയ രോഗികളുടെ എണ്ണത്തിൽ റിയാദാണ് ഇന്നും മുന്നിൽ. പുതുതായി 118 പേരിലാണ് രോഗം സ്ഥിരീകരിച്ചത്. മദീനയിൽ 113, മക്കയിൽ 95, ജിദ്ദയിൽ 80, തബൂക്കിൽ 22, അറാർ, ഖുലൈസ്, ത്വാഇഫ് എന്നിവിടങ്ങളിൽ എട്ടു വീതം ഹുഫൂഫിൽ ഏഴ്, ഖമീസ് മുശൈത്തിൽ അഞ്ച്, ബുറൈദയിൽ രണ്ട്, ഖുൻഫുദ, നജ്റാൻ, സബ്ത് അൽഅലായ, അൽഖർജ്, ദഹ്റാൻ, അഹദ് റുഫൈദ എന്നിവിടങ്ങളിൽ ഒാരോന്നും പുതിയ കേസുകൾ രജിസ്റ്റർ ചെയ്തു.
റിയാദിൽ ഇതുവരെ കോവിഡ് ബാധിച്ചവരുടെ എണ്ണം 1,422 ആയി. മക്കയിൽ 1,050ഉം മദീനയിൽ 779ഉം ജിദ്ദയിൽ 680ഉം ആണ് രോഗികളുടെ എണ്ണം. ദമ്മാമിലും കിഴക്കൻ പ്രവിശ്യയിലെ മറ്റ് ഭാഗങ്ങളിലും പുതിയ കേസുകൾ അധികം റിപ്പോർട്ട് ചെയ്യപ്പെടുന്നില്ല എന്നത് ആശ്വാസകരമാണ്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.