സൗദിയിൽ രോഗമുക്തർ 41,236; ചികിത്സയിൽ 28,546

റിയാദ്​: സൗദി അറേബ്യയിൽ രോഗമുക്തരുടെ എണ്ണം 41,236 ആയി ഉയർന്നു. ആകെ കോവിഡ്​ ബാധിതരുടെ എണ്ണം 70,161 ആയെങ്കിലും 28,546 പേരെ ചികിത്സയിലുള്ളൂ. 379 പേരാണ്​ ശനിയാഴ്​ച വരെ സൗദിയിൽ കോവിഡ്​ ബാധിച്ച്​ മരിച്ചത്​. രാജ്യത്തെ വിവിധ ആശുപത്രികളിലായി ചികിത്സയിൽ കഴിയുന്നവരിൽ 339 പേരുടെ നില ഗുരുതരമാണ്​. ബാക്കിയുള്ളവരുടെ ആരോഗ്യനില തൃപ്​തികരമാണ്​. ശനിയാഴ്​ച 2442 പേർക്ക്​ പുതുതായി അസുഖം സ്ഥിരീകരിക്കുകയും 2233 പേർ സുഖം പ്രാപിക്കുകയും  ചെയ്​തു. 24 മണിക്കൂറിനിടെ 15 മരണം രേഖപ്പെടുത്തി. മൂന്ന്​ സൗദി പൗരന്മാരും 12 മറ്റ്​ വിവിധ രാജ്യക്കാരുമാണ്​ മരിച്ചത്​. 

മക്ക, റിയാദ്​, ദമ്മാം, ബീഷ എന്നിവിടങ്ങളിലാണ്​  മരണങ്ങൾ. പുതിയ രോഗികളിൽ 21 ശതമാനം സ്​ത്രീകളും 10 ശതമാനം കുട്ടികളുമാണെന്ന്​ ആരോഗ്യമന്ത്രാലയ വക്താവ്​ ഡോ. മുഹമ്മദ്​ അബ്​ദു അൽഅലി  വാർത്താസമ്മേളനത്തിൽ പറഞ്ഞു. യുവാക്കൾ നാല്​​​​ ശതമാനമാണ്​. പുതിയ രോഗബാധിതരിൽ സൗദി പൗരന്മാരുടെ എണ്ണം 35 ശതമാനമാണ്​​. ബാക്കി 65 ശതമാനം  രാജ്യത്തുള്ള മറ്റ്​ വിവിധ ദേശക്കാരാണ്​. കഴിഞ്ഞ 24 മണിക്കൂറിനിടെ 17,558 കോവിഡ്​ പരിശോധനകൾ നടന്നു​. രാജ്യത്താകെ ഇതുവരെ നടന്ന പരിശോധനകളുടെ എണ്ണം  684615 ആയി. 

രോഗികളെ കണ്ടെത്താൻ ആരോഗ്യ വകുപ്പ്​ രാജ്യവ്യാപകമായി നടത്തുന്ന ഫീൽഡ്​ സർവേ 35ാം ദിവസത്തിലെത്തി. വീടുകളിലും മറ്റ്​ താമസകേന്ദ്രങ്ങളിലും  ചെന്നുള്ള മെഡിക്കൽ ടീമി​െൻറ പരിശോധനയ്​ക്ക്​ പുറമെ മൂന്നാം ഘട്ടമായി മൊബൈൽ ലാബുകളിലും പ്രാഥമികാരോഗ്യകേന്ദ്രങ്ങളിലും കൂടി പരിശോധനകൾ ഇൗയാഴ്​ച  ആരംഭിക്കും.

പുതിയ രോഗികൾ:
റിയാദ്​ 794, മക്ക 466, ജിദ്ദ 444, മദീന 273, ദമ്മാം 79, ജുബൈൽ 77, ഹാഇൽ 45, ത്വാഇഫ്​ 31, ഹുഫൂഫ്​ 28, ദഹ്​റാൻ 23, ഖത്വീഫ്​ 22, ഖോബാർ 21, ബുറൈദ 21, യാംബു 20,  ഖുലൈസ്​ 15, തബൂക്ക്​ 9, ബേഷ്​ 8, നാരിയ 6, അൽഖർജ്​ 6, ഹുത്ത ബനീ തമീം 4, വാദി ദവാസിർ 4, അൽജഫർ 3, അബഹ 3, ഖമീസ്​ മുശൈത്​ 3, അൽഅയൂൻ 2, റാസ  തനൂറ 2, സൽവ 2, അൽബത്​ഹ 2, സബ്​ത്​ അൽഅലായ 2, അൽബാഹ 2, മുസാഹ്​മിയ 2, സുലൈയിൽ 2, മഹായിൽ 1, സഫ്​വ 1, ഉനൈസ 1, അൽറസ്​ 1, ഉഖ്​ലത്​ സുഖൂർ  1, അൽഅസ്​യാഹ്​ 1, ബീഷ 1, അൽബഷായർ 1, അൽഹദ 1, ഉമ്മു അൽദൂം 1, ദലം 1, അല്ലൈത്​ 1, ബൽജുറഷി 1, ഹഖ്​ൽ 1, തുവാൽ 1, സാംത 1, ഹഫർ അൽബാത്വിൻ 1,  ശറൂറ 1, അൽദിലം 1, ലൈല 1, ഹരീഖ്​ 1.