സൗദിയിൽ കോവിഡ്​ ബാധിച്ച്​ ഒമ്പത്​ വിദേശികളടക്കം 10 മരണം

റിയാദ്​: സൗദി അറേബ്യയിൽ കോവിഡ്​ ബാധിച്ച്​ വെള്ളിയാഴ്​ചയും 10 മരണം. ഒമ്പത്​ വിദേശികളും ഒരു സ്വദേശി പൗരനുമാണ്​ മരിച്ചത്​. ഇതോടെ ആകെ മരണ സംഖ്യ 229  ആയി. മക്കയിലും ജിദ്ദയിലും നാലുപേർ വീതവും റിയാദ്​, മദീന എന്നിവിടങ്ങളിൽ ഒാരോരുത്തരുമാണ്​ മരിച്ചത്​. 1322 പേർക്ക്​ അസുഖം​ ഭേദമായതോടെ രോഗമുക്തരുടെ  എണ്ണം 9120 ആയി. 1701 പേർക്ക്​ പുതുതായി രോഗം സ്ഥിരീകരിച്ചു. 

ഇതോടെ​ രാജ്യത്ത്​ ഇതുവരെ റിപ്പോർട്ട്​ ചെയ്യ​പ്പെട്ട കോവിഡ്​ കേസുകളുടെ എണ്ണം 35432 ആയി. ആകെ  കോവിഡ്​ ടെസ്​റ്റുകളുടെ എണ്ണം 418,722 ആയി. പുതിയ രോഗികളിൽ 87 ശതമാനം പുരുഷന്മാരും 13 ശതമാനം സ്​ത്രീകളുമാണെന്ന്​ ആരോഗ്യമന്ത്രാലയ വക്താവ്​ ഡോ.  മുഹമ്മദ്​ അബ്​ദു അൽഅലി വാർത്താസമ്മേളനത്തിൽ പറഞ്ഞു. 

ഇതിൽ 22 ശതമാനം സൗദികളും 78 ശതമാനം വിദേശികളുമാണ്​. നാല്​​ ശതമാനം കുട്ടികളും മൂന്ന്​​​​​​  ശതമാനം കൗമാരക്കാരും 93 ശതമാനം മുതിർന്നവരുമാണ്​. ചികിത്സയിൽ കഴിയുന്ന 26856 ആളുകളിൽ 141 പേർ ഗുരുതരാവസ്ഥയിൽ തീവ്രപരിചരണ വിഭാഗത്തിലാണ്​.  രോഗികളെ കണ്ടെത്താൻ ആരോഗ്യ വകുപ്പ്​ രാജ്യവ്യാപകമായി നടത്തുന്ന ഫീൽഡ്​ സർവേ 22ാം ദിവസത്തിലേക്ക്​ കടന്നു. വീടുകളിലും മറ്റ്​ താമസകേന്ദ്രങ്ങളിലും ചെന്നുള്ള  മെഡിക്കൽ ടീമി​​െൻറ പരിശോധനയ്​ക്ക്​ പുറമെ ആളുകളെ ഫോൺ ചെയ്​തുവരുത്തി പരിശോധന നടത്തുന്ന റാണ്ടം ടെസ്​റ്റിങ്ങും നടക്കുന്നു. നാലു പേർ വീതം മരിച്ചതോടെ  ആകെ മരണസംഖ്യ മക്കയിൽ 99ഉം ജിദ്ദയിൽ 61ഉം ആയി. 

പുതിയ രോഗികൾ:
ജിദ്ദ 373, മദീന 308, മക്ക 246, റിയാദ്​ 142, ദമ്മാം 130, ജുബൈൽ 122, ബേയ്​ഷ്​ 75, ഹുഫൂഫ്​ 68, ത്വാഇഫ്​ 62, ഖോബാർ 41, ബീഷ 29, യാംബു 23, ഹദ്ദ 10, ദറഇയ 10,  തബൂക്ക്​ 8, ഖുൻഫുദ 7, വാദി അൽഫറഅ 6, സുൽഫി 4, സഫ്​വ 3, ബുറൈദ 3, അദം 3, അൽഖർജ്​ 3, അൽജഫർ 2, അബ്​ഖൈഖ്​ 2, മഹദ്​ അൽദഹബ്​ 2, സബ്​യ 2, ഖമീസ്​  മുശൈത്​ 1, ഖത്വീഫ്​ 1, ദഹ്​റാൻ 1, നാരിയ 1, അലൈസ്​ 1, തത്​ലീത്​ 1, അല്ലൈത്ത്​ 1, ബൽജുറഷി 1, മഖ്​വ 1, ദേബ 1, ഉംലജ്​ 1, ഹഫർ അൽബാത്വിൻ 1, തുറൈബാൻ 1,  അറാർ 1, വാദി ദവാസിർ 1, താദിഖ്​ 1, ദവാദ്​മി 1.

മരണസംഖ്യ:
മക്ക 99, ജിദ്ദ 61, മദീന 37, റിയാദ്​ 12, ഹുഫൂഫ്​ 4, ദമ്മാം 4, അൽഖോബാർ 3, ജുബൈൽ 2, ബുറൈദ 2, ജീസാൻ 1, ഖത്വീഫ് 1​, ഖമീസ്​ മുശൈത്ത് 1​, അൽബദാഇ 1, തബൂക്ക്​ 1.