സൗദിയിൽ 20,000 കവിഞ്ഞ്​ രോഗബാധിതർ; മരണം 152​

റിയാദ്​: സൗദി അറേബ്യയിൽ കോവിഡ്​ ബാധിതരുടെ എണ്ണം 20,000 കവിഞ്ഞു. മരണസംഖ്യ 152ലെത്തി. ചൊവ്വാഴ്​ച എട്ടുപേരാണ്​ മരിച് ചത്​. രണ്ട്​ സൗദി പൗരന്മാരും മൂന്ന്​ വിദേശികളും മക്കയിലും ഒരു സൗദി പൗരനും രണ്ട്​ വിദേശികളും ജിദ്ദയിലുമാണ്​ മര ിച്ചത്​. മരിച്ചവർ വിവിധ അസുഖങ്ങളാൽ ബുദ്ധിമുട്ട്​ അനുഭവിച്ചിരുന്നവരാണെന്ന് ആരോഗ്യമന്ത്രാലയ വക്താവ്​ ഡോ. മു ഹമ്മദ്​ അബ്​ദു അൽഅലി വാർത്താസമ്മേളനത്തിൽ പറഞ്ഞു.

പുതുതായി 1266 പേർക്ക്​ രോഗം സ്ഥിരീകരിച്ചതോടെ ആകെ ​വൈറസ് ​ ബാധിതരുടെ എണ്ണം 20077 ആയി. പുതിയ രോഗികളിൽ 23 ശതമാനം സൗദി പൗരന്മാരും 77 ശതമാനം വിദേശികളുമാണ്​. 17,141 പേർ ചികിത്സയിലാണ്​. 118 പേർ ഗുരുതരാവസ്ഥയിൽ തീവ്രപരിചരണ വിഭാഗത്തിൽ കഴിയുന്നു. 253 ​േ​പർ 24 മണിക്കൂറിനിടെ സുഖം പ്രാപിച്ചു. ഇതോടെ രോഗമുക്തരുടെ മൊത്തം എണ്ണം 2784 ആയി.

രോഗികളെ കണ്ടെത്താൻ ആരോഗ്യ വകുപ്പ്​ രാജ്യവ്യാപകമായി ആരംഭിച്ച ഫീൽഡ്​ സർവേ 13ാം ദിവസത്തിലെത്തിയപ്പോഴും രോഗികളുടെ എണ്ണത്തിൽ കുറവില്ല. എന്നാൽ വ്യാപക പരിശോധനയുടെ ഫലമായി രോഗവുമായി ആർക്കും വീടുകളിൽ ഒതുങ്ങിക്കഴിയാനാവാത്ത സ്ഥിതിയുണ്ട്​. രോഗലക്ഷണങ്ങളുള്ളവരെയെല്ലാം കൂട്ടമായി ​െഎസൊലേറ്റ്​ ചെയ്യുകയാണ്​. ഇത്​ സമൂഹ വ്യാപനം തടയാൻ സഹായകമാകും. പരമാവധി ആരോഗ്യ മുൻകരുതലുകൾ സ്വീകരിക്കാനും വീടുകളിൽ തന്നെ സുരക്ഷിതരായി കഴിയാനുമാണ്​ രോഗബാധയില്ലാത്തവരോടെല്ലാം ആരോഗ്യ വകുപ്പ്​ ആവശ്യപ്പെടുന്നത്​.

കർഫ്യൂ ഭാഗികമായി പിൻവലിച്ചത്​ രോഗഭീഷണി കുറഞ്ഞത്​ കൊണ്ടാണെന്ന്​ ധരിക്കരുതെന്നും വൈറസ്​ സാന്നിധ്യം ശക്തമായി തന്നെ രാജ്യത്തുണ്ടെന്നും അപകടഘട്ടം കഴിഞ്ഞിട്ടില്ലെന്നും ആരോഗ്യ മന്ത്രി ഡോ. തൗഫീഖ്​ അൽറബീഅ മുന്നറിയിപ്പ്​ നൽകുകയും ചെയ്​തിട്ടുണ്ട്​.

മക്കയിലെ മരണസംഖ്യ ചൊവ്വാഴ്​ച 68 ആയി ഉയർന്നു. ജിദ്ദയിൽ 33ഉം ആയി.

പുതിയ രോഗികൾ: മക്ക 327, മദീന 273, ജിദ്ദ 262, റിയാദ്​ 171, ജുബൈൽ 58, ദമ്മാം 35, ത്വാഇഫ്​ 32, തബൂക്ക്​ 29, സുൽഫി 18, ഖുലൈസ്​ 9, ബുറൈദ 8, ഖോബാർ 7, ഹുഫൂഫ്​ 5, ഖത്വീഫ്​ 4, റാസ്​ തനൂറ 4, അദം 3, അൽ-ജ-ഫർ 2, അൽമജാരിദ 2, യാംബു 2, ബീഷ 2, ദറഇയ 2, അബഹ 1, ഖമീസ്​ മുശൈത്ത്​ 1, അബ്​ഖൈഖ്​ 1, ദഹ്​റാൻ 1, ദലം 1, സബ്​യ 1, ഹഫർ അൽബാത്വിൻ 1, ഹാഇൽ 1, സകാക്ക 1, വാദി ദവാസിർ 1, സാജർ 1

മരണസംഖ്യ: മക്ക 68, ജിദ്ദ 33, മദീന 32, റിയാദ്​ 6, ഹുഫൂഫ്​ 4, ജീസാൻ 1, ഖത്വീഫ് 1​, ദമ്മാം 1, അൽഖോബാർ 1, ഖമീസ്​ മുശൈത്ത് 1​, ബുറൈദ 1, ജുബൈൽ 1, അൽബദാഇ 1, തബൂക്ക്​ 1.