റിയാദിൽ രണ്ട്​ മലയാളികൾ കോവിഡ്​ ബാധിച്ച്​ മരിച്ചു

റിയാദ്​: കോവിഡ്​ ബാധിച്ച്​ ചികിത്സയിലായിരുന്ന രണ്ട്​ മലയാളികൾ റിയാദിൽ മരിച്ചു​. കൊല്ലം അഞ്ചൽ കരുകോൺ സ്വദേശി പുല്ലാഞ്ഞിയോട് അസീസ് മൻസിലിൽ അൻസാർ അബ്​ദുൽ അസീസ് (44), തൃശുര്‍ മുള്ളൂര്‍ക്കര സ്വദേശി കപ്പാരത്ത് വീട്ടില്‍ വേണുഗോപാലന്‍ (52) എന്നിവരാണ് മരിച്ചത്. ഒരാഴ്ചയായി റിയാദിലെ ആശുപത്രിയിൽ ചികിത്സയിലായിരുന്നു അൻസാർ. ശ്വാസതടസ്സം കടുത്തതിനെ തുടർന്ന്​ വ​െൻറിലേറ്റർ ഘടിപ്പിക്കാനൊരുങ്ങവേ ഹൃദയാഘാതമുണ്ടായാണ് മരണം.

പരേതനായ അബ്​ദുൽ അസീസി​​െൻറയും കരുകോൺ ഗവൺമ​െൻറ്​ ഹയർസെക്കൻഡറി സ്​കൂളിലെ റിട്ടയേർഡ്​ അറബിക് അധ്യാപിക ആരിഫ ബീവിയുടേയും മകനാണ്. ഭാര്യ: ഷെമി അൻസാർ. മൂന്നു മക്കളുണ്ട്. സഹോദരങ്ങൾ: ലുബ്ന, അനസ്. ഇളയകുഞ്ഞ് ജനിച്ചിട്ട് ഏതാനും മാസമേ ആയുള്ളു. കുഞ്ഞിനെ കാണാനായി മാർച്ചിൽ നാട്ടിൽ പോകാനിരുന്നപ്പോഴാണ് അന്താരാഷ്​ട്ര വിമാനസർവിസുകൾ നിർത്തിയത്​.

റിയാദ്​ കിങ്​ ഫഹദ് മെഡിക്കല്‍ സിറ്റിയില്‍ ചികിത്സയിലായിരുന്നു മരിച്ച വേണുഗോപാലന്‍​. 20 വര്‍ഷമായി റിയാദ്​ ഉലയ്യയിലെ ഒരു സ്വകാര്യ കമ്പനിയില്‍ ജോലി ചെയ്യുകയായിരുന്നു. കോവിഡ് സ്ഥിരീകരിച്ചതിനെ തുടര്‍ന്ന് ചികിത്സയിലിരിക്കെയാണ് മരണം. സരസ്വതിയാണ് ഭാര്യ. മക്കള്‍: അനീഷ്, അശ്വതി.