സൗദിയിൽ കോവിഡ്​ നിയന്ത്രണങ്ങൾ ഒഴിവാക്കി

ജി​ദ്ദ: സൗ​ദി അ​റേ​ബ്യ​യി​ലെ കോ​വി​ഡ് വ്യാ​പ​ന നി​യ​ന്ത്ര​ണ​ങ്ങ​ളി​ൽ പ്ര​ധാ​ന​പ്പെ​ട്ട പ​ല വ്യ​വ​സ്ഥ​ക​ളും പി​ൻ​വ​ലി​ച്ച​താ​യി ആ​ഭ്യ​ന്ത​ര മ​ന്ത്രാ​ല​യം അ​റി​യി​ച്ചു. കോ​വി​ഡു​മാ​യി ബ​ന്ധ​പ്പെ​ട്ട പു​തി​യ സം​ഭ​വ​വി​കാ​സ​ങ്ങ​ൾ വി​ല​യി​രു​ത്തി ആ​രോ​ഗ്യ വ​കു​പ്പ് ന​ൽ​കി​യ ശി​പാ​ർ​ശ​യു​ടെ അ​ടി​സ്ഥാ​ന​ത്തി​ലും പ്ര​തി​രോ​ധ വാ​ക്സി​നെ​ടു​ത്ത​വ​രു​ടെ എ​ണ്ണം വ​ർ​ധി​ച്ച​തും ക​ണ​ക്കി​ലെ​ടു​ത്താ​ണ് ന​ട​പ​ടി​യെ​ന്ന് ആ​ഭ്യ​ന്ത​ര മ​ന്ത്രാ​ല​യം അ​റി​യി​ച്ചു. ശ​നി​യാ​ഴ്ച രാ​ത്രി മു​ത​ൽ പു​തി​യ തീ​രു​മാ​നം പ്രാ​ബ​ല്യ​ത്തി​ൽ വ​ന്നു. ഇ​നി​പ്പ​റ​യു​ന്ന നി​യ​ന്ത്ര​ണ​ങ്ങ​ളാ​ണ് പി​ൻ​വ​ലി​ക്കാ​ൻ തീ​രു​മാ​നി​ച്ച​ത്.

-പു​റ​ത്ത്​ മാ​സ്ക് ധാ​ര​ണം പൂ​ർ​ണ​മാ​യും ഒ​ഴി​വാ​ക്കി. അ​ട​ച്ചി​ട്ട മു​റി​ക​ൾ​ക്കു​ള്ളി​ൽ മാ​ത്രം മാ​സ്ക് ധ​രി​ച്ചാ​ൽ മ​തി​യാ​കും. -മ​ക്ക മ​സ്ജി​ദു​ൽ ഹ​റാം, മ​ദീ​ന മ​സ്ജി​ദു​ന്ന​ബ​വി എ​ന്നി​വി​ട​ങ്ങ​ളി​ലും രാ​ജ്യ​ത്തെ മ​റ്റു പ​ള്ളി​ക​ളി​ലും സാ​മൂ​ഹി​ക അ​ക​ലം പാ​ലി​ക്ക​ൽ പൂ​ർ​ണ​മാ​യും ഒ​ഴി​വാ​ക്കി. എ​ന്നാ​ൽ, പ​ള്ളി​ക്ക​ക​ത്ത് മാ​സ്ക് ധ​രി​ക്ക​ൽ നി​ർ​ബ​ന്ധ​മാ​ണ്.

• -അ​ട​ച്ച​തും തു​റ​ന്ന​തു​മാ​യ എ​ല്ലാ സ്ഥ​ല​ങ്ങ​ളി​ലും പ​രി​പാ​ടി​ക​ളി​ലും പ്ര​വ​ർ​ത്ത​ന മേ​ഖ​ല​ക​ളി​ലും സാ​മൂ​ഹി​ക അ​ക​ലം ആ​വ​ശ്യ​മി​ല്ല.
• -യാ​ത്ര​ക്കാ​ർ രാ​ജ്യ​ത്തേ​ക്ക് പ്ര​വേ​ശി​ക്കു​മ്പോ​ൾ ആ​ർ.​ടി.​പി.​സി.​ആ​ർ, റാ​പ്പി​ഡ് ആ​ൻ​റി​ജ​ൻ എ​ന്നീ കോ​വി​ഡ് പ​രി​ശോ​ധ​ന നെ​ഗ​റ്റി​വ് ഫ​ലം ആ​വ​ശ്യ​മി​ല്ല.
• -വാ​ക്സി​ൻ ഡോ​സു​ക​ൾ പൂ​ർ​ത്തി​യാ​ക്കാ​ത്ത​വ​ർ സൗ​ദി​യി​ലേ​ക്ക് പ്ര​വേ​ശി​ക്കു​മ്പോ​ഴു​ള്ള ഇ​ൻ​സ്റ്റി​റ്റ്യൂ​ഷ​ന​ൽ, ഹോം ​ക്വാ​റ​ന്‍റീ​ൻ എ​ന്നി​വ പൂ​ർ​ണ​മാ​യും ഒ​ഴി​വാ​ക്കി.
• -സ​ന്ദ​ർ​ശ​ന വി​സ​യി​ലു​ള്ള​വ​ർ രാ​ജ്യ​ത്ത് താ​മ​സി​ക്കു​ന്ന കാ​ല​യ​ള​വി​ൽ കോ​വി​ഡ് ചി​കി​ത്സ​ക്കു​ള്ള ഇ​ൻ​ഷു​റ​ൻ​സ് നി​ർ​ബ​ന്ധ​മാ​ണ്.
• -സൗ​ദി​യി​ലേ​ക്ക് നേ​രി​ട്ട് യാ​ത്രാ​വി​ല​ക്ക് നി​ല​നി​ന്നി​രു​ന്ന സൗ​ത്ത് ആ​ഫ്രി​ക്ക, ന​മീ​ബി​യ, ബൊ​ട്സ്വാ​ന, സിം​ബാ​ബ്‌​വെ, ല​സൂ​ട്ടു, എ​സ്​​വ​തീ​നി, മൊ​സാം​ബീ​ക്, മ​ലാ​വി, മൊ​റീ​ഷ്യ​സ്, സാം​ബി​യ, മ​ഡ​ഗാ​സ്ക​ർ, അം​ഗോ​ള, സെ​യ്​​ഷ​ൽ, ഖ​മ​റൂ​സ്, നൈ​ജീ​രി​യ, ഇ​ത്യോ​പ്യ, അ​ഫ്ഗാ​നി​സ്താ​ൻ തു​ട​ങ്ങി​യ രാ​ജ്യ​ങ്ങ​ളി​ൽ നി​ന്ന്​ സൗ​ദി​യി​ലേ​ക്കും തി​രി​ച്ചു​മു​ള്ള വി​മാ​ന​യാ​ത്രാ വി​ല​ക്കും ഒ​ഴി​വാ​ക്കി. എ​ന്നാ​ൽ, ബൂ​സ്റ്റ​ർ ഡോ​സ്, ഇ​മ്യൂ​ൺ സ്റ്റാ​റ്റ​സ്​ പ​രി​ശോ​ധ​ന തു​ട​ങ്ങി​യ പ്ര​തി​രോ​ധ സം​വി​ധാ​ന നി​ബ​ന്ധ​ന​ക​ൾ അ​തേ​പ​ടി തു​ട​രും.

ഇ​രു​ഹ​റ​മു​ക​ളി​ൽ ന​മ​സ്കാ​ര​ത്തി​ന് മു​ൻ​കൂ​ർ അ​നു​മ​തി വേ​ണ്ട

ജി​ദ്ദ: മ​സ്ജി​ദു​ൽ ഹ​റാം, മ​സ്ജി​ദു​ന്ന​ബ​വി എ​ന്നി​വി​ട​ങ്ങ​ളി​ൽ പ്ര​വേ​ശി​ക്കു​ന്ന​തി​ന് ഇ​നി മു​ത​ൽ മു​ൻ​കൂ​ട്ടി​യു​ള്ള അ​നു​മ​തി ആ​വ​ശ്യ​മി​ല്ല. എ​ന്നാ​ൽ, ത​വ​ക്ക​ൽ​ന​യി​ൽ ഇ​മ്യൂ​ൺ സ്റ്റാ​റ്റ​സ് നി​ർ​ബ​ന്ധ​മാ​ണ്. ഉം​റ നി​ർ​വ​ഹി​ക്കു​ന്ന​തി​നും റൗ​ദ​യി​ൽ സ​ന്ദ​ർ​ശ​ന​ത്തി​നും ന​മ​സ്​​ക​രി​ക്കു​ന്ന​തി​നു​മു​ള്ള മു​ൻ‌​കൂ​ർ അ​നു​മ​തി ഇ​അ്​​ത​മ​ർ​ന, ത​വ​ക്ക​ൽ​ന ആ​പ്പു​ക​ൾ വ​ഴി എ​ടു​ക്ക​ണ​മെ​ന്ന നി​ബ​ന്ധ​ന നേ​ര​ത്തേ ഉ​ള്ള​തു​പോ​ലെ തു​ട​രും. രാ​ജ്യ​ത്ത് കോ​വി​ഡ് വ്യാ​പ​ന നി​യ​ന്ത്ര​ണ​ങ്ങ​ളി​ൽ ഇ​ള​വു​ന​ൽ​കി​യ ആ​ഭ്യ​ന്ത​ര മ​ന്ത്രാ​ല​യ പ്ര​ഖ്യാ​പ​ന പ​ശ്ചാ​ത്ത​ല​ത്തി​ലാ​ണ്​ സൗ​ദി ഹ​ജ്ജ്, ഉം​റ മ​ന്ത്രാ​ല​യ​മാ​ണ് ഇ​തു സം​ബ​ന്ധി​ച്ച അ​റി​യി​പ്പ് ന​ൽ​കി​യ​ത്.

സാമൂഹിക അകലമില്ലാതെ ഹറമുകളിൽ നമസ്കാരം തുടങ്ങി

ജി​ദ്ദ:​ കോ​വി​ഡ്​ മു​ൻ​ക​രു​ത​ലി​​ന്‍റെ ഭാ​ഗ​മാ​യി ഇ​രു ഹ​റ​മു​ക​ളി​ലും നി​ല​നി​ന്ന സാ​മൂ​ഹി​ക അ​ക​ലം പാ​ലി​ക്ക​ൽ നി​ബ​ന്ധ​ന പൂ​ർ​ണ​മാ​യും ഒ​ഴി​വാ​ക്കി​യ​താ​യി ഇ​രു​ഹ​റം കാ​ര്യാ​ല​യ വ​ക്താ​വ്​ ഹാ​നി ബി​ൻ ഹു​സ്​​നി ഹൈ​ദ​ർ അ​റി​യി​ച്ചു. ഞാ​യ​റാ​ഴ്​​ച പ്ര​ഭാ​ത ന​മ​സ്​​കാ​രം മു​ത​ൽ പു​തി​യ തീ​രു​മാ​നം ന​ട​പ്പാ​യി. കോ​വി​ഡി​നെ നേ​രി​ടു​ന്ന​തി​ൽ വി​വി​ധ വ​കു​പ്പു​ക​ൾ ന​ട​ത്തി​യ അ​ശ്രാ​ന്ത പ​രി​ശ്ര​മ​ത്തി​​ന്‍റെ വി​ജ​യ​മാ​ണ്​ ഇ​തി​ന്​ കാ​ര​ണ​മാ​യ​തെ​ന്ന്​ വ​ക്താ​വ്​ പ​റ​ഞ്ഞു. ഇ​രു​ഹ​റ​മി​ലെ​ത്തു​ന്ന​വ​ർ മാ​സ്ക് ധ​രി​ക്കേ​ണ്ട​തി​​ന്‍റെ ആ​വ​ശ്യ​ക​ത​യെ അ​ദ്ദേ​ഹം ഉ​ണ​ർ​ത്തി. മ​സ്​​ജി​ദു​ൽ ഹ​റാ​മി​ലെ ന​മ​സ്​​കാ​ര​ത്തി​നും മ​സ്​​ജി​ദു​ന്ന​ബ​വി സ​ന്ദ​ർ​ശ​ന​ത്തി​നും അ​നു​മ​തി​പ്പ​ത്രം വേ​ണ​മെ​ന്ന നി​ബ​ന്ധ​ന ഒ​ഴി​വാ​ക്കി​യ​താ​യി ഹ​ജ്ജ്​-​ഉം​റ മ​ന്ത്രാ​ല​യ​വും വ്യ​ക്ത​മാ​ക്കി. കോ​വി​ഡ്​ മു​ൻ​ക​രു​ത​ൽ ന​ട​പ​ടി​ക​ൾ നീ​ക്കം ചെ​യ്​​ത ശേ​ഷ​മാ​ണ്​ പു​തി​യ തീ​രു​മാ​ന​ങ്ങ​ൾ ഹ​ജ്ജ്-​ ഉം​റ മ​ന്ത്രാ​ല​യം പ്ര​ഖ്യാ​പി​ച്ച​ത്. മ​സ്​​ജി​ദു​ൽ ഹ​റാ​മി​ലെ ന​മ​സ്​​കാ​ര​ത്തി​നും മ​സ്​​ജി​ദു​ന്ന​ബ​വി സ​ന്ദ​ർ​ശ​ന​ത്തി​നും ത​വ​ക്ക​ൽ​നാ ആ​പ്ലി​ക്കേ​ഷ​നി​ൽ ഇ​മ്യൂ​ൺ സ്​​റ്റാ​റ്റ​സ്​ ഉ​ണ്ടാ​യാ​ൽ മ​തി. എ​ന്നാ​ൽ, ഉം​റ​ക്കും റൗ​ദ​യി​ലെ ന​മ​സ്​​കാ​ര​ത്തി​നും ത​വ​ക്ക​ൽ​നാ, ഇ​അ്​​ത​മ​ർ​ന ആ​പ്ലി​ക്കേ​ഷ​നി​ലൂ​ടെ അ​നു​മ​തി പ​ത്രം ന​ൽ​കു​ന്ന​ത്​ തു​ട​രു​മെ​ന്നും ഹ​ജ്ജ്​ ഉം​റ മ​ന്ത്രാ​ല​യം വ്യ​ക്ത​മാ​ക്കി.

യാ​ത്ര​ക്കാ​ർ​ക്ക് ക്വാ​റ​ന്‍റീ​ൻ തു​ക തി​രി​ച്ചു​ന​ൽ​ക​ണ​മെ​ന്ന് സി​വി​ൽ

ജി​ദ്ദ: സൗ​ദി അ​റേ​ബ്യ​യി​ലേ​ക്ക് വ​രാ​നി​രി​ക്കു​ന്ന യാ​ത്ര​ക്കാ​രി​ൽ​നി​ന്ന് നേ​ര​ത്തേ ക്വാ​റ​ന്‍റീ​ൻ പാ​ക്കേ​ജ് സ​ഹി​ത​മു​ള്ള ടി​ക്ക​റ്റ് നി​ര​ക്ക് ഈ​ടാ​ക്കി​യ വി​മാ​ന ക​മ്പ​നി​ക​ൾ ക്വാ​റ​ന്‍റീ​ൻ പ​ണം തി​രി​ച്ചു​ന​ൽ​ക​ണ​മെ​ന്ന് സൗ​ദി സി​വി​ൽ ഏ​വി​യേ​ഷ​ൻ അ​തോ​റി​റ്റി (ഗാ​ക) ആ​വ​ശ്യ​പ്പെ​ട്ടു.

എ​ല്ലാ ക​മ്പ​നി​ക​ളും ഈ ​നി​ർ​ദേ​ശം പാ​ലി​ക്ക​ണ​മെ​ന്നും വ്യ​വ​സ്ഥ ലം​ഘി​ച്ചാ​ൽ ക​ർ​ശ​ന ന​ട​പ​ടി സ്വീ​ക​രി​ക്കു​മെ​ന്നും അ​തോ​റി​റ്റി വി​മാ​ന​ക​മ്പ​നി​ക​ൾ​ക്ക് അ​യ​ച്ച സ​ർ​ക്കു​ല​റി​ൽ മു​ന്ന​റി​യി​പ്പ് ന​ൽ​കി. ആ​ഭ്യ​ന്ത​ര മ​ന്ത്രാ​ല​യം പു​റ​പ്പെ​ടു​വി​ച്ച പു​തി​യ കോ​വി​ഡ് നി​യ​ന്ത്ര​ണ ഇ​ള​വു​ക​ളി​ലെ പ്ര​ധാ​ന പ്ര​ഖ്യാ​പ​ന​മാ​ണ് രാ​ജ്യ​ത്തേ​ക്ക് പ്ര​വേ​ശി​ക്കു​ന്ന യാ​ത്ര​ക്കാ​രു​ടെ ഹോ​ട്ട​ൽ, ഹോം ​ക്വാ​റ​ന്‍റീ​ൻ ഒ​ഴി​വാ​ക്കി എ​ന്ന​ത്.

ഇ​ത​നു​സ​രി​ച്ചാ​ണ് സൗ​ദി സി​വി​ൽ ഏ​വി​യേ​ഷ​ൻ അ​തോ​റി​റ്റി വി​മാ​ന​ക​മ്പ​നി​ക​ൾ​ക്ക് സ​ർ​ക്കു​ല​ർ അ​യ​ച്ച​ത്. ആ​ർ.​ടി.​പി.​സി.​ആ​ർ, ആ​ന്‍റി​ജ​ൻ പ​രി​ശോ​ധ​ന ഫ​ല​വും ഇ​നി മു​ത​ൽ ആ​വ​ശ്യ​മി​ല്ലെ​ന്ന് അ​തോ​റി​റ്റി വി​മാ​ന​ക​മ്പ​നി​ക​ൾ​ക്ക​യ​ച്ച സ​ർ​ക്കു​ല​റി​ൽ വ്യ​ക്ത​മാ​ക്കി​യി​ട്ടു​ണ്ട്.

നേ​ര​ത്തേ സൗ​ദി​യി​ലേ​ക്ക് പ്ര​വേ​ശ​ന​വി​ല​ക്ക് നി​ല​നി​ൽ​ക്കു​ന്ന രാ​ജ്യ​ങ്ങ​ളി​ൽ​നി​ന്നു​ള്ള വി​ല​ക്ക് എ​ടു​ത്തു​ക​ള​ഞ്ഞ​താ​യും രാ​ജ്യ​ത്തേ​ക്ക് സ​ന്ദ​ർ​ശ​ക വി​സ​യി​ൽ വ​രു​ന്ന​വ​ർ കോ​വി​ഡ് ചി​കി​ത്സ ക​വ​ർ ചെ​യ്യു​ന്ന ഇ​ൻ​ഷു​റ​ൻ​സ് പോ​ളി​സി എ​ടു​ത്തി​രി​ക്ക​ണ​മെ​ന്നും സി​വി​ൽ ഏ​വി​യേ​ഷ​ൻ അ​തോ​റി​റ്റി സ​ർ​ക്കു​ല​ർ മു​ഖേ​ന അ​റി​യി​ച്ചി​ട്ടു​ണ്ട്.