കോവിഡ്​: കരുനാഗപ്പള്ളി, ആലപ്പുഴ സ്വദേശികൾ സൗദിയിൽ മരിച്ചു

റിയാദ്​: കോവിഡ്​ ബാധിച്ച്​ രണ്ട്​ മലയാളികൾ കൂടി സൗദി അറേബ്യയിൽ മരിച്ചു. കൊല്ലം കരുനാഗപ്പള്ളി ശ്രീവർദ്ധനം അയനുവേലി കുളങ്ങര തെക്ക് സ്വദേശി മാലേത്ത് കിഴക്കേതിൽ വീട്ടിൽ സുരേന്ദ്രൻ (55) ജുബൈലിലും ആലപ്പുഴ പാനൂർ സ്വദേശി കുന്നച്ചൻ പറമ്പിൽ മുഹമ്മദ്​ റഉൗഫ്​ (57) ദമ്മാമിലുമാണ്​ മരിച്ചത്​. ജുബൈൽ ടി.ഡബ്ല്യു.സി എന്ന കമ്പനിയിൽ ഇലക്ട്രിക്കൽ ഫോർമാനായി ജോലി ചെയ്യുന്ന സുരേന്ദ്രൻ 10 ദിവസം മുമ്പാണ് പനി ബാധിച്ച് ജുബൈൽ ജനറൽ ആശുപത്രിയിൽ ചികിത്സ തേടിയത്​. അവിടെ നിന്ന് പരിശോധനക്ക് ശേഷം മരുന്ന് നൽകി താമസസ്ഥലത്ത് ക്വറൻറീനിൽ കഴിയാൻ നിർദേശിച്ചിച്ച്​ അയക്കുകയായിരുന്നു.

തുടർന്ന് സാമൂഹിക പ്രവർത്തകൻ അഷറഫ് മൂവാറ്റുപുഴയുടെ നേതൃത്വത്തിൽ ജുബൈൽ ക്രൈസിസ് മാനേജ്‌മ​െൻറ്​ ഒരുക്കിയ ക്വറൻറീൻ കേന്ദ്രത്തിലേക്ക്​ മാറ്റിയിരുന്നു. ഇവിടെനിന്ന്​പിന്നീട്​ അദ്ദേഹത്തെ മറ്റൊരു സ്ഥലത്തേക്കും മാറ്റിപാർപ്പിച്ചിരുന്നു. തിങ്കളാഴ്​ച ഉച്ചയോടെ താമസസ്ഥലത്ത് മരിച്ചു.ഭാര്യ:ഉഷ.മക്കൾ: സന്ദീപ്(അൽഅ-ഹ്​സ), സനൂപ്.

26 വർഷമായി സൗദിയിലുള്ള മുഹമ്മദ്​ റഉൗഫ്​ ദമ്മാം സഫ്​വയിലെ ഒരു പെട്രോൾ പമ്പിലാണ്​ ജോലിചെയ്​തിരുന്നത്​. പനിയുടെ ലക്ഷണങ്ങൾ കണ്ടതിനെ തുടർന്ന്​ സ്വകാര്യ ആശുപത്രിയിൽ എത്തിയ റഊഫിനെ കോവിഡ്​ ചികിത്സക്ക്​ നിർദേശിക്കുകയായിരുന്നു. തുടർന്ന്​ ഖത്വീഫ്​ സെൻട്രൽ ആശുപത്രിയിൽ ചികിത്സയിൽ പ്രവേശിപ്പിച്ചിരുന്ന ഇദ്ദേഹം സുഖം പ്രാപിക്കുന്നു എന്ന വിവരമാണ്​ ആദ്യം ലഭിച്ചത്​. എന്നാൽ തിങ്കളാഴ്​ച വൈകീ​േട്ടാടെ സ്​ഥിതി വഷളാവുകയും ഹൃദയാഘാതം സംഭവിച്ച്​ മരണമടയുകയുമായിരുന്നു.

ഭാര്യ: ബൻസീറ ബീഗം. മക്കൾ: ആമിന (15), സഫിയ (12), ആയിഷ (8). ദമ്മാമിലെ സൗദി ആലപ്പുഴ വെൽഫയർ അസോസിയേഷൻ (സവ) അംഗമാണ്​ മരിച്ച മുഹമ്മദ്​ റഊഫ്​. അദ്ദേഹത്തി​​െൻറ നിര്യാണത്തിൽ സവ പ്രവർത്തകസമിതി അനുശോചനം രേഖപ്പെടുത്തി.