കോവിഡ്: ഗൂഡല്ലൂർ സ്വദേശി സൗദിയിൽ മരിച്ചു

ഹഫർ അൽബാത്വിൻ: കോവിഡ് ബാധിച്ച്​ മലയാളി സൗദി അറേബ്യയിലെ ഹഫർ അൽബാത്വിനിൽ മരിച്ചു. കേരള തമിഴ്​നാട്​ അതിർത്തിയിലെ ഗൂഡല്ലൂർ ദേവർഷോല സ്വദേശി യൂസഫ് (59) ആണ്​ മരിച്ചത്​.

മൃതദേഹം ഹഫറിലെ കിങ്​ ഖാലിദ് ജനറൽ ആശുപത്രിയിലെ മോർച്ചറിയിൽ സൂക്ഷിച്ചിരിക്കുകയാണ്. 24 വർഷമായി ഹഫറിൽ ഹൗസ് ഡ്രൈവറായി ജോലി ചെയ്തുവരികയായിരുന്നു.

ഭാര്യ: ആയിശ. മക്കൾ: ഹസീന, ജസീന, സുബുന, ഹുസൈൻ. മരണാനന്തര നടപടികൾ പൂർത്തീകരിക്കാൻ ഇന്ത്യൻ സോഷ്യൽ ഫോറം റിയാദ് വെൽഫയർ കോഒാഡിനേറ്റർ മുഹിനുദ്ദീൻ മലപ്പുറത്തിന്റെ നേതൃത്വത്തിൽ ഹഫർ ഘടകം വളൻറിയർമാരായ നൗഷാദ് കൊല്ലം, നൗഫൽ എരുമേലി, ഷിനുഖാൻ എന്നിവർ രംഗത്തുണ്ട്​.