കോവിഡ്: ഗൂഡല്ലൂർ സ്വദേശി അൽഅഹ്സയിൽ മരിച്ചു
text_fieldsഅൽഅഹ്സ(സൗദി): 33 വർഷത്തോളമായി അൽഅഹ്സയിൽ ജോലി ചെയ്യുന്ന തമിഴ്നാട് നീലഗിരി ജില്ലയിലെ ഗൂഡല്ലൂർ സ്വദേശി ബാവ എന്നറിയപെടുന്ന മുഹമ്മദ് നിര്യാതനായി. അൽഅഹ്സ ആശുപത്രിയിൽ വ്യാഴാഴ്ച രാവിലെയായിരുന്നു അന്ത്യം. കോവിഡ് ബാധിച്ച് ഒരാഴ്ചയായി ഇദ്ദേഹം ആശുപത്രിയിലെ തീവ്ര പരിചരണ വിഭാഗത്തിൽ ചികിത്സയിലായിരുന്നു.
മലപ്പുറം ജില്ലയിലെ എടക്കര സ്വദേശിയായ മുഹമ്മദ് 20 വർഷത്തോളമായി മേലെ ഗൂഡല്ലൂരിൽ ഒ.വി.എച്ച് റോഡിലെ വല്ലപ്പുഴ വീട്ടിലാണ് താമസം. ഇദ്ദേഹത്തിന് 10 സഹോദരങ്ങളുണ്ട്. ഇളയ സഹോദരൻ നിസാമുദ്ദീൻ അൽഅഹ്സയിൽ ജോലി ചെയ്യുന്നു. പിതാവ്: ഹംസ. ഉമ്മ: ഫാത്വിമ. ഭാര്യ: നബീസ. മകൾ: ഫത്വിമത്തു നദ. മരണാന്തര നടപടിക്രമങ്ങൾ പൂർത്തീകരിക്കാനുള്ള പ്രവർത്തനങ്ങൾ അൽഅഹ്സ കെ.എം.സി.സി ജനറൽ സെക്രട്ടറി അഷ്റഫ് ഗസൽ, അലി മാസ്റ്റർ എന്നിവരുടെ നേതൃത്വത്തിൽ പുരോഗമിക്കുകയാണ്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.