സൗദിയിൽ ഇന്ന്​ മൂന്ന്​ മരണം, 115 പേർ ഗുരുതരാവസ്ഥയിൽ

റിയാദ്​: സൗദി അറേബ്യയിൽ കോവിഡ്​ ബാധിച്ച്​ ഞായറാഴ്​ച​ മൂന്നുപേർ മരിച്ചു. ഹുഫൂഫിൽ സൗദി പൗരനും മക്കയിലും ജിദ്ദ യിലും ഒാരോ പ്രവാസികളുമാണ്​ മരിച്ചത്​. മരിച്ചവർ 39നും 72നും ഇടയിൽ ​പ്രായമുള്ളവരാണ്​. ആകെ മരണസംഖ്യ 137 ആയി. ഗുരുതരാവ സ്ഥയിൽ 115 പേർ വിവിധ ആശുപത്രികളിലെ തീവ്രപരിചരണ വിഭാഗത്തിൽ കഴിയുന്നു. പുതുതായി 1223 പേരിൽ രോഗം സ്ഥിരീകരിച്ചതോടെ ആ കെ ​വൈറസ്​ ബാധിതരുടെ എണ്ണം 17522 ആയെന്ന് ആരോഗ്യമന്ത്രാലയ വക്താവ്​ ഡോ. മുഹമ്മദ്​ അബ്​ദു അൽഅലി വാർത്താസമ്മേളനത്തിൽ പറഞ്ഞു.

ചികിത്സയിലുള്ളത്​ 15026 പേരാണ്​. 142 ​േ​പർ കഴിഞ്ഞ 24 മണിക്കൂറിനിടെ സുഖം പ്രാപിച്ചു. ഇതോടെ രോഗമുക്തരുടെ മൊത്തം എണ്ണം 2357 ആയി. പുതുതായി രോഗം സ്ഥിരീകരിച്ചവിൽ 15 ശതമാനം സൗദി പൗരന്മാരും 85 ശതമാനം വിദേശികളുമാണ്​. രാജ്യത്ത്​ ഇപ്പോഴും വൈറസ്​ സജീവ സാന്നിദ്ധ്യമുണ്ടെന്നും രോഗം പടരുന്ന അപകടകരമായ സാഹചര്യം നിലനിൽക്കുന്നെണ്ടെന്നും ഡോ. മുഹമ്മദ്​ അബ്​ദു അൽഅലി പറഞ്ഞു. സൂഖുകളിൽ രോഗപകർച്ചയുടെ സാധ്യത 77 ശതമാനമാണ്​. സൂപർമാർക്കറ്റ്​, ഫാർമസികൾ തുടങ്ങിയ ഇടങ്ങളിൽ 45 ശതമാനവും ജോലി സ്ഥലങ്ങളിൽ 48 ശതമാനവുമാണ്​ പൊതുസമ്പർക്കത്തിലൂടെ രോഗം പകരാനുള്ള സാധ്യത.

പാർപ്പിട കേന്ദ്രങ്ങളിൽ അത്​ 24 ശതമാനം മാത്രമാണ്​. അതുകൊണ്ടാണ്​ പരമാവധി എല്ലാവരും വീടുകളിൽ തന്നെ കഴിയാൻ പറയുന്നതെന്നും പുറത്തിറങ്ങേണ്ടി വന്നാൽ പരമാവധി ആരോഗ്യ സുരക്ഷാ മുൻകരുതൽ പാലിക്കാൻ ജാഗ്രതപുലർത്തണമെന്നും മന്ത്രാലയ വക്താവ്​ പറഞ്ഞു. ആരോഗ്യവകുപ്പി​​െൻറ ഫീൽഡ്​ സർവേ 10 ദിവസം പിന്നിട്ടു. കൂടുതൽ രോഗികളെയും കണ്ടെത്തുന്നത്​ ഇതിലൂടെയാണ്​. ഒരാൾ കൂടി മരിച്ചതോടെ മക്ക മേഖലയിലെ കോവിഡ്​ ബാധിച്ചുള്ള മരണസംഖ്യ 59 ആയി​. ജിദ്ദയിൽ 29ഉം, ഹുഫൂഫിൽ നാലും.

പുതിയ രോഗികൾ:

മക്ക 272, റിയാദ്​ 267, മദീന 217, ജിദ്ദ 117, ബേഷ്​ 113, ഉനൈസ 54, ദമ്മാം 51, ബുറൈദ 20, ജുബൈൽ 19, ഹുഫൂഫ്​ 17, അബ്​ഖൈഖ്​ 17, അൽറിദ 14, ത്വാഇഫ്​ 10, അബൂ ആരിഷ്​ 10, ഖുലൈസ്​ 3, തബൂക്ക്​ 3, സുൽഫി 3, സാജിർ 3, ഖത്വീഫ്​ 2, ഹഫർ അൽബാത്വിൻ 2, ഖുറയാത്​ 2, വാദി ദവാസിർ 2, അൽമജാരിദ 1, ഖമീസ്​ മുശൈത്ത്​ 1, ഖോബാർ 1, ജിസാൻ 1, അറാർ 1.

മരണസംഖ്യ:

മക്ക 59, മദീന 32, ജിദ്ദ 29, റിയാദ്​ 6, ഹുഫൂഫ്​ 4, ജീസാൻ 1, ഖത്വീഫ് 1​, ദമ്മാം 1, അൽഖോബാർ 1, ഖമീസ്​ മുശൈത്ത് 1​, ബുറൈദ 1, ജുബൈൽ 1, അൽബദാഇ 1, തബൂക്ക്​ 1.