സൗദിയിൽ രോഗമുക്തരുടെ എണ്ണം കാൽലക്ഷം കവിഞ്ഞു​​​ 

റിയാദ്​: സൗദി അറേബ്യയിൽ കോവിഡ് മുക്തരുടെ എണ്ണം കാൽലക്ഷം കവിഞ്ഞു.​ കഴിഞ്ഞ 24 മണിക്കൂറിനിടെ 2056 പേർക്ക്​ കൂടി അസുഖം ഭേദമായതോടെ രാജ്യത്തെ  ആകെ രോഗമുക്തരുടെ എണ്ണം 25722 ആയി. ഇത്​ നേരിയ ആശ്വാസം പകരുന്നുണ്ടെങ്കിലും പുതുതായി രോഗം ബാധിക്കുന്നവരുടെ എണ്ണം ഉയരുന്നത്​  ആശങ്കയുളവാക്കുന്നതാണ്​. കർഫ്യൂ ഇളവ് അവസരമാക്കി പുറത്തിറങ്ങുന്നതും നിയന്ത്രണങ്ങളും മുൻകരുതലുകളും സ്വീകരിക്കുന്നതിൽ അലംഭാവം കാണിക്കുന്നതുമാകാം​  രോഗബാധിതരുടെ എണ്ണം വീണ്ടും ഉയർന്നുതുടങ്ങിയതെന്ന്​ കരുതുന്നു​.

ഞായറാഴ്​ച 2736 ആളുകളിലാണ്​ പുതുതായി രോഗം സ്ഥിരീകരിച്ചത്​. ഇതോടെ മൊത്തം വൈറസ്​  ബാധിതരുടെ എണ്ണം 54752 ആയി ഉയർന്നു. എന്നാലും സുഖം പ്രാപിക്കുന്നവരു​െട എണ്ണം വർധിക്കുന്നത്​ ആശ്വാസകരമാണ്​. വൈറസ്​ ബാധിച്ചാലും അതിനെ  തള്ളിക്കളയാൻ തക്ക ശാരീരിക പ്രതിരോധശേഷി ഉള്ളവരാണ്​ കൂടുതലെന്നത്​ നല്ല സൂചനയാണ്​. നിലവിൽ രാജ്യത്തെ വിവിധ ആശുപത്രികളിൽ ചികിത്സയിൽ കഴിയുന്നത്​  28718 പേരാണ്​. സുഖം പ്രാപിച്ചവരുടെ എണ്ണവും അതിന്​ അടുത്താണ്​. വൈറസ്​ ബാധിച്ചാലും അതിജീവിക്കാനാവും എന്നൊരു ആത്മവിശ്വാസം ഒ ാരോരുത്തരിലുമുണ്ടാക്കാൻ ഇൗ കണക്ക്​ സഹായമാകും.

ചികിത്സയിലുള്ളവരിൽ 202 പേർ ഗുരുതരാവസ്ഥയിലാണ്​. ഇതിനിടയിലും മരണസംഖ്യ ഉയരുന്നുണ്ട്​. 10 പേരാണ്​  ഞായറാഴ്​ച മരിച്ചത്​. ആകെ മരണസംഖ്യ 312 ആയി. മക്ക (4), ജിദ്ദ (2), മദീന (1), റിയാദ്​ (1), അൽഖർജ്​ (1), നാരിയ (1) എന്നിവിടങ്ങളിലാണ്​ മരണം. എല്ലാവരും വിദേശികളും  26നും 60നും ഇടയിൽ പ്രായമുള്ളവരുമാണ്​. സ്​ത്രീകൾക്കും കുട്ടികൾക്കുമിടയിലെ രോഗബാധയുടെ തോതിൽ നേരിയ കുറവുണ്ടായിട്ടുണ്ട്​. പുതിയ രോഗികളിൽ 22  ശതമാനമാണ്​ സ്​ത്രീകൾ. കുട്ടികൾ ഒമ്പത്​ ശതമാനവും​. നാല്​ ശതമാനം യുവാക്കളും.

രോഗികളിലെ സൗദി, വിദേശി അനുപാതം 40​:60 എന്നായി​. കഴിഞ്ഞ 24  മണിക്കൂറിനിടെ 16045 കോവിഡ്​ ടെസ്​റ്റുകളാണ്​ നടത്തിയത്​. രാജ്യത്തെ വിവിധ ലാബുകളിലായി ഇതുവരെ 586405 ടെസ്​റ്റുകൾ നടന്നു. രോഗികളെ കണ്ടെത്താൻ  ആരോഗ്യ വകുപ്പ്​ രാജ്യവ്യാപകമായി നടത്തുന്ന ഫീൽഡ്​ സർവേ 29ാം ദിവസത്തിലേക്ക്​ കടന്നു. വീടുകളിലും മറ്റ്​ താമസകേന്ദ്രങ്ങളിലും ചെന്നുള്ള മെഡിക്കൽ ടീമി​​െൻറ  പരിശോധനയ്​ക്ക്​ പുറമെ ആളുകളെ ഫോൺ ചെയ്​ത്​ വിളിച്ചു വരുത്തി പരിശോധന നടത്തുന്ന റാണ്ടം ടെസ്​റ്റിങ്ങും നടക്കുന്നു. നാലുപേർ കൂടി മരിച്ചതോടെ മക്കയിൽ 131  ഉം രണ്ടുപേർ മരിച്ച്​ ജിദ്ദയിൽ 94 ഉം ഒരോരുത്തർ മരിച്ച്​ മരിച്ച്​ മദീനയിൽ 41ഉം റിയാദിൽ 18ഉം ആയി മരണസംഖ്യ. കോവിഡ്​ ബാധിച്ച ചെറുതും വലുതുമായ സൗദി  പട്ടണങ്ങളുടെ എണ്ണം 136 ആയി. 

പുതിയ രോഗികൾ:
മക്ക 557, റിയാദ്​ 488, മദീന 392, ജിദ്ദ 357, ദമ്മാം 286, ഹുഫൂഫ്​ 149, ജുബൈൽ 149, ത്വാഇഫ്​ 81, ഖോബാർ 51, ഖത്വീഫ്​ 24, തബൂക്ക്​ 18, ദഹ്​റാൻ 15, ബേയ്​ഷ്​ 15, ബീഷ  14, ബുറൈദ 12, അൽഹദ 9, അൽഖറഇ 9, ഹാഇൽ 9, സബ്​ത്​ അൽഅലായ 7, അബ്​ഖൈഖ്​ 6, ഖുൻഫുദ 6, യാംബു 5, അൽഖൂസ്​ 5, അൽറയീൻ 5, അഖീഖ്​ 4, ഹഫർ  അൽബാത്വിൻ 4, അൽഖർജ്​ 4, ദറഇയ 4, ഖമീസ്​ മുശൈത്​ 3, അഹദ്​ റുഫൈദ 3, മഹായിൽ 3, അൽഗാര 3, ഉംലജ്​ 3, സാംത 3, മുസൈലിഫ്​ 3, ഹുത്ത ബനീ തമീം 3,  റാസതനൂറ 2, സഫ്​വ 2, തുറൈബാൻ 2, നമീറ 2, മൻഫ അൽഹുദൈദ 2, മുസാഹ്​മിയ 2, റിജാൽ അൽമ 1, ഉനൈസ 1, അൽബദീഅ 1, അൽറസ്​ 1, ഖൈബർ 1, ഖുറുമ 1,  ഉമ്മു അൽദൂം 1, റാബിഗ്​ 1, ഷുവൈഖ്​ 1, നജ്​റാൻ 1, ശറൂറ 1, അൽഷഹ്​ബ 1, വാദി ദവാസിർ 1, റുവൈദ 1, തുമൈർ 1

മരണസംഖ്യ:
മക്ക 131, ജിദ്ദ 94, മദീന 41, റിയാദ്​ 18, ദമ്മാം 5, ഹുഫൂഫ്​ 4, അൽഖോബാർ 3, ജുബൈൽ 3, ബുറൈദ 2, ജീസാൻ 1, ഖത്വീഫ് 1​, ഖമീസ്​ മുശൈത്ത് 1​, അൽബദാഇ 1,  തബൂക്ക്​ 1, ത്വാഇഫ്​ 1, വാദി ദവാസിർ 1, യാംബു 1, റഫ്​ഹ 1, അൽഖർജ്​ 1, നാരിയ 1