Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightSaudi Arabiachevron_rightചൂട്​ കൂടിയാൽ കോവിഡ്​ ...

ചൂട്​ കൂടിയാൽ കോവിഡ്​ വ്യാപനം കുറയുമെന്നതിന്​ തെളിവില്ലെന്ന്​ സൗദി ആരോഗ്യമന്ത്രാലയം

text_fields
bookmark_border
ചൂട്​ കൂടിയാൽ കോവിഡ്​ വ്യാപനം കുറയുമെന്നതിന്​ തെളിവില്ലെന്ന്​ സൗദി ആരോഗ്യമന്ത്രാലയം
cancel

റിയാദ്​: വേനൽക്കാലമെത്തിയാൽ കോവിഡ്​ വ്യാപനത്തിന്​ ശമനമുണ്ടാവുമെന്ന്​ ​പ്രവചിക്കാനാവില്ലെന്ന്​ സൗദി ആരോ ഗ്യമന്ത്രാലയം. ചൂട്​ കൂടിയാൽ കൊറോണ വൈറസുകൾ നശിക്കുമെന്നും പകരുന്നതിന്​ ശമനമുണ്ടാവുമെന്നും പറയാനാവില്ലെന ്നും അതിന്​ തെളിവില്ലെന്നും മന്ത്രാലയ വക്താവ്​ ഡോ. മുഹമ്മദ്​ അബ്​ദു അൽഅലി പറഞ്ഞു.

പതിവ്​ വാർത്താസമ്മേളന ത്തിൽ സംസാരിക്കു​േമ്പാൾ മാധ്യമപ്രവർത്തകരുടെ ചോദ്യങ്ങൾക്ക്​ ഉത്തരം നൽകുകയായിരുന്നു അദ്ദേഹം. ഇത്​ പുതിയ ​തരം വൈറസാണ്​. ഇതിനെ കുറിച്ച്​ വിശദമായ പഠനം നടന്നിട്ടില്ല. ഇത്തരമൊരു വൈറസുമായി ആരോഗ്യ രംഗം ഇടപെടുന്നത്​ തന്നെ ഇതാദ്യമായാണ്​. സൗദി അറേബ്യയിൽ വേനലി​ന്​ ഇൗ മാസം പകുതി പിന്നിടുന്നതോടെ തുടക്കമാകും​.

50 ഡിഗ്രി സെൽഷ്യസിനും മുകളിലേക്ക്​​ വരെ ചൂട്​ ഉയരാനും സാധ്യതയുണ്ട്​. ഇൗ സാഹചര്യം മുൻകൂട്ടി കണ്ടായിരുന്നു​ മാധ്യമപ്രവർത്തകരുടെ ചോദ്യം. അങ്ങനെ കാലാവസ്ഥയ്​ക്ക്​ അനുസരിച്ച്​ ഇൗ വൈറസി​ന്​ സ്വഭാവ വ്യതിയാനം സംഭവിക്കുമെന്നതിന്​ ഇതുവരെയും ഒരു തെളിവുമുണ്ടായിട്ടില്ല. ​മൃഗങ്ങളിലേക്കും തിരിച്ച്​ മനുഷ്യരിലേക്കും പുതിയ ​കൊറോണ വൈറസ്​ പടരുമെന്നതിനും ശാസ്​ത്രീയ തെളിവില്ല.

എന്നാൽ മൃഗങ്ങളുമായി ഇടപഴകു​ േമ്പാൾ നന്നായി ശ്രദ്ധിക്കണം. അവയുടെ ശരീരവും വൃത്തിയാണെന്ന്​ ഉറപ്പുവരുത്തണം. കൊതുക്​ കൊറോണ വൈറസ്​ പടർത്തും എന്ന പ്രചാരണ​വും അദ്ദേഹം നിഷേധിച്ചു. അത്​ തെറ്റാണ്​. കൊതുക്​ മൂലം പടരുന്ന അസുഖമല്ല അത്​. എന്നാൽ കൊതുക്​ പടർത്തുന്ന അസുഖങ്ങൾ വേറെയുണ്ട്​.

സൂക്ഷ്​മ പ്രാണികളുടെ കാര്യത്തിലും ജാഗ്രത പാലിക്കുക. വെള്ളത്തിൽ ഉപ്പുകലക്കിയ ലായനി കൊണ്ട്​ മൂക്ക്​ കഴുകണമെന്ന പ്രചാരണത്തെയും അദ്ദേഹം തള്ളിക്കളഞ്ഞു. അത്​ മൂക്കിന്​ കേടുവരുത്തും. ഉപ്പുവെള്ളം കൊണ്ട്​ പലതവണ ഗാർഗ്​ൾ ചെയ്​താൽ വൈറസിനെ പ്രതിരോധിക്കാം എന്ന പ്രചാരണവും ശരിയല്ലെന്ന്​ അദ്ദേഹം വ്യക്തമാക്കി.

Show Full Article
TAGS:covid 19 soudi news gulf news 
Next Story