റാപ്പിഡ്​ ടെസ്​റ്റ്​: സർക്കാരി​െൻറ നിബന്ധന മറികടക്കാമെന്നല്ലാതെ പ്രയോജനമില്ലെന്ന്​ അനുഭവസ്ഥർ

റിയാദ്​: റാപ്പിഡ്​ ടെസ്​റ്റ്​ കൊണ്ട്​ കേരള സർക്കാരി​​െൻറ നിർദ്ദിഷ്​ട നിബന്ധനയെ മറികടക്കാമെന്നല്ലാതെ പ്രയോജന​മില്ലെന്ന്​ ടെസ്​റ്റ്​ റിസൾട്ടി​​െൻറ കൃത്യതയില്ലായ്​മ  അനുഭവിച്ചറിഞ്ഞവർ. ചാർട്ടർ വിമാനങ്ങളിൽ കേരളത്തിലേക്ക്​ യാത്ര ചെയ്യുന്ന പ്രവാസികൾ 48 മണിക്കൂറിനുള്ളിൽ കോവിഡ്​ ടെസ്​റ്റ്​ നടത്തി നെഗറ്റീവാണെന്ന്​  തെളിയിക്കുന്ന രേഖ കൈയ്യിൽ കരുതണമെന്ന സംസ്ഥാന സർക്കാർ നിബന്ധന നടപ്പാക്കുന്നത്​ ഇൗ മാസം 25ലേക്ക്​ നീട്ടിവെച്ചെങ്കിലും അതുകഴിഞ്ഞാൽ ടെസ്​റ്റ്​ ​ നിർബന്ധമാവു​മല്ലോ എന്ന ആശങ്കയിലാണ്​ പ്രവാസലോകം.

വലിയ പണചെലവ്​ വരുന്ന പി.സി.ആർ ടെസ്​റ്റ് പ്രവാസികളിൽ വലിയ ഭാരം അടിച്ചേൽപിക്കും എന്ന  ആക്ഷേപം നേരിട്ടപ്പോഴാണ്​ കേരള സർക്കാർ ട്രൂനാറ്റ്​ കിറ്റ്​ ഉപയോഗിച്ചുള്ള ദ്രുത പരിശോധന മാർഗം നിർദേശിച്ചത്​. അതോടെ സൗദി അറേബ്യ പോലുള്ള രാജ്യങ്ങളിൽ ഒ ൗദ്യോഗിക അനുമതി നേടി ഇൗ ടെസ്​റ്റ്​ നടത്തൽ പ്രായോഗികമാകുമോ​ എന്ന പ്രശ്​നം ഉദിച്ചു. ഇന്ത്യൻ മിഷൻ വഴി അനുമതി നേടാനുള്ള ശ്രമം നടക്കുന്നതായാണ്​ വിവരവും.  കോവിഡ്​ പോസിറ്റീവായ ആളുകൾ അതല്ലാത്ത ആളുകളോടൊപ്പം ഇടകലർന്ന്​ ഒരേ വിമാനത്തിൽ യാത്ര നടത്താതിരിക്കാനുള്ള കരുതലാണ്​ പുതിയ നിബന്ധനയുടെ  ഉദ്ദേശ്യലക്ഷ്യമെന്നാണ്​ സർക്കാർ ഭാഷ്യം.

അതിന്​ പക്ഷേ റാപ്പിഡ്​ ടെസ്​റ്റ്​ ഗുണകരമല്ല എന്നാണ്​ അനുഭവസ്ഥർ തന്നെ ചൂണ്ടിക്കാട്ടുന്നത്​. ​ഏതെങ്കിലും വിധത്തിൽ ഒരു  നെഗറ്റീവ്​ സർട്ടിഫിക്കറ്റ്​ തരപ്പെടുത്തിയാൽ സർക്കാരി​​െൻറയും കേരളത്തി​​െൻറയും ആശങ്ക മാറുമോ എന്നാണ്​ റാപ്പിഡ്​ ടെസ്​റ്റി​​െൻറ കൃത്യതയില്ലായ്​മയെ കുറിച്ച്​ ബോധ്യം  വന്നിട്ടുള്ളവർ ഉയർത്തുന്ന ചോദ്യം. കോവിഡ്​ രോഗികൾ മറ്റുള്ളവരോടൊപ്പം ഇടകലർന്ന്​ ചെന്നിറങ്ങി കേരളത്തെ അപകടപ്പെടുത്താതിരിക്കാനുള്ള കരുതലാണ്​  തീരുമാനത്തിന്​ പിന്നിലെങ്കിൽ അതിനൊട്ടും അനുയോജ്യമല്ല നിർദ്ദിഷ്​ട ദ്രുത പരിശോധന സംവിധാനമെന്ന്​​ ഇൗ രംഗത്തെ വിദഗ്​ധരടക്കമുള്ളവർ അഭിപ്രായപ്പെടുന്നു​.

സൗദി  അറേബ്യയിൽ നിലവിൽ റാപ്പിഡ്​ കിറ്റുകൾ ലഭ്യമാണ്​. ഇതുപയോഗിച്ച്​ ചില സ്ഥാപനങ്ങളെങ്കിലും ടെസ്​റ്റുകൾ നടത്തികൊടുക്കുന്നുണ്ട്​ എന്നാണറിയുന്നതും​. അതിന്​ ഒ ൗദ്യോഗികാനുമതിയു​ണ്ടോ എന്ന കാര്യത്തിലും അവ്യക്തതയുണ്ട്​. അത്തരത്തിൽ ടെസ്​റ്റ്​ നടത്തി റിസൾട്ടി​​െൻറ കൃത്യതയില്ലായ്​മ ബോധ്യപ്പെട്ടവർ നിരവധിയുണ്ട്​. ഒരു  കമ്പനിയിലെ 100 തൊഴിലാളികളിൽ റാപ്പിഡ്​ ടെസ്​റ്റ്​ നടത്തി. 60 പേർക്ക്​ കോവിഡ്​ പോസിറ്റീവാണെന്ന്​ സ്ഥിരീകരിച്ചു. അവരെ ജോലിയിൽ നിന്ന്​ തിരികെ വിളിച്ചു  ക്വാറൻറീനിലേക്ക്​ അയച്ചു. എന്നാൽ കമ്പനി മാനേജ്​മ​െൻറിന്​ ഇൗ ടെസ്​റ്റിൽ സംശയം തോന്നിയതിനാൽ ഉടൻ 60 പേരെയും ​പി.സി.ആർ ടെസ്​റ്റിന്​ വിധേയരാക്കി.

18  പേർക്ക്​ മാത്രമാണ്​ പോസിറ്റീവ്​ -റിസൾട്ടുണ്ടായത്​. അതായത്​ റാപ്പിഡ്​ ടെസ്​റ്റി​​െൻറ കൃത്യത വളരെ കുറവാണെന്നാണ്​ ഇൗ അനുഭവത്തിലൂടെ ബോധ്യപ്പെടുന്നത്​. സർക്കാർ  പറഞ്ഞതല്ലേ എന്ന ധൈര്യത്തിൽ റാപ്പിഡ്​ ടെസ്​റ്റ്​ നടത്തി ‘കോവിഡില്ലാ രേഖ’ നേടുന്നവർക്ക്​ അതുണ്ടോ ഇല്ലേ എന്ന ചോദ്യത്തിന്​ ടെസ്​റ്റ്​ നടത്തുന്നവർക്ക്​ പോലും  കൃത്യമായ ഉത്തരമില്ല എന്നതാണ്​ രസകരമായ വസ്​തുത. കൃത്യമായ ഫലം അറിയണമെങ്കിൽ പി.സി.ആർ ടെസ്​റ്റ് നടത്തണമെന്ന് റാപ്പിഡ്​ ടെസ്​റ്റ്​ റിസൾട്ടിൽ തന്നെ​  മുന്നറിയിപ്പായി എഴുതിവെക്കുന്നുണ്ട്​. നെഗറ്റീവുകാരനെ പോസിറ്റീവാക്കുകയും പോസിറ്റീവിനെ നെഗറ്റീവാക്കുകയും ചെയ്യുന്നത്ര കൃത്യതയില്ലായ്​മ ടെസ്​റ്റിനുണ്ടത്രെ.

അപ്പോൾ  ഫലമെന്താണ്​, നെഗറ്റീവായ ആളുടെ യാത്രമുടങ്ങും, പോസിറ്റീവുകാരൻ ഇൗസിയായി യാത്ര ചെയ്യും. ഇൗ കൃത്യതയില്ലായ്​മയുടെ പരീക്ഷണത്തിൽ കുടുക്കി പ്രവാസിയുടെ  ജീവിതത്തെ വീണ്ടും അനിശ്ചിതത്വത്തിലാക്കുകയാണ്​ സർക്കാർ തീരുമാനമെന്നാണ്​ ശക്തമാകുന്ന ആക്ഷേപം. അതല്ലാതെ റാപ്പിഡ്​ ടെസ്​റ്റുകൊണ്ട്​ സർക്കാർ ഉദ്ദേശിച്ച  ഫലം കിട്ടുമോ എന്ന​ വലിയ ചോദ്യം ബാക്കി നിൽക്കുകയും ചെയ്യുന്നു.